प्रकास 1:12 - Dhimal NT

¹² काङको दोफा काथा पाकाताङ हि दोअ्तेङ का खाङलि घुरिघा, जेलाउ का घुरिघा कालाउ का ओबालाइको गेसागेलाइ दोअ्फाङ हिका न्हि लोङ सोनाको चेरादानिगेलाइ तिङघा।

प्रकास 1:12 Iomraidhean Croise

प्रकास 1:13

“हिदोइ बुङ द्‍याङ भाइका तिङघाखे” जेदोङ चाहि चेरादानिगेलाइको माझाता जातेङ हिघाहि। वा ताइको पाइताला थेकाका लोखोन धाबा होङका हिघाहि। कालाउ वाको तुम्ता भरि सोनाको रङको फिता लागाइका हिघाहि।

प्रकास 1:19

ओदोङ भाअ्सिङ जेदोङ नाअ् तिङका हिना, इङको लेखे, न्हेनोङ काथागेलाइ जेदोङ एला जेङतेङ हि कालाउ इङको काथागेलाइ जेदोङ न्हुसो जेनाङ।

प्रकास 1:20

एला का काङको दाम्पाहा खुरता न्हि लोङ फुरुगेलाइको माने हाइ वाला कालाउ न्हि लोङ सोनाको चेरादानिगेलाइको माने हाइ हि दोअ्ताङका जेदोङ लाम्फा थाहा मान्थुघाहि। याको माने या हि: न्हि लोङ फुरुगेलाइ इङको स्वर्गदुतगेलाइहेङ तिम्पाखे जाइ न्हि लोङ मन्डलिगेलाइहेङ सामाराइखे कालाउ न्हि लोङ चेरादानिको न्हि लोङ मन्डलिगेलाइहेङ तिम्पाखे।”

प्रकास 2:1

येसु कासेहेङ एसा बुङ दोअ्हि, एफिसस सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ न्हि लोङ फुरुहेङ काङको दाम्पाहा खुरता ताअ्ताङका कालाउ न्हि लोङ सोनाको चेरादानिगेलाइको माझाता ताअ्खे। जेदोङ का नेलाइहेङ दोअ्खा वासेहेङ हिङसु।

प्रकास 4:1

इदोइ गोताङ घाटानागेलाइ जेङलि दोअ्तेङ न्हुसो, का युहान्‍ना तिङघा कि स्वर्गता एनोङ फिनु हेअ्न्हाका हिघाहि, कालाउ इन्ता का दोफा हासु बुङ नुइ धुइतेङ हिघाहि कालाउ जाइ नुइ धुइघाहि वाको गाला का लाम्फा हिङका हिघाखा, जाइको गाला सानाइको गाला भाइका हिघाहि। कालाउ वा कासेहेङ दोअ्हि: “इता ह्रुता लौउ, कालाउ एला न्हुसो जेदोङ काथागेलाइ जेङलि गोइखे का इङको नासेहेङ तिङपाङका।”