फिलिप्पि 2:4 - Dhimal NT

⁴ नेलाइ झाराङ ताइको भाअ्सिङ खिनिङ भलाइ माभोसु, भरु भेनेङगेलाइको भाअ्सिङ बुङ भलाइ सोचेसु।

धिमाल

⁴ नेलाइ झाराङ ताइको खिनिङ भालाइ पालि माभोसु। कालाउ बोमिको बुङ भालाइ पालि भोसु।

फिलिप्पि 2:4 Iomraidhean Croise

मत्‍ति 18:6

कालाउ जेसापा काङको ह्रुता खाङधुरि पाका इदोइ म्हुइकालाइ मध्येसो एमिहेङ पाप पालि लागाइखे पानु, भरु वाको निर्घाता बार्का जान्ता तोइतेङ वासेहेङ वाङखाराका समुन्द्रता दुबिपालि रेम्का जेनावा।

रोमि 12:15

आनान्द पाकालाइ दोफा आनान्द पासु कालाउ खारकालाइ दोफा खारसु।

रोमि 15:1

केलाइ खाङधुरिता बल्लियाका हिकालाइ ताइमिहेङ खिनिङ खुसि बानाइलि माको भरु खाङधुरिता हुइका द्‍याङगेलाइहेङ बुङ साघाइलि गोइखे।

1 कोरिन्थि 10:24

हासु बुङ ताइको खिनिङ रेम्फा ज्याको मादोअ्सु, भरु बोगेलाइको बुङ भालाइ पासु।

2 कोरिन्थि 11:29

जेलाउ हासु बुङ कमजोर हि, कालाउ का बुङ कमजोर महसुस पाखा, जेलाउ हासु बुङ पापता थोङन्हाखे पानु कालाउ का बुङ हेन्जा दुखि जेनाङका।

2 कोरिन्थि 6:3

परमेस्वरहेङ साघाइका द्‍याङ जेङतेङ केलाइको सेवाता हासु बुङ दुसिका मानिनाको दोअ्तेङ केलाइ हासुको बुङ दामाता बाधाको कारन माजेनाङ।

फिलिप्पि 2:21

हाइपालिपानु झाराङ ताइकोङ स्वार्थि भोखे कालाउ येसु ख्रिस्टको बारेता महत्य पुर्न हाइ हि इङको वास्ता पाका हासु बुङ मान्थु।

याकुब 2:8

जेसापा नेलाइ “ताइको देरागेलाइहेङ ताइमिङ भाइपा प्रेम पासु” दोअ्का पबित्तरो धर्मसास्तरको राजकिय व्यवस्थाहेङ जातिङको पुरा पालि दोनुते थिकोङ पासुखेना।