फिलिप्पि 2:30 - Dhimal NT

³⁰ हाइपालिपानु वा ख्रिस्टको कामको भाअ्सिङ झान्डाइ सिहि। कालाउ नेलाइ काङको भाअ्सिङ पुरा पालि माअ्दोका सेवा वा पुरा पाहि।

धिमाल

³⁰ हाइपानु वा ख्रिस्‍टको भाअ्‌सिङ झान्‍दाइ ताइको ज्‍यानसुदाङ पिलि तोम्‍का हिघाखे। कालाउ नेलाइ काङको भाअ्‌सिङ पोङघा पालि मादोका चाकरको काम वा दोङ पोङघा पाका हिघाखे।

फिलिप्पि 2:30 Iomraidhean Croise

साल्न्हाका चात्या 20:24

कालाउ का ताइको जिबनहेङ हिदोइ बुङ मोलको कालाउ ताइको भाअ्सिङ पिलि माथानिखा, इदोइ झोको खिनिङ चाहिखा, कि परमेस्वरको आनुग्रहको सुसमाचारको साक्सि पिलि काङको धाअ्का प्रभु येसुसो मिलिका काङको सेवाकाइ का पुरा पालि द्वाको।

रोमि 16:4

इम्बालाइ काङको जिबन बान्चिपालि ताइको जिबन बुङ जोखिमता पाका हिघाहि, इम्बालाइहेङ का खिनिङ माको, भरु गैर-यहुदिगेलाइको गोताङ मन्डलिगेलाइ बुङ धन्यबाद पिखे।

1 कोरिन्थि 15:53

हाइपालिपानु केलाइको जिउ जेदोङ स्यावा कालाउ आइयावा, या इसिका जिउता भाङघाइन्हालि गोयाङ जेदोङ हेलाउ बुङ मासियाङ कालाउ हेलाउ बुङ माआइयाङ।

1 कोरिन्थि 16:10

जेसापा तिमोथि नेलाइकोता कोरिन्थ सहरता लोलाउ, वासेहेङ रेम्फासो ब्यभार पासु। हाइपालिपानु वा बुङ का भाइपाङ प्रभुको काम पातेङ हि।

1 कोरिन्थि 16:17

स्तिफन, फरतुनाट्स कालाउ आखैयाकसको लोकाता का हेन्जा खुसि जेङघा, हाइपालिपानु नेलाइ माहिलाउ ओबालाइ कासेहेङ साघाइका हि।

2 कोरिन्थि 12:15

का नेलाइहेङ खुसिसोङ काङको दोफा जेदोङ हि कालाउ ताइको जिबन बुङ पिलि तियार हिघा, कालाउकि नेलाइहेङ परमेस्वरको आनुसरन पालि साघाइयाङका, का नेलाइहेङ हेन्जाङ प्रेम पाङका, भरु इन्सिका लागिखे नेलाइ कासेहेङ आतुइसा प्रेम पासुखेना!

2 कोरिन्थि 4:12

ओदोङ भाअ्सिङ केलाइ सिकाको खाताराता बान्चितेङ हिनाहि, कालाउ इदोइहोइ नेलाइको भाअ्सिङ आनान्त जिबन चुमाका हि।

फिलिप्पि 2:17

जेलाउ का नेलाइहेङ सुसमाचार प्राचार पाघा, नेलाइ प्रभु येसुता खाङधुरि पासुन्हा कालाउ ताइको जिबन वाको बलिदानको रुपता वाको सेवाता पिसुन्हा, ओदोङ भाअ्सिङ इङको कासेहेङ सुसमाचार प्राचार पाकानाङ इम्बालाइ कासेहेङ सेअ्न्हालाउ बुङ का नेलाइ झाराङ दोफा खुसि कालाउ आनान्दित जेनाङका।

फिलिप्पि 2:27

वा जातिङकोङ मासाधेका हिघाहि, कालाउ सिलिना हिलि जेङका हिघाहि, कालाउ परमेस्वर वासेहेङ दाया पातेङ एल्पाहि। वासेहेङ खिनिङ माको भरु कासेहेङ बुङ दाया हि, कालाउकि का या खान्तेङ हेन्जा दुख ल्होपालि मागोयाको हाइपालिपानु का लाम्फासोङ दुखता परिका हिघा।

फिलिप्पि 4:10

प्रभुता का मेनाङ सुकापा हिघा, कि हेन्जा दिना न्हुसो काङको भाअ्सिङ ताका पिगिल्तेङ नेलाइ आरोङ काङको वास्ता पासुन्हा। नेलाइ जातिङकोङ काङको भाअ्सिङ चिन्ताता हिघासुखेना, कालाउ नेलाइ कासेहेङ साघाइलि मौका निङका मान्थु घासुखेना।

फिलिप्पि 4:18

का निङलि गोइका खान्तेङ हेन्जाङ निङका हिघा। इपाफ्रोडाइट्सो नेलाइहेङ पिगिल्का काङको भाअ्सिङ नेलाइको उपाहार परमेस्वरहेङ चढाइका ताअ्का बासाना लोका भेति कालाउ भोग भाइका हि। जाइ परमेस्वरहेङ हेन्जा मान्दा ताअ्खे कालाउ ग्रहन योग्य हि।

फिलेमोन 1:13

का ओनेसिमसहेङ झ्यालखानाता सुसमाचार प्राचार पालि साघाइलिको भाअ्सिङ इता का दोफाङ ताअ्लि खाङघाखा। वा नाङको सात्ताता कासेहेङ साघाइलि दोअ्धावा, हाइपालिपानु का गिखा कि नाअ् कासेहेङ साघाइलि भोखेना।

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।