फिलिप्पि 4:6 - Dhimal NT

⁶ हिदोइ बुङ काथाको फिकिरि मापासु, भरु गोताङ परिस्थितिता प्रार्थाना कालाउ निबेदनसो धन्यबाद दोफाङ नेलाइको बिन्ति परमेस्वरता प्रस्तुत पासु।

धिमाल

⁶ हिदिङ काथाता बुङ फिकिर मापासु। नेलाइहेङ हारजा जेङका गोताङ काथाको भाअ्‌सिङ परमेस्‍वरहेङ पुकार पासु। कालाउ पुकार पालाउ परमेस्‍वरहेङ च्‍याबास चार्‍हाइसु।

फिलिप्पि 4:6 Iomraidhean Croise

मत्‍ति 10:19

जेलाउ नेलाइ रिम-निन्चास्वाना, कालाउ हेसा नुइ धुइलि, हेसा पातेङ दोअ्लि, दोअ्तेङ इन्सिका काथाता पिर मापासु। इङको काथा एन्सालाउ दोङ नेलाइहेङ धुइलि गोइका, काथा नेलाइहेङ दोअ्पियावा।

मत्‍ति 13:22

आधिमि द्‍याङगेलाइ चुइको झुन्झिता भाइका हि, जेता चालाइ बिन्हाका हि, जाइ इसिका द्‍याङ हि वा परमेस्वरको बचन हिङखे कालाउ सुमिङको सुरताहोइ, धनको मायारुहोइ कालाउ रेम-रेम्का आमेने तिङतेङ बचनहेङ लाअ्पिगिल्खे, कालाउ वा हिदोइ बुङ फल सेपालि मादोखे।

मत्‍ति 6:34

कालाउ जुम्निको भाअ्सिङ नेलाइ फिकिरि मापासु, हाइपालिपानु जुम्निको सामास्या जुम्नि दोङ सुल्झिखे। नानिको दुख नानि दोङ थेमाङ।

मत्‍ति 6:8

ओदोङ भाअ्सिङ ओबालाइ भाइपा नेलाइ माजेङसु, हाइपालिपानु नेलाइ वाको दोफा ह्रेकाको लाम्फाङ नेलाइहेङ हाइ-हाइ गोइका हि, दोअ्तेङ गोताङ नेलाइको स्वर्गिय परमेस्वर आबा गिखे।

लुका 10:41

कालाउ प्रभु येसु वासेहेङ जोबाफ पिहि, मार्था-मार्था, नाअ् हेन्जा काथाता चिन्ता कालाउ फिकिरि पाखेना।

लुका 12:22

येसु ताइको चात्यागेलाइहेङ दोअ्हि, ओदोङ भाअ्सिङ का नेलाइहेङ दोअ्खा, ताइमि बान्चिलिको भाअ्सिङ हाइ चालि, हाइ आम्लि, हाइ होङलि दोअ्तेङ इङको बिसोइता पिर मापासु।

लुका 12:29

ओदोङ भाअ्सिङ नेलाइ हाइ चालि कालाउ हाइ आम्लि दोअ्तेङ पिर मापासु इङको बिसोइता हिदोइ बुङ चिन्ता मापासु।

लुका 18:1

येसु ताइको चात्यागेलाइहेङ निरास माजेनाको दोअ्तेङ दिनाङ प्रार्थाना पालि धिर्पालि इदोइ निङपिका दोअ्का हिघाहि।

लुका 18:7

कालाउ परमेस्वर ताइको साल्का द्‍याङगेलाइहेङ जाइ झेम्पाङ-लिपाङ वाको आगाता न्याय निनाङकाबे दोअ्तेङ खार्खे, परमेस्वर वासेहेङ साघाइलि माबेलोम्खे।

1 कोरिन्थि 7:21

परमेस्वर नासेहेङ काइलाउ नाअ् बान्धाइति हिघाखेना पानु निरास मामाने, कालाउ जेसापा नासेहेङ स्वतन्तरो हिका मौका मिलि हेपानु इङको फाइदा ल्होपा।

