प्रकास 1:16 - Dhimal NT

¹⁶ वाको ताइको दाम्पाहा खुरहोइ न्हि लोङ फुरुगेलाइ रिम्तेङ ताअ्का हिघाहि, कालाउ वाको नुइसो न्हे धार हिका चुका कात्ति ओल्लेका हिघाहि। वाको ह्राइ थाअ्साइतेङ जोल्तेङ हिघाहि जेसाङ आधा दिनाता सोना चिल्कातेङ हिघाहि।

प्रकास 1:16 Iomraidhean Croise

मत्‍ति 17:2

इम्बालाइको मिसियाँ आगाता, येसुको जिउ भाङगाइन्हाहि कालाउ वाको ह्राइ सान्हे भाइपाङ चिल्का हि कालाउ वाको धाबा प्रकास भाइका फाइसालामका जे:का जेङहि।

साल्न्हाका चात्या 26:13

ओइ राजा इङको दिना नितिमा का दमस्कस सहर हानिकाताङ पालाउ दामाता का एनोङ फाइसालामका आकाससो लोतेङ हिका तिङघा, इङको जोल्का थाअ्साइका का कालाउ का दोफा हानेका द्‍याङगेलाइको कोरपाहाङ चिल्कातेङ हिघाहि।

एफिसि 6:17

जेसाङ धुमता सिपाइ ताइको पुरिङ बान्चिपालि तोप तुखे, एन्साङ दोङ परमेस्वर नेलाइहेङ साइतानसो बान्चि पावा। कालाउ सिपाइ ताइमिहेङ बान्चिपालिको भाअ्सिङ तरवार चुम्का भाइपा ताइमिहेङ बान्चिपालि परमेस्वरको बचन प्रयोग पासु। जाइ पबित्तरो आत्मा पिखे।

हिब्रु 4:12

परमेस्वरको बचन ते काम पातेङ हिका कालाउ हुसि हिका हि, कालाउ वाको बचन न्हेपाहाङ धार हिका कात्ति खान्तेङ बुङ चुका हि। इङकोहोइ लिता हानितेङ प्रान कालाउ आत्माहेङ खेङन्हा पापिखे। इङकोहोइ जोरनि कालाउ हारा सुधाङ पाल्खे। इङको परमेस्वरको बचनहोइ द्‍याङगेलाइको ह्रदयको बिचार कालाउ इच्छाहेङ झोअ्तेङ जाचिखे।

प्रकास 1:20

एला का काङको दाम्पाहा खुरता न्हि लोङ फुरुगेलाइको माने हाइ वाला कालाउ न्हि लोङ सोनाको चेरादानिगेलाइको माने हाइ हि दोअ्ताङका जेदोङ लाम्फा थाहा मान्थुघाहि। याको माने या हि: न्हि लोङ फुरुगेलाइ इङको स्वर्गदुतगेलाइहेङ तिम्पाखे जाइ न्हि लोङ मन्डलिगेलाइहेङ सामाराइखे कालाउ न्हि लोङ चेरादानिको न्हि लोङ मन्डलिगेलाइहेङ तिम्पाखे।”

प्रकास 10:1

कालाउ न्हुसो का एमि बल्लियाका स्वर्गदुतहेङ स्वर्गसो लेता खुतेङ लोका का तिङघा। बादेल वाको कोरपाहाङ हिघाहि कालाउ धेङगुर वाको पुरिङको कोरपाहाङ हिघाहि। वाको ह्राइ सान्हे भाइपा चिल्कातेङ हिघाहि कालाउ वाको खोकोइ मेको खाम्बागेलाइ भाइका हिघाहि।

प्रकास 12:1

जेलाउ इङको दोहि, इन्ता एनोङ आचाम्माका चिन्हा आकासता तिङपाहि। हाइपालिपानु एमि बेबाल तालि ह्रुता जाअ्तेङ हिघाहि, जाइको धाबा सान्हेको भाइपाङ चिल्काघाखे। वाको पुरिङता वा एनोङ मुकुट तुका हिघाहि जेदोङता तेन्हे फुरुगेलाइ हि।

प्रकास 19:15

वाको नुइसो एनोङ धार हिका कात्ति लोहि वा गोताङ रास्टगेलाइहेङ हारिपावा। झाराङ द्‍याङ जाइ वाको खाबाराहेङ मामानिखे, वा ओबालाइहेङ थाङका साजाइ प्याङ। वा दाखरस एनोङ खारासो झोतेङ हिका भाइका परमेस्वर, सरबुङसाइकाको थिलि गोइका चेरचुङको क्रोडहोइ लाअ्प्याङ।

प्रकास 19:21

आरोङ, जे:का ओह्याँ ह्रुता धोल्का इङको राक्सेस कालाउ गोताङ सेनागेलाइहेङ सेअ्हि, वाको नुइसो ओल्लेका धार हिका कात्तिहोइ झाराङहेङ पाल्हि। सिघुनगेलाइ लोहि कालाउ गोताङ सिका द्‍याङगेलाइको सिका जिउ हामु माआघाइपा थेकापा चाअ्हि।

प्रकास 2:1

येसु कासेहेङ एसा बुङ दोअ्हि, एफिसस सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ न्हि लोङ फुरुहेङ काङको दाम्पाहा खुरता ताअ्ताङका कालाउ न्हि लोङ सोनाको चेरादानिगेलाइको माझाता ताअ्खे। जेदोङ का नेलाइहेङ दोअ्खा वासेहेङ हिङसु।

प्रकास 2:12

येसु कासेहेङ एसा बुङ दोअ्हि, पर्गाममको सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ दोफा धार हिका न्हेधारे कात्ति हि, जेदोङ का नेलाइहेङ दोअ्खा वासेहेङ हिङसु।

प्रकास 2:16

ओदोङ भाअ्सिङ पाप पालि लाअ्सु परमेस्वर भारि घुरिसु, जेसापा नेलाइ इङको पालि मालाअ्सुन्हा पानु, का धेमाङ ल्वाङका कालाउ इङको धाताइका सिक्स्या पिकालाइको बिरोधता का काङको नुइसो ओल्लेका कात्तिहोइ जुदियाङका जेदोङ काङको बचन हि।

प्रकास 3:1

येसु कासेहेङ एसा बुङ दोअ्हि, सार्दिस सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइ ताइको खुरता न्हि लोङ फुरुगेलाइ चाअ्तेङ ताअ्का हि। कालाउ जाइ परमेस्वरको न्हि लोङ आत्मागेलाइहेङ दिङगिल्पिहि। कासेहेङ नाङको काम थाहा हि कि, नेलाइ का दोफा खाङधुरि योग्य खान्धुराइगेलाइ भाइका तिङसुखेना। कालाउ बास्तबता नेलाइ एला कासेहेङ मापिताइस्वाना।