प्रकास 1:5 - Dhimal NT

^5-6 कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 1:5 Iomraidhean Croise

मत्‍ति 20:28

जेसाङ का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ काङको पापसो लाअ्पालि दोअ्तेङ ताइको जिउ पिलि लोका हिघा।

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

युहन्‍ना 13:1

निस्तार पार्बाको खान्तेङ लाम्फा येसु ताइमिङ सुमिङसो लाअ्तेङ आबाकोता घुरिका सोमोइ लोलि तोम्का दोअ्का काथा येसुहेङ थाहा हिघाहि। वा दोङ सुमिङता हिका ताइमिहेङ लेसारा पिताइकालाइहेङ प्रेम पाघाखे कालाउ ओबालाइहेङ पुरा प्रेम पातेङ हि।

युहन्‍ना 13:34

का नेलाइहेङ एनोङ नावा आग्या पिखा, नेलाइ एमिसो भेनेङहेङ प्रेम पासु। जेसाङ का नेलाइहेङ प्रेम पाका हिघा, नेलाइ बुङ एमिसो भेनेङहेङ इन्सिकाङ प्रेम पासु।

युहन्‍ना 15:9

जेसाङ आबा कासेहेङ प्रेम पाका हि, एन्साङ पातेङ का बुङ नेलाइहेङ प्रेम पाका हिघा। नेलाइ बुङ का दोफा काङको प्रेमता हितेङ हिसु।

युहन्‍ना 18:37

पिलातस येसुहेङ हिअ्हि, “हाइ नाअ् राजा दोङ?” कालाउ येसु उत्तारा पिहि का राजा दोङ दोअ्तेङ नाअ् दोङ दोअ्खेना। का जोलोमलिको कालाउ इदोइ सुमिङता लोकाको कारन इदोइ हि कि का सत्येको बिसोइता धिरपालि द्वाको। इङको गोताङ जाइ कासेहेङ पिताइखे कालाउ सत्येको पालन पाखे।

युहन्‍ना 3:11

जातिङ भारि का नासेहेङ दोअ्खा, केलाइ जेदोङ गिनाखे इङकोङ दोअ्नाखे, कालाउ केलाइ जेदोङ तिङका हिनाहि इङको कोङ साक्सि पिन्हाखे, कालाउ नेलाइ केलाइको दोअ्का काथाता खाङधुरि मापा सुखेना।

युहन्‍ना 3:16

“हाइपालिपानु परमेस्वर सुमिङको द्‍याङगेलाइहेङ इसिका प्रेम पाहि, कालाउ वा दोङ ताइको एमि खिनिङ चान पिहि। कालाउकि वासेहेङ खाङधुरि पाकालाइ हासु बुङ नास माज्याको, भरु वा दोङ आनान्त जिबन निनाको।

युहन्‍ना 3:32

वा जेदोङ तिङका कालाउ हिङका हि, इङको साक्सि वा पिखे कालाउ वाको साक्सि हेन्जाङ द्‍याङगेलाइ माह्रुखे।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

साल्न्हाका चात्या 26:23

इम्बालाइ दोअ्हि कि ख्रिस्ट दुख ल्होपातेङ सिलि गोयाङ कालाउ सिकासो सिन्हुकागेलाइ मध्ये वा दोङ झाराङ खान्तेङ लाङति जेनावा। कालाउ वा यहुदिलाइहेङ कालाउ गैर-यहुदिगेलाइहेङ परमेस्वरको सन्‍देस घोसाना पावा जेदोङ फाइसालामका भाइका जेनावा।”

रोमि 3:25

परमेस्वर येसु ख्रिस्टहेङ वाको हितिसो पाप स्यामाको भाअ्सिङ बलिदान भाइपाङ पिगिल्हि, कालाउकि येसु ख्रिस्ट ह्रुता खाङधुरि पाकालाइको पाप स्यामा जेनाको, इदोइ काम परमेस्वर ताइको धार्मिकता तिङपालि पाहि, हाइपालिपानु परमेस्वर हानिका सोमोइता ताइको धर्यता तिङपातेङ द्‍याङगेलाइहेङ इम्बालाइको पापको दन्ड मापिहि।

रोमि 8:37

कालाउ या गोताङ मारेम्का काथागेलाइ जेङलाउ बुङ, केलाइहेङ प्रेम पाका येसु ख्रिस्ट पाहासो केलाइ इदोइ गोताङ काथागेलाइ ह्रुता बार्का जित निङका हिनाहि।

1 कोरिन्थि 6:11

नेलाइ हेथेते इन्सिकाङ हिघासुखेना, कालाउ परमेस्वर नेलाइको पाप झाअ्पिहि, कालाउ प्रभु येसु ख्रिस्टको मिङता केलाइहेङ पबित्तरो आत्मासो धर्मि कालाउ पबित्तरो बानाइहि।

गलाति 2:20

या इसिका हि, कि का बुङ येसु ख्रिस्ट दोफाङ क्रुस्टता सिघा, एला उसो का जियाइका माको भरु येसु ख्रिस्ट का लिता जियाइखे। जेदोङ जिबन जिउता एला जियाइखा, इङको परमेस्वरको चान ह्रुता खाङधुरि पातेङ जियाइखा, जाइ कासेहेङ हेन्जा प्रेम पाखे कालाउ काङको भाअ्सिङ ताइको जिबन बुङ आरपन पाहि।

एफिसि 2:4

कालाउ परमेस्वर ओसारापाङ दायालु हिका हि, कालाउ केलाइहेङ हेन्जा प्रेम पाखे।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

