फिलिप्पि 2:22 - Dhimal NT

²² कालाउ नेलाइहेङ थाहा हि, कि हेसा वा ताइमिहेङ खाङधुरि योग्य तिङपाहि, जेसाङ चान आबा दोफा सेवा पाखे, एन्साङ दोङ तिमोथि का दोफा सुसमाचारको कामता सेवा पाहि।

धिमाल

²² कालाउ तिमोथि हिसिका लाएकको खामाल हिघाहि दोअ्‌का काथा नेलाइ दोङ गेसुखेना। जेसापा एलोङ चान आबाको चाकर पाखे, एन्‍सा दोङ इङको रेम्‍काबानाल पारचार पाका कामता कादोफाङ चाकर पाहि।

फिलिप्पि 2:22 Iomraidhean Croise

साल्न्हाका चात्या 16:2

लुस्तारा सहर कालाउ आइकोनियम सहरता हिका खान्धुराइ ओनेगेलाइ तिमोथिहेङ रेम्का द्‍याङ मानिघाखे।

रोमि 5:4

परमेस्वर केलाइहेङ ग्रहन पाखे, हाइपालिपानु केलाइ सहिलि बुङ धिर्का हिनाहि, हाइपालिपानु वा केलाइहेङ ग्रहन पाखे, केलाइहेङ आस हि।

1 कोरिन्थि 16:10

जेसापा तिमोथि नेलाइकोता कोरिन्थ सहरता लोलाउ, वासेहेङ रेम्फासो ब्यभार पासु। हाइपालिपानु वा बुङ का भाइपाङ प्रभुको काम पातेङ हि।

1 कोरिन्थि 4:17

ओदोङ भाअ्सिङ का तिमोथिहेङ नेलाइकोता दिङगिल्दोङखा। प्रभुता वा काङको मायारु कालाउ खाङधुरि योग्य चान भाइका हि। का गोताङ थामेगेलाइको मन्डलिता धिरपाका आन्सार येसु ख्रिस्टता काङको जिबन हिसिका हि तिमोथि नेलाइहेङ दोअ्तावा।

2 कोरिन्थि 2:9

ओदोङ भाअ्सिङ दोङ नेलाइहेङ जाचिलि, कालाउ काङको आदेसगेलाइहेङ किलि नेलाइ आग्याकारि हिसुना कि मान्थुसुना दोअ्का काथा थाहा निङलिको भाअ्सिङ का नेलाइहेङ लेखेघा।

2 कोरिन्थि 8:22

कालाउ तितस दोफा केलाइ एमि भेनेङ खान्धुराइ ओनेहेङ दिङगिल्दोङन्हाखे, जाइहेङ केलाइ हेन्जाङखे जाचितेङ हेन्जाङ काथाता पारापुरुका निङका हिनाहि, नेलाइ दोफा जेङका वाको बारका भरोसाहोइ वा आझाइ हेन्जाङ पारापुरुका जेङतेङ हि।

2 कोरिन्थि 8:24

ओदोङ भाअ्सिङ नेलाइ इम्बालाइहेङ ताइको प्रेम तिङपासु, कालाउकि मन्डलिगेलाइको गोताङ खान्धुराइगेलाइ इदोइ बारेता निसित जेङलि द्वाको कालाउ थाहा निङलि द्वाको कि केलाइ नेलाइको बारेता घमन्ड पालि ठिक हि।

2 कोरिन्थि 8:8

का इदोइ आग्याको रुपता दोअ्का माको, भरु आरुगेलाइको जोस दोफा तुलाना पातेङ नेलाइको प्रेम बुङ जातिङको हि दोअ्का प्रमानित पालि का इदोइ दोअ्का हिघा।

फिलिप्पि 1:12

खान्धुराइ ओनेगेलाइ इदोइ काथा नेलाइहेङ थाहा जेनाको दोअ्तेङ का भोखा, कि का ह्रुता जाइ लागिका काथागेलाइहोइ झन बास्ताबता सुसमाचार फाइलाइपालि साघाइ जेङका हि।

