प्रकास 10:11 - Dhimal NT

¹¹ कालाउ कासेहेङ या दोअ्हि, “जेदोङ काथा परमेस्वर नासेहेङ धुइलिको भाअ्सिङ पिहि, इङको काथा आरोङ गोताङ जाति कालाउ गोताङ सारभिको द्‍याङगेलाइहेङ, भेनेङ-भेनेङ भासा धुइका द्‍याङगेलाइहेङ कालाउ गोताङ राजागेलाइहेङ दोअ्सु।”

प्रकास 10:11 Iomraidhean Croise

प्रकास 11:1

कालाउ कासेहेङ दोङलिको भाअ्सिङ एनोङ लागासि पिहि कालाउ परमेस्वर कासेहेङ आग्या पिहि, “दोङ कालाउ काङको मुन्दिर, स्वर्गको बेदि दोङ कालाउ जाइ इन्ता काङको आराधाना पाखे इम्बालाइहेङ गान्दे।

प्रकास 11:9

सुम दिना आधा-दिना थेकापा उङको न्हेमि साक्सिगेलाइको लासगेलाइहेङ सुमिङको गोताङ कुल, भासा, रास्ट कालाउ जाति-जातिको झाराङ द्‍याङगेलाइ तिनावा। कालाउ इम्बालाइ हासुहेङ बुङ इङको लासगेलाइ लिअ्लि मापियाङ।

प्रकास 14:6

कालाउ का भेनेङ स्वर्गदुतहेङ बुङ आकास ह्रुता उराइतेङ हिका तिङघा। इङको स्वर्गदुत गोताङ कुल, भासा, रास्ट, कालाउ जाति-जातिको गोताङ द्‍याङगेलाइहेङ सुसमाचार चुम्तेङ हिङपालि हानिघाहि। इदोइ सुसमाचार जेलाउलाउको भाअ्सिङ माबदलियाङ।

प्रकास 17:10

इङको न्हिमि राजागेलाइ मध्ये, नामि राजा लाम्फा दोङ सिलि दोहोइ। उङको मध्येसो एमि तुतेङ सासक हि एला वा सासन पादोङखे। आम्तिम राजा एला बुङ लोका मान्थु। कालाउ जेलाउ वा ल्वाङ, वा आतुइसा सोमोइको भाअ्सिङ खिनिङ सासन पावा।

प्रकास 17:12

नाअ् लाम्फा तिङन्हा, इङको तेलोङ दाङ, इङको तेमि राजागेलाइहेङ तिङपाखे जाइ एला सासन पालि तेङका मान्थु। उङको तेमि राजागेलाइहेङ राक्सेस दोफा मिलितेङ सासन पालि खाबारा मिलिहि, कालाउ इम्बालाइको सासन आतुइसा सोमोइको भाअ्सिङ खिनिङ जेनाङ।

प्रकास 17:15

इङको स्वर्गदुत कासेहेङ एसा बुङ दोअ्हि, “नाअ् लाम्फा तिङका हिना हेन्जा झोरागेलाइ जेदोङ ह्रुता इङको बेबाल योम्तेङ हिघाखे, वा सुमिङको गोताङ द्‍याङगेलाइ, गोताङ कुल, गोताङ रास्ट, कालाउ गोताङ भासाको द्‍याङ हि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।