प्रकास 10:1 - Dhimal NT

¹ कालाउ न्हुसो का एमि बल्लियाका स्वर्गदुतहेङ स्वर्गसो लेता खुतेङ लोका का तिङघा। बादेल वाको कोरपाहाङ हिघाहि कालाउ धेङगुर वाको पुरिङको कोरपाहाङ हिघाहि। वाको ह्राइ सान्हे भाइपा चिल्कातेङ हिघाहि कालाउ वाको खोकोइ मेको खाम्बागेलाइ भाइका हिघाहि।

प्रकास 10:1 Iomraidhean Croise

मत्‍ति 17:2

इम्बालाइको मिसियाँ आगाता, येसुको जिउ भाङगाइन्हाहि कालाउ वाको ह्राइ सान्हे भाइपाङ चिल्का हि कालाउ वाको धाबा प्रकास भाइका फाइसालामका जे:का जेङहि।

लुका 21:27

कालाउ न्हुसो द्‍याङगेलाइ का द्‍याङको चानहेङ सरबुङ कालाउ बार्का महिमा दोफा बादेल ह्रुता लोकाताङ पाका तिङनाङ।

साल्न्हाका चात्या 26:13

ओइ राजा इङको दिना नितिमा का दमस्कस सहर हानिकाताङ पालाउ दामाता का एनोङ फाइसालामका आकाससो लोतेङ हिका तिङघा, इङको जोल्का थाअ्साइका का कालाउ का दोफा हानेका द्‍याङगेलाइको कोरपाहाङ चिल्कातेङ हिघाहि।

प्रकास 1:7

हिङसु, वा बादेलगेलाइ दोफा लोदोङखे, कालाउ झाराङ वासेहेङ तिनावा। ओबालाइ बुङ जाइ वासेहेङ भालाहोइ बाहि कालाउ वासेहेङ सेअ्हि। कालाउ प्रिथिबिता हिका गोताङ द्‍याङगेलाइ जेलाउ वासेहेङ तिनावा, इम्बालाइ जिउधाइ लोपाङ खारावा कालाउ तुम्ता थेकावा। एसाङ जेनाको। आमेन।

प्रकास 18:1

कालाउ न्हुसो, का भेनेङ स्वर्गदुतहेङ स्वर्गसो लेता खुअ्तेङ लोका तिङघा। वाको दोफा बारका खाबारा हिघाहि कालाउ वाको बारका जोल्का को कारन सारा प्रिथिबि फाइसालामहि।

प्रकास 18:21

कालाउ का एनोङ बल्लियाका स्वर्गदुतहेङ तिङघा, जाइ जान्ता भाइका बारका उन्ठुइ तोल्लेका हिघाहि। वा एसा दोअ्काताङ इङकोहेङ समुन्द्रता थाइगिल्हि, “एसापा दोङ बारका सहर बेबिलोन बुङ हेन्जा हिङसानाङ नासाताङ। जेदोङ सुमुन्द्रता थाइगिल्का उन्ठुइ माघुरियाङ, बेबिलोन सहर बुङ हेलाउ बुङ मातिनाङ।

प्रकास 20:1

कालाउ न्हुसो, का एनोङ स्वर्गदुतहेङ स्वर्गसो लेता खुतेङ लोका का तिङघा। वाको दोफा चिल वाङवाङका खाराको ताल्चा हिघाहि कालाउ वा एनोङ बारका ताल्चा खुरता चुम्का हिघाहि।

प्रकास 4:3

वा जाइ सिङहासनता बिराजमान जेङका हिघाहि वा मेनाङ जाङका उन्ठुइगेलाइ भाइका तिङघाहि, जाइहेङ यास्पर उन्ठुइ कालाउ कार्नेलियास उन्ठुइ दोअ्घाहि। इङको सिङहासनको वरिपरि धेङगुर हिघाहि, कालाउ इदोइ नेल्पा जाङका उन्ठुइ भाइका तिङघाहि।

प्रकास 5:2

कालाउ एमि बल्लियाका स्वर्गदुतहेङ बार्का गालाहोइ एसा दोअ्तेङ हिका का तिङघा, “इदोइ मोहोर थुरलि कालाउ किताप खोलेलि खाबारा हासुहेङ हि?”

प्रकास 8:13

जेलाउ का आरोङ खाङघा, एनोङ बाजा मध्ये आकासता हेन्जा ह्रुता उराइतेङ हिका कालाउ तिराराइका गालाहोइ एसा दोअ्काताङ पाका का हिङघा, “सुमिङता हिका मारेम्का द्‍याङगेलाइको भाअ्सिङ या हेथे थिलि गोइका हि, हाइपालिपानु जेलाउ आम्तिम सुमि स्वर्गदुत ताइको सानाइ म्होतावा, कालाउ सुमलोङ आरु बिपतिगेलाइ इम्बालाइ ह्रुता ल्वावा।”