प्रकास 1:8 - Dhimal NT

⁸ परमप्रभु परमेस्वर दोअ्खे, “का दोङ आल्फा कालाउ ओमेगा हिघा” का दोङ सुरु कालाउ आन्त्य हिघा। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, कालाउ जाइ आरोङ ल्वाङ। वा सरबुङसाइका परमप्रभु हि।

प्रकास 1:8 Iomraidhean Croise

2 कोरिन्थि 6:18

का नेलाइको आबा जेनाङका, कालाउ नेलाइ काङको चान-चामिन्दि जेङस्वाना, सरबुङसाइका परमप्रभु दोअ्खे।”

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

प्रकास 1:17

जेलाउ का वासेहेङ तिङघा, कालाउ एन्सालाउ दोङ का वाको चरनता परिघा। का सिका द्‍याङ भाइपा हिघाखा। कालाउ वा ताइको दाम्पाहाको खुर काङको ह्रुता ताअ्तेङ दोअ्हि “माअ्थि, का दोङ सुरु कालाउ आन्त्य हिघा।

प्रकास 1:4

इदोइ पात्तारा का युहान्‍ना एसिया प्रदेसको न्हि लोङ मन्डलिको खान्धुराइगेलाइको भाअ्सिङ लेखेदोङखा। का प्रार्थाना पाखा कि परमेस्वर नासेहेङ वाको आनुग्रह कालाउ सान्ति तिङपाको। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, परमेस्वरको सिङहासनको आगाता ह्यावा न्हि लोङ दोङ आत्मासो,

प्रकास 11:17

इम्बालाइ दोअ्हि, “हे परमेस्वर, सरबुङसाइका परमप्रभु, नाअ् इसिका परमेस्वर हिना, जाइ सुरुको सोमोइसोङ, एला थेकापा कालाउ जेलाउलाउको भाअ्सिङ परिबतन माजेनाना केलाइ नासेहेङ जातिङकोङ धन्यबाद पिन्हाखे, हाइपालिपानु नाअ् एला ताइको माहान सरबुङ तिङपाका हिना, कालाउ एला नाअ् प्रिथिबिता ताइको सासन सुरु पान्हा।

प्रकास 15:3

इम्बालाइ ले लेतेङ हिघाहि जेसाङ परमेस्वरको सेवक मोसा हेन्जाङ लाम्फा लेका हिघाहि। इम्बालाइ येसुको बाखानाइको ले लेहि, जाइ थुमा भाइकाङ हि: “हे परमप्रभु परमेस्वर सरबुङसाइका, जेदोङ नाअ् पान्हा इङको माहान कालाउ आचाम्माका हि। नाअ् दोङ गोताङ राइजिको राजा हिना। नाङको गोताङ काम सहि कालाउ धार्मिक हि।”

प्रकास 16:14

इदोइ भुत-आत्मा दोफा आचाम्माका काम पाका सरबुङ हिघाहि। कालाउ इदोइ सुमिङको गोताङ सारभिगेलाइता सासन पाकालाइहेङ जोम्पाहि कालाउकि, परमेस्वर सरबुङसाइकाको बिरोधता वाको माहान दिनाता धुम पालि द्वाको। इङको इदोइ दिना हि जेलाउ परमेस्वर ताइको सतुरुगेलाइहेङ न्याय पाङ कालाउ ताइको द्‍याङगेलाइहेङ बान्चि पावा।

प्रकास 16:7

आरोङ का हासु बुङ स्वर्गको बेदिसो नुइ धुइका हिङघा, “एइ, परमप्रभु परमेस्वर सरबुङसाइका, द्‍याङ जातिता नाङको साजाइ सत्ये कालाउ न्याय पुर्न हि।”

प्रकास 19:15

वाको नुइसो एनोङ धार हिका कात्ति लोहि वा गोताङ रास्टगेलाइहेङ हारिपावा। झाराङ द्‍याङ जाइ वाको खाबाराहेङ मामानिखे, वा ओबालाइहेङ थाङका साजाइ प्याङ। वा दाखरस एनोङ खारासो झोतेङ हिका भाइका परमेस्वर, सरबुङसाइकाको थिलि गोइका चेरचुङको क्रोडहोइ लाअ्प्याङ।

प्रकास 19:6

कालाउ न्हुसो, का हेन्जाङ द्‍याङगेलाइको ह्रिकाइका भाइका बारका गाला हिङघा। इम्बालाइको ह्रिकाइका हेन्जा ओसारापाङ बारका चिको झरना भाइकाङ हिघाहि, कालाउ बादेलसो गद्द्‍याङ-गुद्द्‍याङको गाला भाइका हिघाहि। इम्बालाइ दोअ्हि, “हाल्लेलुया! परमेस्वर केलाइको परमप्रभु, गोताङ सरबुङ हि, कालाउ वा राजा जाइ सासन पाखे।

प्रकास 2:8

येसु कासेहेङ एसा बुङ दोअ्हि, स्मुरना सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ गोताङ आमेने सुरु पाहि, कालाउ का आवाङ हिघा जाइ गोताङ आमेने आन्त्य बुङ पाहि। का सिका हिघाखा, कालाउ एला सिन्हुका हिघा कालाउ जेलाउलाउको बुङ भाअ्सिङ सिन्हुतेङ ह्याङका। जेदोङ का नेलाइहेङ दोअ्खा वासेहेङ हिङसु।

प्रकास 21:22

का मुन्दिर मातिङघा, हाइपालिपानु परमप्रभु परमेस्वर सरबुङसाइका कालाउ थुमा ओदोङ सहरता हिखे। ओदोङ भाअ्सिङ, एला इन्ता मुन्दिरको आवस्यक मान्थु।

प्रकास 21:6

आरोङ वा कासेहेङ दोअ्हि, “एला गोताङ पुरा जेङहोइ। का दोङ आल्फा कालाउ ओमेगा हिघा। का दोङ सुरु कालाउ आन्त्य हिघा। जाइ चि आम्लि किका हि का इम्बालाइहेङ ताजा चि आम्पालि चुम्पुवाङका जेदोङ ए पाइसा माकोसिङ जिबनको चि आम्लि प्याङका।

प्रकास 22:13

का दोङ आल्फा कालाउ ओमेगा हिघा। का दोङ सुरु कालाउ आन्त्य हिघा।”

प्रकास 4:8

इङको द्‍यालोङ दोङ हुसि हिका प्रानिको तुलोङ-तुलोङ पाखेना हिघाहि, कालाउ इम्बालाइको पाखेनागेलाइ लिता कालाउ बाहार न्हे पाहा मिसियाँहोइ ढाकिका हिघाहि। कालाउ झेम्पाङ लिपाङ इम्बालाइ माथामिसिङ एसा दोअ्काताङ लेकाताङ हिघाहि, “पबित्तरो, पबित्तरो, पबित्तरो प्रभु सरबुङसाइका परमप्रभु, वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ।”