फिलिप्पि 3:3 - Dhimal NT

³ हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

धिमाल

³ कालाउ केलाइ जातिङकोङ खाताना पान्‍हाका हिन्‍हाहि। हाइदोनु केलाइ परमेस्‍वरहेङ पुनित हाङसासो पुजिन्‍हाखे। केलाइ हिदिङ द्‌याङगेलाइको चालचलनता माको, ख्रिस्‍ट इसुता भर पान्‍हाखे।

फिलिप्पि 3:3 Iomraidhean Croise

रोमि 1:9

का गोताङ हृदयहोइ वाको चानको सुसमाचारको बिसोइता द्‍याङगेलाइहेङ प्राचार पाखा, कालाउ परमेस्वर काङको साक्सि हि, कि का लागातार काङको प्रार्थानाता नेलाइहेङ फोम पाखा।

रोमि 15:17

एसा पासोङ परमेस्वरको भाअ्सिङ काङको सेवाता कासेहेङ ख्रिस्ट येसुता गर्ब पालि कारन हि।

रोमि 7:6

एला केलाइ पुर्ना तरिकासो व्यवस्था केम्का भाइका माको, कालाउ परमेस्वरको आत्माको नावा तरिका आन्सार वाको सेवा पानाखे। हाइपालिपानु केलाइ ख्रिस्ट दोफा सिनाङ इदोइ व्यवस्थाको आधिनसो मुक्त जेङका हिनाहि।

रोमि 8:15

हाइपालिपानु आरोङ थिलि गोइका बान्धाइतिको आत्माता नेलाइ निङका मान्थुसुना, कालाउ केलाइ परमेस्वरको सान्तान जेङलि परमेस्वरको आत्मा निङका हिनाहि, ओदोङ भाअ्सिङ केलाइ परमेस्वरहेङ “आब्बा, आबा” दोअ्तेङ काइन्हाखे।

रोमि 8:39

ना ते आकासको झाउकाहोइ, ना ते समुन्द्रको वाङखाराकाहोइ, ना ते गोताङ सिरजाइकाता हिका काथागेलाइहोइ केलाइहेङ परमेस्वरको प्रेमसो खेङलि द्वावा, हाइपालिपानु परमेस्वर केलाइहेङ प्रभु येसु ख्रिस्ट पाहासो प्रेम पाका हि।

रोमि 9:6

कालाउ परमेस्वर ताइको बचन पुरा पालि आसफल जेङका मान्थु। हाइपालिपानु इस्राएलको हारागुटियासो जोलोम जेङका झाराङ बास्ताबता परमेस्वरको द्‍याङ माको।

2 कोरिन्थि 11:18

हेन्जाङ इदोइ सुमिङको द्‍याङगेलाइ भाइपा, कालाउ सासु बुङ हिदोइ बुङ काथाको घमन्ड पाखे पानु, का बुङ इङको काथागेलाइता घमन्ड पाङका।

गलाति 5:25

जेसापा पबित्तरो आत्मा पाहासो केलाइ नावा जिबन निङका हिनाहि पानु, वाकोङ दोअ्का आन्सार जियाइलि गोइखे।

गलाति 6:16

परमेस्वर उङको झाराङहेङ सान्ति, क्रिपा कालाउ आसिस प्याको, जाइ वा आग्यागेलाइ किखे। इम्बालाइ परमेस्वरको द्‍याङगेलाइ दोङ हि।

एफिसि 6:18

कालाउ जेलाउ बुङ गोताङ प्रार्थाना कालाउ बिन्ति पबित्तरो आत्माता पासु। कालाउ इदोइ गोताङ काथागेलाइ मनता ताअ्तेङ गोताङ जनगेलाइको भाअ्सिङ जेलाउ बुङ प्रार्थाना पासु।

फिलिप्पि 1:1

ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

फिलिप्पि 3:12

का इदोइ गोताङ लाम्फासोङ निङलि दोहोइका माकुनु लाम्फासो सिद्द जेङलि दोहोइका दोअ्तेङ ते माको, कालाउ इङको काथागेलाइहेङ निङलिको भाअ्सिङ का कोसिस दोफा आगा बाढेतेङ हिघा जेदोङ काथाको भाअ्सिङ येसु ख्रिस्ट कासेहेङ साल्का हि।

फिलिप्पि 3:14

का स्वर्गको इनाम निङलिको भाअ्सिङ ल्क्स्य भारि हानिदोङखा इङको पुरुस्कार चाहि परमेस्वर कासेहेङ स्वर्गता काइका हि, हाइपालिपानु येसु ख्रिस्ट काङको भाअ्सिङ सिपिहि।

कलस्सि 2:11

जेलाउ नेलाइ ख्रिस्टता लोसुन्हा, नेलाइको खाताना जिउको तरिकासो माको कालाउ आत्मिक तरिकासो जेङका हिघाहि कालाउ इदोइ नेलाइको पापमय स्वभाबहेङ लाअ्का भाइका हि।

यहुदा 1:20

कालाउ काङको आनाउ सानाइतिगेलाइ, एमिसो भेनेङहेङ नेलाइ खाङधुरि पाका वथे पबित्तरो सत्येता बाढेलिको भाअ्सिङ साघाइलि गोइखे। नेलाइ पबित्तरो आत्माको सरबुङको आगुवाइता प्रार्थाना पालि गोइखे।