1 कोरिन्थि 7:32

नेलाइ इदोइ सुमिङको लान्सासो मुक्त जेङका का भोखा। बिहु माजेङका वाजान प्रभुहेङ हेसा लेङचापालि दोअ्तेङ प्रभुकोङ बिसोइता सोचिखे।

2 कोरिन्थि 1:11

कालाउ नेलाइ बुङ मिलितेङ प्रार्थाना पाहासो केलाइहेङ साघाइ दोङ सुखेना एसापा प्रार्थाना पालाउ केलाइको भाअ्सिङ चढाइका हेन्जाङ द्‍याङगेलाइको प्रार्थानागेलाइको उत्तरता केलाइहेङ प्राप्ता जेङका आनुग्रहको भाअ्सिङ परमेस्वरहेङ केलाइको भाअ्सिङ धन्यबाद चढाइन्हाखे।

एफिसि 5:20

केलाइको परमप्रभु येसु ख्रिस्ट पाका गोताङ कामको भाअ्सिङ जेलाउलाउ बुङ केलाइको आबा परमेस्वरहेङ धन्यबाद पिसु।

एफिसि 6:18

कालाउ जेलाउ बुङ गोताङ प्रार्थाना कालाउ बिन्ति पबित्तरो आत्माता पासु। कालाउ इदोइ गोताङ काथागेलाइ मनता ताअ्तेङ गोताङ जनगेलाइको भाअ्सिङ जेलाउ बुङ प्रार्थाना पासु।

कलस्सि 3:15

जेदोङ सान्ति ख्रिस्ट पिका हि इङको सान्ति नेलाइको ह्रदयता ह्याको। इदोङ सान्तिता हिलिको भाअ्सिङ परमेस्वर नेलाइहेङ एनोङ दोङ जिउ कोनिङ काइहि, कालाउ याको भाअ्सिङ नेलाइ जेलाउ बुङ धन्यबादि जेङसु।

कलस्सि 3:17

नेलाइ जिस्काङ दोअ्लाउ बुङ, जेदोङ पालाउ बुङ गोताङ काथा प्रभु येसुकोङ मिङता पासु कालाउ वाको पाहासोङ परमेस्वर आबाहेङ धन्यबाद चढाइसु।

कलस्सि 4:2

नेलाइ लागातार प्रार्थाना पातेङ हिसु, जेलाउ नेलाइ प्रार्थाना पासुखेना चङख जेङसु कालाउ जेलाउ बुङ परमेस्वरहेङ धन्यबाद पि।

1तिमोथि 2:1

झाराङ खान्तेङ लाम्फा का आनुरोध पाङका, कि गोताङ द्‍याङको भाअ्सिङ परमेस्वर दोफा मोनोइ निबेदन, प्रार्थाना, बिन्ति कालाउ धन्यबाद पासु।

1तिमोथि 5:5

कालाउ जाइ जातिङको के सिका बेबाल हि, कालाउ वाको हासु बुङ मान्थुनु, कालाउ वा ताइको भोरोसा परमेस्वरता खिनिङ ताअ्खे, कालाउ झेङपाङ-लिपाङ परमेस्वर दोफा ताइमिहेङ साघाइलिको भाअ्सिङ प्रार्थाना पाखे।

1पतरुस 4:7

गोताङ काथाको आन्तय भेरपाङ लोका हि। ओदोङ भाअ्सिङ नेलाइ झालाफालापा सोचेसु कालाउ ताइमिहेङ काबुता ताअ्सु, कालाउकि नेलाइ प्रार्थाना पालि दोसु।

1पतरुस 5:7

परमेस्वर नेलाइको वास्ता पाखे, ओदोङ भाअ्सिङ ताइको गोताङ चिन्ता परमेस्वरहेङ पिसु।