प्रकास 1:1 - Dhimal NT1 परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि। Faic an caibideil |
प्रकास 1:1
30 Iomraidhean Croise
का पावल परमेस्वरको बान्धाइति कालाउ प्रभु येसु ख्रिस्ट पाहा छाल्न्हाका चात्या, इदोइ पात्तारा नासेहेङ लेखेदोङखा, परमेस्वर छाल्का द्याङगेलाइहेङ खाङधुरिको सन्देस हिङपालि कालाउ सत्येको ग्यान हाइ हि इङको धिरपालिको भाअ्सिङ कासेहेङ दिङगिल्का हि। कालाउकि इम्बालाइ परमेस्वरहेङ मन्दा ताअ्का जिबन जियाइलि द्वाको।
जेलाउ का इदोइ हिङघा, काङको दोफा काथा पातेङ हिघाहि का वाको आगाता तुघुरघा, हाइपालिपानु का वाको आराधाना पालि हानिदोङघाखा। कालाउ वा कासेहेङ दोअ्हि, “काङको आराधाना मापासु। नाअ् सिरिप परमेस्वरको आराधाना पालि गोइखे। हाइपालिपानु, का बुङ नाङको कालाउ नाङको दोफा खान्धुराइ पाका सेवक हिघा। नेलाइ झाराङ भाइपा का बुङ इदोइ वा हृुता सुइकार पाका हिघा कि येसु दोङ प्रभु हि। हाइपालिपानु इङको पबित्तरो आत्मा दोङ हि जाइ परमेस्वरको द्याङगेलाइ येसुहेङ देखाल पाका सत्ये काथाको घोसाना पालिको भाअ्सिङ साघाइखे।”
इङको न्हुसो, स्वर्गदुत कासेहेङ दोअ्हि, “इदोइ गोताङ काथा जेदोङ नासेहेङ दोअ्का हि या सत्ये हि कालाउ भोरोसा पालि योग्य हि। हाइपालिपानु परमप्रभु परमेस्वर जाइ ताइको आत्मा गोताङ बक्तागेलाइहेङ पिहि, वा दोङ जाइ ताइको स्वर्गदुतहेङ आदेस पिहि कि वा इता लोतेङ कालाउ ताइको सेवाकगेलाइको इङको काथा तिङपाको जेदोङ धेमाङ पुरा जेनाङ।”
इदोइ गोताङ घाटानागेलाइ जेङलि दोअ्तेङ न्हुसो, का युहान्ना तिङघा कि स्वर्गता एनोङ फिनु हेअ्न्हाका हिघाहि, कालाउ इन्ता का दोफा हासु बुङ नुइ धुइतेङ हिघाहि कालाउ जाइ नुइ धुइघाहि वाको गाला का लाम्फा हिङका हिघाखा, जाइको गाला सानाइको गाला भाइका हिघाहि। कालाउ वा कासेहेङ दोअ्हि: “इता ह्रुता लौउ, कालाउ एला न्हुसो जेदोङ काथागेलाइ जेङलि गोइखे का इङको नासेहेङ तिङपाङका।”
Sanasan