फिलिप्पि 4:18 - Dhimal NT

¹⁸ का निङलि गोइका खान्तेङ हेन्जाङ निङका हिघा। इपाफ्रोडाइट्सो नेलाइहेङ पिगिल्का काङको भाअ्सिङ नेलाइको उपाहार परमेस्वरहेङ चढाइका ताअ्का बासाना लोका भेति कालाउ भोग भाइका हि। जाइ परमेस्वरहेङ हेन्जा मान्दा ताअ्खे कालाउ ग्रहन योग्य हि।

धिमाल

¹⁸ का निङलिगोइका खान्‍तेङ हेन्‍जा निङका हिघा। नेलाइ इपाफ्रोडिटसको खुरता पिगिल्‍का भेटि निङतेङ का सन्‍तोक जेङका हिघा। परमेस्‍वरहेङ मोन्‍दाताका रो र्‍हुलिलाएक भेटि निङतेङ का लेङचाघा।

फिलिप्पि 4:18 Iomraidhean Croise

साल्न्हाका चात्या 10:4

कर्निलियस स्वर्गदुतहेङ थिचोङतेङ खाङहि कालाउ दोअ्हि, “प्रभु, दोअ्” कालाउ स्वर्गदुत वासेहेङ दोअ्हि, “परमेस्वर नाङको प्रार्थाना हिङपिका हि कालाउ गरिब दुखिगेलाइहेङ पाका नाङको दायाको कामगेलाइ सम्झानाको रुपता परमेस्वरको आगाता थुकाका हि।

रोमि 12:1

ओदोङ भाअ्सिङ खान्धुराइ ओनेगेलाइ, परमेस्वरको माहान दायाको कारन का नेलाइहेङ आनुरोध पाखा, कि ता-ताइको जिउहेङ पबित्तरो कालाउ परमेस्वरहेङ ग्रहन योग्य जेङलि ताइको जिबनहेङ सिन्हु पाङ भोगको रुपता आर्पन पाअ्सु। नेलाइ पालि गोइका सत्ये आराधाना इदोइ दोङ हि।

2 कोरिन्थि 11:8

का आरु मन्डलिगेलाइसो निङका साघाइकाहोइ नेलाइको सेवा पादोङखा, नेलाइ एन्सा पालि गलत मादोअ्सु।

2 कोरिन्थि 9:12

इदोइ सेवाको कामसो परमेस्वरको द्‍याङगेलाइको आभाब पुरा ज्यावा, इङको झोको खिनिङ माको, परमेस्वर ह्रुता हेन्जाङ धन्यबादको भावाना खुअ्तेङ लोखे।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

फिलिप्पि 4:12

का आतुइसाता बुङ बान्चिलि द्वाङका कालाउ हेन्जा हिलाउ बुङ हेसा जिबन जियाइलि गोइखे का गिखा। हेन्जा चाका-आम्का ह्याको माकुनु आतुइसा चाका-आम्का ह्याको, हेन्जा हिलाउ बुङ माकुनु आतुइसा हिलाउ बुङ, गोताङ परिस्थितिता सोन्तसता हिलि का धिरका हिघा।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

हिब्रु 13:16

भलाइ पालि ताइमि दोफा हिका आमेने आवस्यकता परिकालाइहेङ बाख्राइलि मानिल्सु, हाइपालिपानु इसिकाङ भोगगेलाइता परमेस्वर खुसि जेङखे।