फिलिप्पि 4:5 - Dhimal NT

⁵ नेलाइको सभ्य स्वभाव गोताङ द्‍याङगेलाइहेङ थाहा ज्याको, प्रभु धेमाङ लोदोङखे।

धिमाल

⁵ नेलाइ नोइका हिसुन्‍हा दोअ्‌तेङ झाराङ द्‌याङगेलाइ ग्‍याको। प्रभु मारफाङ लोदोङखे।

फिलिप्पि 4:5 Iomraidhean Croise

मत्‍ति 6:25

ओदोङ भाअ्सिङ का नेलाइहेङ दोअ्खा, ताइमि बान्चिलिको भाअ्सिङ हाइ चालि, हाइ आम्लि, हाइ होङलि दोअ्तेङ बिसोइता पिर मापासु। निसित रुपता जिबन चाका-आम्का खान्तेङ हेन्जाङ मुल्यवान हि।

मत्‍ति 6:34

कालाउ जुम्निको भाअ्सिङ नेलाइ फिकिरि मापासु, हाइपालिपानु जुम्निको सामास्या जुम्नि दोङ सुल्झिखे। नानिको दुख नानि दोङ थेमाङ।

लुका 21:34

चङख हिसु, नाङको सोमोइ भोग-बिलासता, नासातावा कालाउ इदोइ सुमिङको चिन्तागेलाइता खेर माथाइगिल। हाइपालिपानु का इङको दिनाता नेलाइ माचिताइका बेलाता ल्वाङका।

1 कोरिन्थि 16:22

हासु बुङ प्रभुहेङ प्रेम मापाखे पानु, उङको स्रापित ज्याको। हे केलाइको प्रभु, लौउ!

1 कोरिन्थि 6:7

जेलाउ नेलाइ मध्ये हासु बुङ भेनेङ खान्धुराइ ओनेहेङ फेसुका मिलि पालि आदालातता चुम्पुखे पानु, नेलाइ खाङधुरिता जियाइलि आसफल जेङका तिङपाखे। भरु आरु खान्धुराइगेलाइ दोङ नेलाइको गल्ति तिङपाको। कालाउ जेसापा हिदोइ बुङ खान्धुराइ ओने नासेहेङ थगितेङ नाङको हाइ दोङ चुम्पुनु वासेहेङ हाइ दोङ मापा।

1 कोरिन्थि 8:13

ओदोङ भाअ्सिङ जेसापा मुर्तिहेङ चाढाइका चाका आमेनेहोइ आरु खान्धुराइगेलाइहेङ खाङधुरि लाअ्लि लागाइखे पानु, का इन्सिका चाका आमेने माचाङका, कालाउकि आरु खान्धुराइगेलाइ ताइको खाङधुरि मालाअ्ताङ।

1 कोरिन्थि 9:25

धाअ्काता भाग ह्रुलि गोइका खेलाडिगेलाइ जिउहेङ काबुता पालि आभ्यास पाखे। इम्बालाइते जितिलि कालाउ साम्मान निङलि एन्सा पाखे, इम्बालाइते चुतेङ हानिका ल्हाफाको माला निङखे जेदोङ हेन्जा सोमोइ थेकापा माहिखे। कालाउ केलाइ चाहि साम्मान कालाउ जेलाउ बुङ हिका आसिसको भाअ्सिङ इसिका पानाखे।

2 कोरिन्थि 10:1

का पावल, नेलाइको आगाता हिलाउ मोनोइ जेङघा, कालाउ दुरे हिलाउ नेलाइ प्रति साहासि जेङखा! ख्रिस्टको मोनोइता कालाउ मायारु पाहासो का नेलाइहेङ सेउपाखा।

2 थेस्लोनिकि 2:2

प्रभुको दिना लोलि दोका हि दोअ्तेङ नेलाइको मन माआउलियाको माकुनु नेलाइ माअ्थिसु, हासु बुङ इदोइ आगमबानि धुइतेङ द्वावा माकुनु सन्‍देस, माकुनु हिदोइ बुङ पात्तारा केलाइसो लोका दोअ्तेङ नेलाइ मासोचेसु।

तितस 3:2

इम्बालाइ हासुको बुङ बिरोध मापाको कालाउ माचेरस्वाको, मोनोइ कालाउ गोताङ द्‍याङगेलाइ दोफा मिलितेङ हिका जेनाको।

हिब्रु 10:25

हेथेको द्‍याङगेलाइको ते सङगति मान्हिका बानि हिखे, कालाउ केलाइ चाहि ए दोफाङ जोम्लि मालाताइने, भरु एमिसो-भेनेङहेङ झन हाउसाइ पिका काम पाइने, हाइपालिपानु केलाइ गिन्हाखे कि प्रभु धेमाङ घुरितेङ लोदोङखे।

हिब्रु 10:37

हाइपालिपानु धर्मसास्तरता जेसाङ लेखेका हि: परमेस्वर दोअ्खे, “एला एघुरिताङ लोलि खाङका चाहि, जेसालाउ बुङ ल्वाङ, कालाउ वा लेद्रा माजेनाङ।”

1पतरुस 1:11

ख्रिस्टको आत्मा परमेस्वरको बक्तागेलाइ ह्रुता हिघाहि कालाउ इम्बालाहेङ ख्रिस्टको कस्टगेलाइ कालाउ इङको दुखगेलाइ न्हुसो निङका महिमाको बारेता लाम्फाङ दोअ्का हिघाहि। जेदोङ इङको दुख कस्टगेलाइ न्हुसो ल्वाङ, दोअ्काताङ हिघाहि।

1पतरुस 4:7

गोताङ काथाको आन्तय भेरपाङ लोका हि। ओदोङ भाअ्सिङ नेलाइ झालाफालापा सोचेसु कालाउ ताइमिहेङ काबुता ताअ्सु, कालाउकि नेलाइ प्रार्थाना पालि दोसु।

प्रकास 22:20

इदोइ कितापता लेखेका काथागेलाइको साक्सि येसु दोङ हि। वा दोअ्हि, “निस्चय, का धेमाङ लोदोङखा।” का, युहान्‍ना वासेहेङ जोबाफ पिघा, “आमेन! प्रभु येसु लौउ।”

प्रकास 22:7

येसु दोअ्खे, “हिङसु, का धेमाङ लोदोङखा। इङको द्‍याङगेलाइ धन्य हि जाइ इदोइ कितापता लेखेका आगमबानिको काथाहेङ केम्खे।”