फिलिप्पि 1:16

उङको द्‍याङगेलाइ रेम्का बिचारसो कालाउ प्रेम दोफा सुसमाचारको प्राचार पाखे, हाइपालिपानु इम्बालाइहेङ थाहा हि, कि ख्रिस्टको सुसमाचारको सुरिक्स्याको भाअ्सिङ कासेहेङ इता झ्याल्खानाता ताअ्का हि।

फिलिप्पि 1:5

हाइपालिपानु नेलाइ सुसमाचारता खाङधुरि पाका दिनासोङ एला थेकापा येसु ख्रिस्टको बारेता सुसमाचार प्राचार पालि कासेहेङ साघाइकानाङ का धन्यबाद पिखा।

फिलिप्पि 1:7

नेलाइ झाराङको भाअ्सिङ का इसिका बिचार पालि ठिक हि, हाइपालिपानु का नेलाइ झाराङहेङ हेन्जा प्रेम पाखा, हाइपालिपानु का कैदि हिलाउ नेलाइ सुसमाचारको सुरिक्स्या कालाउ इदोइहेङ सत्ये प्रमानित पाका या न्हेनोङ दोङ कामता काङको दोफा परमेस्वरको आनुग्रहता झ्वाइनाका हिसुना।

फिलिप्पि 2:20

तिमोथि भाइका नेलाइको जातिङको मनहोइ वास्ता पाका आरु द्‍याङ का दोफा हासु बुङ मान्थु।

1तिमोथि 1:18

काङको चान तिमोथि, का नासेहेङ या आग्या पिदोङखा, कि नाङको बिसोइता लाम्फासोङ परमेस्वरको बाक्ता दोअ्का काथा नाअ् फोम ताअ् कालाउकि नेलाइ धाताइका सिक्स्यकगेलाइको बिरोधता आसल धुम पालि दोसु।

1तिमोथि 1:2

का इदोइ पात्तारा तिमोथिहेङ लेखेदोङखा, नाअ् काङको ताइकोङ चान भाइका हिना हाइपालिपानु नाअ् बुङ येसु ख्रिस्टता खाङधुरि पाखेना। का प्रार्थाना पाखा, कि केलाइको आबा परमेस्वर कालाउ येसु ख्रिस्ट नासेहेङ आनुग्रह, क्रिपा कालाउ सान्ति प्याको।

1तिमोथि 4:6

जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

2 तिमोथि 1:2

का इदोइ पात्तारा तिमोथिहेङ लेखेदोङखा नाअ् काङको ताइकोङ चान भाइका हिना का प्रार्थाना पाखा, कि आबा परमेस्वर कालाउ केलाइको प्रभु येसु ख्रिस्ट नासेहेङ आनुग्रह, क्रिपा कालाउ सान्ति प्याको।

2 तिमोथि 3:10

कालाउ तिमोथि नाअ् गि, कि का हाइ धिरपाखा, कालाउ का हेसा जिबन जियाइखा, काङको योजाना हाइ हि, कालाउ का हाइ खाङधुरि पाखा। कालाउ नासेहेङ थाहा दोङ हि, का गोताङ खालको द्‍याङगेलाइ दोफा धर्यता कालाउ मायारु ब्यभार पाका हिघा, कालाउ कस्टगेलाइ बुङ सहिका हिघा।

तितस 1:4

का इदोइ पात्तारा तितसहेङ लेखेदोङखा, नाअ् काङको ताइकोङ चान भाइका हिना, हाइपालिपानु नाअ् बुङ येसु ख्रिस्टता खाङधुरि पाखेना। आबा परमेस्वर कालाउ केलाइहेङ मुक्ति पिका येसु ख्रिस्ट नासेहेङ आनुग्रह कालाउ सान्ति प्याको।