प्रकास 10:3 - Dhimal NT

³ उङको स्वर्गदुत बारका गालाहोइ ह्रिकाइहि कालाउ वाको गाला खुहाँको गर्जनको गाला भाइका हिघाहि। जेलाउ वा ह्रिकाइहि, कालाउ न्हि लोङ बारका गालासो वासेहेङ जोबाफ पिहि, जेदोङ इङको गर्जनको गाला भाइका हिघाहि।

प्रकास 10:3 Iomraidhean Croise

प्रकास 14:2

कालाउ का स्वर्गता हासुको बुङ गाला हिङघा। इङको गाला चिको हेन्जा झारनाको तिराराइका गाला भाइका हिघाखे। माकुनु इङको गर्जनको बार्का गाला भाइका हिघाहि। जेदोङ का गाला हिङघा इङको सङगितकारगेलाइसो उर्नि धुइपाका पोदोको गाला भाइका हिघाहि।

प्रकास 15:1

जेलाउ वा दोअ्लि दोहि, का आकासता एनोङ भेनेङ फरक चिन्हा तिङघा, जेदोङ हेन्जाङ आचाम्माको कालाउ हेथे थिलि गोइका हिघाहि। न्हि लोङ स्वर्गदुतगेलाइ न्हि लोङ भेनेङ खाल्को बिपतिगेलाइ चुमाका हिघाहि। इदोइ बिपतिगेलाइ आम्तिम हि हाइपालिपानु जेलाउ इदोइ नासातावा कालाउ परमेस्वरको चेरचुङ दोकावा।

प्रकास 4:5

इङको सिङहासनसो बिजुलिगेलाइ चिलकातेङ हिघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि। कालाउ इङको सिङहासनको आगाता न्हि लोङ चेरादानिगेलाइ जोल्तेङ हिघाहि, जेदोङ परमेस्वरको न्हि लोङ आत्मागेलाइ हि।

प्रकास 8:5

कालाउ स्वर्गदुत स्वर्गको बेदिको ह्रुतासो तितेङ हिका आङग्रो चेरा दानिता पोङघा पापिहि, कालाउ प्रिथिबि ह्रुता थाइगिल्पिहि। कालाउ इङको सोमोइ बिजुलिगेलाइ चिलकातेङ हिघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि, कालाउ भुइचाल बुङ लोहि।