फिलिप्पि 2:8 - Dhimal NT

⁸ कालाउ द्‍याङको रुपता जेङतेङ ताइमिहेङ मोनोइ बानाइहि, कालाउ परमेस्वरको आग्याकारिता, वा आपाराधि कोनिङ क्रुसता सिलि बुङ तियार जेङहि।

धिमाल

⁸ वा द्‌याङ जेङतेङ इदोइ सुमिङता हिलाउ ताइमिङहेङ नोइका बान्‍हाइहि। कालाउ वा सिका पहर थिकापाङ परमेस्‍वरको हुकुम साअ्‌तेङ कुरुसता टाङगाइन्‍हातेङ सिहि।

फिलिप्पि 2:8 Iomraidhean Croise

मत्‍ति 17:2

इम्बालाइको मिसियाँ आगाता, येसुको जिउ भाङगाइन्हाहि कालाउ वाको ह्राइ सान्हे भाइपाङ चिल्का हि कालाउ वाको धाबा प्रकास भाइका फाइसालामका जे:का जेङहि।

मत्‍ति 26:39

कालाउ येसु ओबालाइसो आसा दुरे हानितेङ भोनोइता तिरु थोतेङ परमेस्वरता प्रार्थाना पाघाहि, हे काङको आबा, जेङलि दोनु कासेहेङ कस्टको इदोइ बात्ति आसा दुरे जेनाको। कालाउ बुङ इदोइ काङको मनहोइ पाका भाइका माको, नाङको मनहोइ जेनाको।

मत्‍ति 26:42

आरोङ न्हुसो येसु न्हे पल्ति हानिहि, कालाउ प्रार्थाना पालि तेङहि, हे काङको आबा, जेसापा का माआम्सा माजेङनु इदोइ कस्टको बात्ति नाअ् हिसिका पालि खाङखेना इन्सिकाङ हिलि पि।

लुका 9:29

जेलाउ येसु प्रार्थाना पातेङ हिघाखे वाको ह्राइको रुप दोङ जाहाँका जेङहि कालाउ वाको होङका धाबा बिजुलि भाइपा चिल्काका कालाउ जाहाँका जेङतेङ चिल्काघाखे।

युहन्‍ना 10:18

हासु बुङ काङकोसो काङको जिबन ह्रुलि मादाङ, कालाउ का ताइको इच्छासो सियाङका। कालाउ काङको ताइको जिबन पिलि खाबारा का दोफाङ हि, कालाउ आरोङ ह्रुलि खाबारा बुङ का दोफाङ हि, हाइपालिपानु इङको ओदोङ आग्या हि जेदोङ का काङको आबासो निङका हिघा।”

युहन्‍ना 14:31

कालाउ का ओदोङ दोङ पाखा जिसिका आबा कासेहेङ आग्या पिखे कालाउकि सुमिङको द्‍याङगेलाइ थाहा ग्याको कि, का आबाहेङ प्रेम पाखा। ल्हो, एला केलाइ इदोइ थामेसो हानाइने।

युहन्‍ना 15:10

जेसापा नेलाइ काङको आग्यागेलाइ केम्सुना पानु, नेलाइ का दोफा काङको प्रेमता हितेङ हिस्वाना, जेसाङ का काङको आबाको आग्यागेलाइ केम्का हिघा, कालाउ वाको दोफा प्रेमता ह्याङका।

युहन्‍ना 4:34

येसु इम्बालाइहेङ दोअ्हि, काङको चाका-आम्का चाहि कासेहेङ दिङगिल्का परमेस्वरको आग्या किलि दोङ कालाउ वाको काम पुरा पालि दोङ जेदोङ वा कासेहेङ पिका हि।

साल्न्हाका चात्या 8:33

खुजालाइका आबास्थाता न्याय वा मानिङहि, कालाउ वाको हारागुटियाको बिसोइता हासु बाख्या पावा? हाइपालिपानु प्रिथिबिता वाको हारागुटिया हिलि खाङतेङ लाम्फाङ द्‍याङगेलाइ वासेहेङ सेअ्हि।”

रोमि 5:19

हाइपालिपानु जेसाङ एमि खिनिङ द्‍याङको आनाग्याकारिताहोइ हेन्जाङ झानाहेङ पापि बानाइहि, एन्साङ पातेङ एमि द्‍याङको खिनिङ आग्याकारितासो हेन्जा झानाहेङ धर्मि बानाइयावा।

2 कोरिन्थि 8:9

हाइपालिपानु केलाइको प्रभु येसु ख्रिस्टको आनुग्रह नेलाइहेङ थाहा हि, वा धनि हिघाहि, कालाउ बुङ नेलाइको भाअ्सिङ वा गरिब जेङपिहि। कालाउकि वाको गरिबसो नेलाइ धनि जेङलि दोसु।

गलाति 3:13

कालाउ व्यवस्था मामानिनाङ लोका सारापसो ख्रिस्ट केलाइहेङ लाअ्पाहि। जेलाउ येसु ख्रिस्ट क्रुस्टता सिहि, कालाउ वा केलाइको पापगेलाइको स्राप ताइमि ह्रुता ह्रुहि। हाइपालिपानु धर्मसास्तरता लेखेका हि, “जेदोङ द्‍याङ क्रुस्टता सिखे उङको स्रापित दोङ हि।”

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 12:2

केलाइको खाङधुरि सुरु पाका कालाउ सिद्द बानाइका येसुहेङ खाङतेङ ह्याइने, वा दोङ भबिस्यता निङका आनान्दको भाअ्सिङ आपामानहेङ हाइ दोङ भाइपा माथानिसिङ क्रुसको कस्ट भोगिहि कालाउ परमेस्वरको सिङहासनको दाम्पाहा भारि झाउका साम्मानको थामेता बिराजमान हितेङ हि।

हिब्रु 12:4

नेलाइ पापको बिरोधता पाका सङघर्सता, द्‍याङगेलाइ नेलाइहेङ सेअ्का आबास्था थेकापा ते सहिलि गोइका मान्थु।

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।