फिलिप्पि 4:19 - Dhimal NT

¹⁹ काङको परमेस्वर ताइको महिमाता वाको सम्पति आन्सार नेलाइको गोताङ खाचो येसु ख्रिस्टता पुरा पापियाङ।

धिमाल

¹⁹ काङको परमेस्‍वर दोङ नेलाइको हारजा पोङघा पाप्‍यावा। ख्रिस्‍ट इसुता हिका वाको इस्‍तुङ ताकाकाउरिसो दोङ नेलाइहेङ गोइका काथा प्‍यावा।

फिलिप्पि 4:19 Iomraidhean Croise

मत्‍ति 6:32

सुमिङको झाराङ द्‍याङगेलाइ इदोइ आमेनेगेलाइको लेसारा पिताइखे, कालाउ नेलाइको स्वर्गको आबा परमेस्वर गिखे, कि नेलाइहेङ इदोइ गोताङ गोइखे।

युहन्‍ना 20:17

येसु मरियमहेङ दोअ्हि, काङको खोकोइता चातेङ कासेहेङ मारोके, हाइपालिपानु का एला थेकापा ताइको आबाकोता हानिका मान्थुघा। कालाउ काङको ओनेगेलाइकोता हानितेङ दोअ्पि, काङको आबा कालाउ नेलाइको आबा, कालाउ काङको परमेस्वर कालाउ नेलाइको परमेस्वरकोता का हानिदोङखा।

युहन्‍ना 20:27

कालाउ येसु थोमाहेङ ताइको खुर तिङपातेङ दोअ्हि, इता खाङ नाङको आङगुलिहोइ, काङको खुरको पेचाराता युकाइ कालाउ नाङको खुरहोइ काङको केङखेनेता साइ। साङखा मापा, कालाउ खाङधुरि पाअ्‌, कि का सिन्चाल्का हिघा।

रोमि 1:8

झाराङ खान्तेङ लाम्फा का काङको परमेस्वर येसु ख्रिस्ट पाहासो दोङ नेलाइ झाराङको भाअ्सिङ धन्यबाद पिखा, हाइपालिपानु नेलाइ येसु ख्रिस्टता खाङधुरि पाका काथा गोताङ थामेता द्‍याङगेलाइ काथा पातेङ हि।

रोमि 11:33

आहा! परमेस्वरको बैभब कालाउ बुद्दि कालाउ वाको ग्यान हेथे माहान हि! वाको निर्नयगेलाइ हासु बुङ बयान पालि मादोखे, कालाउ हासु बुङ परमेस्वरको दामागेलाइ बुझिलि मादोखे!

रोमि 2:4

परमेस्वरको क्रिपा नासेहेङ पाप पालिसो लाअ्पावा कालाउ परमेस्वर भारि घुरिपावा दोअ्का थाहा निङतेङ, हाइ नाअ् वाको दाया, सहनसिलता कालाउ धैर्यताहेङ तुच्छ थानिखेना?

रोमि 8:18

का पाक्का हिघा, कि इङको महिमा जेदोङ परमेस्वर केलाइहेङ प्याङ, इङको केलाइ एला भोगेका कस्टगेलाइ खान्तेङ बार्का जेनाङ।

रोमि 9:23

परमेस्वर एसा पाहि, हाइपालिपानु वा ताइमिङ छाल्का द्‍याङगेलाइहेङ दाया पातेङ ताइको गेनेगेल्का महिमा इम्बालाइ दोफा बाखाराइलि भोघाखे।

2 कोरिन्थि 12:21

का थिका, कि का आरोङ लोलाउ काङको परमेस्वर कासेहेङ नेलाइको आगाता थुचु पाप्यावा, कालाउ हेन्जाङ झनाको भाअ्सिङ का सोक पालि गोयाङका, जाइगेलाइ लाम्फा पाप पाका हिघाहि, कालाउ ताइमि पाका आसुद्ता, कासिबिरि, कालाउ छाडा कामसो पासताइ पाका मान्थु वाला।

2 कोरिन्थि 4:17

केलाइको दुखगेलाइ एला आतुइसा हि कालाउ ह्रिङका सोमोइ थेकापा माहियाङ, हाइपालिपानु इङको दुखगेलाइहोइ केलाइहेङ आनान्त महिमा पिखे, जेदोङ केलाइ कल्पाना पालि दोका खान्तेङ हेन्जा हि।

