फिलिप्पि 3:21 - Dhimal NT

²¹ वा, जेदोङ सरबुङ पाहासो गोताङ काथाहेङ वाको आधिनता चुमालि दोखे, ओदोङ सरबुङहोइ वा केलाइको कमजोर जिउहेङ ताइकोङ महिमाको जिउ भाइपाङ भाङगाइपिखे।

धिमाल

²¹ वादोफा गोताङ थोकगेलाइ र्‍हुता राज पाका सरबङ हि। इङकोङ सरबङहोइ दोङ वा केलाइको इदोइ सिका जिउहेङ वाको भाइपाङ प्रतापि जिउ बान्‍हायावा।

फिलिप्पि 3:21 Iomraidhean Croise

मत्‍ति 17:2

इम्बालाइको मिसियाँ आगाता, येसुको जिउ भाङगाइन्हाहि कालाउ वाको ह्राइ सान्हे भाइपाङ चिल्का हि कालाउ वाको धाबा प्रकास भाइका फाइसालामका जे:का जेङहि।

मत्‍ति 22:29

येसु इम्बालाइहेङ जोबाफ पितेङ दोअ्हि, नेलाइ गलत हिसुना हाइपालिपानु नेलाइ मागिसुखेना कि परमेस्वरको धर्मसास्तरता हाइ दोअ्खे, कालाउ ना ते परमेस्वरको सरबुङको बारेता बुझिका हिसुना?

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

रोमि 8:29

हाइपालिपानु जाइ-जाइहेङ परमेस्वर लाम्फासोङ चुनिका हि, वा इम्बालाइहेङ ताइको चान भाइपा जेङलि लाम्फासोङ चुनिहि, कालाउकि वाको चान गोताङ ओनेगेलाइ खान्तेङ जेठा ज्याको।

कलस्सि 3:4

जेलाउ ख्रिस्ट, जाइ नेलाइहेङ जिबन प्याङ, जेलाउ वा आरोङ इदोइ सुमिङता ल्वाङ, कालाउ नेलाइ बुङ वाको दोफाङ महिमाता देखाल जेङस्वाना।

१ युहन्‍ना 3:2

ओइ आनाउ, एला केलाइ परमेस्वरको सान्तान दोङ, कालाउ केलाइ भबिस्यता हिसिका जेनाङ इङको एला थेकापा देखाल जेङका मान्थु। इदोइ झोको गिनाखे कि, जेलाउ वा ल्वावा, केलाइ वा भाइकाङ जेनाङ। हाइपालिपानु वा जिस्काङ हि केलाइ वासेहेङ इन्सिकाङ तिनाङ।

प्रकास 1:8

परमप्रभु परमेस्वर दोअ्खे, “का दोङ आल्फा कालाउ ओमेगा हिघा” का दोङ सुरु कालाउ आन्त्य हिघा। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, कालाउ जाइ आरोङ ल्वाङ। वा सरबुङसाइका परमप्रभु हि।