कलस्सि 1:18

येसु ख्रिस्ट मन्डलिको आगुवाइ पाखे जेसाङ द्‍याङको पुरिङहोइ ताइको जिउ काबुता पाखे। कालाउ वाआङ लाम्फाङ हिघाहि जाइ सिकासो सिन्चाल्का मध्ये जेठा हिघाहि, कालाउकि वाआङ दोङ गोताङ काथा ह्रुता सर्बच्चा ह्याको।

1तिमोथि 6:13

का झाराङहेङ जिबन पिका परमेस्वर कालाउ पन्तियास पिलातसको आगाता साक्सि पिका येसु ख्रिस्टको आगाता का नासेहेङ आग्या प्याङका।

1तिमोथि 6:15

आरोङ परमेस्वर ख्रिस्टहेङ ठिक सोमोइता दिङगिल्लाङ। जेदोङ परमेस्वर बाखानाइ योग्य हि, थुमा प्रभुगेलाइको प्रभु कालाउ राजागेलाइको राजा हि।

हिब्रु 10:29

जेसापा मोसाको व्यवस्था आन्सार साजाइ इन्सिका हिघाहि पानु, जाइ परमेस्वरको चानहेङ हेला पाखे उङकोहेङ आझाइ झन बार्का साजाइ जेङखे। कालाउ वा परमेस्वरको चानहेङ खोकोइहोइ याङखे कालाउ आदार मापाखे। कालाउ वा ख्रिस्टको हितिहेङ पबित्तरो माथानिखे, जेदोङ परमेस्वर वासेहेङ पबित्तरो बानाइलिको भाअ्सिङ नावा कारार सुरु पाहि। वा पबित्तरो आत्माको आपामान पाहि, जाइ पाहासो वा आनुग्रह निङका हिघाहि।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

1पतरुस 1:19

कालाउ ख्रिस्टको मेनाङ जाङका हितिहोइ, जाइ सुद्द भेडाको भाइका हिघाहि।

१ युहन्‍ना 1:7

कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।

१ युहन्‍ना 4:10

सत्ये प्रेम या दोङ हि: केलाइ परमेस्वरहेङ प्रेम पाकानाङ माको, कालाउ वा दोङ केलाइहेङ प्रेम पाहि, कालाउ ताइको चानहेङ दिङगिल्पिहि। कालाउकि वाको बलिदानसो केलाइको पापको दन्ड स्यामा जेनाको।

प्रकास 11:15

जेलाउ न्हितेङ स्वर्गदुत ताइको सानाइ म्होहि, का स्वर्गता बा-बारका गालाहोइ एसा ह्रिकाइतेङ हिका हिङघा, “सुमिङको सासन पाका एला हासु बुङ मान्थु। खिनिङ केलाइको प्रभु परमेस्वर कालाउ वाको चुनिका ख्रिस्ट। कालाउ परमेस्वर जेलाउलाउ बुङ सासन पावा।”

प्रकास 11:3

इङको बेला, का काङको न्हेमि वाबाल दिङगिल्याङका जाइ काङको सत्ये सन्‍देस घोसाना पावा। कालाउ इम्बालाइ दा:का रङको धुसा होनावा कालाउ इङको ए-हाजार न्हे साइ सुम कुरि दिना थेकापा इङको द्‍याङ काङको सन्‍देस घोसाना पावा।”

प्रकास 17:14

इम्बालाइ थुमाको बिरोधता धुम पावा, कालाउ थुमा ओबालाइहेङ हारिपावा, हाइपालिपानु थुमा प्रभुगेलाइको प्रभु कालाउ राजागेलाइको राजा हि। ताइको काइका, साल्का, कालाउ खाङधुरि योग्य द्‍याङगेलाइ दोफा इम्बालाइहेङ हारिपावा।”

प्रकास 19:11

आरोङ का स्वर्गहेङ हेअ्नाका तिङघा, इन्ता काङको आगाता एनोङ जे:का ओह्याँ हिघाहि। जाइ वाको ह्रुता दोल्हि, वा इसिका हि वासेहेङ खाङधुरि पालि द्वास्वाना कालाउ वा माधाताइखे। कालाउ वा धार्मिक दोफाङ वा ताइको सतुरुगेलाइको न्याय पाखे कालाउ इम्बालाइको बिरोधता फेसुखे।

प्रकास 19:16

वाको लोखोन धाबा कालाउ दाम्पाहा फिला ह्रुता एनोङ मिङ लेखेका हिघाहि, थुमा “प्रभुगेलाइको प्रभु” कालाउ राजागेलाइको राजा हि।

प्रकास 2:13

कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।

प्रकास 3:14

कालाउ येसु कासेहेङ एसा बुङ दोअ्हि, लाउडिकिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइहेङ आमेन दोअ्खे, हाइपालिपानु का भोरोसा यग्यो हिघा कालाउ का परमेस्वरको बारेता जेदोङ दोअ्घा गोताङ सत्ये हि। वा सिर्जाइहि गोताङ थोकको का स्रोत हिघा। जेदोङ का नेलाइहेङ दोअ्खा वासेहेङ हिङसु।

प्रकास 7:14

कालाउ का वासेहेङ दोअ्घा, “कासेहेङ थाहा मान्थु भरु नेउ, नासेहेङ दोङ थाहा हि।” वा कासेहेङ दोअ्हि, “इदोइ द्‍याङगेलाइ हि जाइ दुख भोगिका हि। इम्बालाइ ताइको धाबा थुमाको हितिता झाअ्हि कालाउ जे:का जेङहि, याको मतलब हि कि इम्बालाइको पाप लाअ्पाका हि।