एफिसि 1:18

का या बुङ प्रार्थाना पाखा कि, वा नेलाइको ह्रदय हेअ्प्याको, कि हिदोइ आसको भाअ्सिङ वा नेलाइहेङ काइका हि, कालाउ परमेस्वरको जनगेलाइ निङलि गोइका आसिस हेथे बारका कालाउ महिमामय हि दोअ्तेङ नेलाइ गिलि दोसु।

एफिसि 1:7

ख्रिस्ट केलाइको भाअ्सिङ ताइको हिति होपातेङ सिकानाङ केलाइको पाप स्यामा जेङका हि कालाउ केलाइ स्वतन्तरो जेङका हिनाहि। ओह, परमेस्वरको आनुग्रह हेथे माहान हि, जाइ वा केलाइहेङ प्रसस्त पिका हि।

एफिसि 2:7

परमेस्वर इसिका पाहि, कालाउकि लोका सोमोइता सुमिङको द्‍याङगेलाइ तिनाको कि वाको आनुग्रह हेथे माहान हि। इदोइ आनुग्रह वा केलाइको भाअ्सिङ पाका गोताङ काम पाहासो केलाइ येसु ख्रिस्ट दोफाको सम्बन्ध हिकालाइहेङ तिङपाका हि।

एफिसि 3:16

का प्रार्थाना पाङका कि परमेस्वर ताइको महिमाको आसिम मुलसो नेलाइहेङ ताइको आत्मासो सरबुङ प्याको कालाउकि नेलाइ आत्माता बल्लियाका जेङलि दोसु।

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

फिलिप्पि 4:7

कालाउ परमेस्वरको सान्तिहोइ जेदोङ द्‍याङको सोचाइ खान्तेङ बाहार हि, नेलाइको मन कालाउ ह्रदयहेङ येसु ख्रिस्टता जोगाइतेङ ताअ्प्याङ।

कलस्सि 1:27

परमेस्वर ताइको द्‍याङगेलाइहेङ इदोइ सम्पति कालाउ महिमामय रहस्यको काथा बाताइलि निर्नय पाहि, जेदोङ वाको दोफा सुमिङको गोताङ द्‍याङगेलाइको भाअ्सिङ हि। कालाउ या रहस्य ख्रिस्ट ताइमिङ हि, वा नेलाइ दोफा हि। जाइ महिमाको भाअ्सिङ केलाइको एमि खिनिङ आस हि।

कलस्सि 3:16

ख्रिस्टको बचनहोइ नेलाइको बिचारता रेम्फासो कामगेलाइ पालि पिसु, कालाउ पुरा बुद्दिमानि जेङतेङ एमिसो-भेनेङहेङ धिरपासु कालाउ साल्लाहा पिसु, कालाउ परमेस्वरहेङ ताइको ह्रदयसोङ धन्यबाद पितेङ आत्मिक भजन लेसु।

1 थेस्लोनिकि 2:12

केलाइ नेलाइहेङ हाउसाइ कालाउ सान्तावाना पिन्हाहि कालाउ बिन्ति पानाहि कि परमेस्वरहेङ मन परिका जिबन जियाइसु, जाइ नेलाइहेङ ताइको सासन कालाउ महिमाता काइयावा।

1तिमोथि 6:17

इदोइ सुमिङको धनिगेलाइहेङ घमन्ड माजेङलि आदेस पिसु, कालाउ इम्बालाइ ताइको आसथाइ सम्पतिता भोरोसा माताताको, कालाउ केलाइको सुखको भाअ्सिङ गेनेगेल्पा पिका परमेस्वर ह्रुता इम्बालाइ आस पाको, कालाउकि केलाइ आनान्द पालि द्वाको

फिलेमोन 1:4

जेलाउ बुङ का नाङको भाअ्सिङ प्रार्थाना पाखा, का जेलाउ बुङ नाङको भाअ्सिङ परमेस्वरहेङ धन्यबाद पिखा।

1पतरुस 5:1

का नाअ् इन्ताको मन्डलिको आगुवागेलाइहेङ हाइ दोङ दोअ्लि भोखा, हाइपालिपानु का बुङ नेलाइ भाइकाङ एमि आगुवा हिघा। का ताइमिङ ख्रिस्टको हेन्जाङ सोमोइ लाम्फा निङका कस्ट तिङका हिघा। जेलाउ वा आरोङ धुरितेङ ल्वाङ, का बुङ वाको महिमाता साझेदार जेनाङका। एला का नेलाइहेङ आग्राह पाङका।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।