फिलिप्पि 2:21 - Dhimal NT

²¹ हाइपालिपानु झाराङ ताइकोङ स्वार्थि भोखे कालाउ येसु ख्रिस्टको बारेता महत्य पुर्न हाइ हि इङको वास्ता पाका हासु बुङ मान्थु।

धिमाल

²¹ बोगेलाइ ते झाराङ ताइकोङ सुरता खिनिङ हिखे। कालाउ इसु ख्रिस्‍टको बारेता एम्‍बालाइहेङ हाइदोङ मतलब मान्‍थु

फिलिप्पि 2:21 Iomraidhean Croise

मत्‍ति 16:24

कालाउ न्हुसो येसु ताइको चात्यागेलाइहेङ दोअ्हि कालाउ “एसापा नेलाइ काङको चात्या जेङलि खाङसुखेना पानु ताइको इच्छा लाअ्लि गोइखे। वा क्रुस फाअ्लि इस्सुक हिलि गोइखे कालाउ खिनिङ का दोफा लोसु कालाउ काङको चात्या जेङसु।”

लुका 14:26

जेसापा हासु बुङ द्‍याङ का दोफा लोहे पानु, कालाउ कासेहेङ खान्तेङ हेन्जा वाको आबा, आमाइ, बे, चान-चामिन्दि, दादा-ओने, कालाउ बाइ-बेजान ओनेगेलाइहेङ प्रेम पाहे पानु, उङको द्‍याङ काङको चात्या जेङलि मादावा।

साल्न्हाका चात्या 13:13

पावल कालाउ वाको सानाइतिगेलाइ पाफोस सहरसो जाहाज ताङतेङ प्यामफिलिया जिल्लाको पर्गा सहरता थुकाहि, कालाउ मर्कुस दोअ्का युहान्‍ना चाहि पावल कालाउ बार्नाबासहेङ लाअ्तेङ यरुसेलेम भारि घुरिहि।

साल्न्हाका चात्या 15:38

कालाउ पावल मर्कुसहेङ चुम्पुलि ठिक माकिहि, हाइपालिपानु वा प्यामफिलिया जिल्लासो इम्बालाइहेङ लाअ्तेङ हानिका हिघाहि, कालाउ इम्बालाइ ए दोफाङ काम पाका मान्थुघाहि।

1 कोरिन्थि 10:24

हासु बुङ ताइको खिनिङ रेम्फा ज्याको मादोअ्सु, भरु बोगेलाइको बुङ भालाइ पासु।

1 कोरिन्थि 10:33

जेसाङ का बुङ काङको पाका गोताङ कामता गोताङ द्‍याङगेलाइहेङ लेङचापालि कोसिस पाखा, नेलाइ बुङ का भाइपाङ पासु, हाइपालिपानु का काङको भाअ्सिङ खिनिङ रेम्का पालि कोसिस पाका मान्थुघा, भरु आरु द्‍याङगेलाइको भाअ्सिङ बुङ, कालाउकि इम्बालाइको बुङ मुक्ति जेनाको।

1 कोरिन्थि 13:5

इम्बालाइ आरुको आनादार मापाखे कालाउ इम्बालाइ भलाइ माचाहिखे। इम्बालाइ धेमाङ चेर माताम्पाखे कालाउ इम्बालाइको बिरोधता पाका मारेम्का काम फोम मापाखे।

2 कोरिन्थि 1:5

हाइपालिपानु जेसाङ ख्रिस्ट कस्ट भोगिहि एसा पासोङ केलाइ बुङ कस्ट भोगिलि गोइखे, कालाउ परमेस्वर ख्रिस्ट पाहासो केलाइहेङ सान्तावाना प्याङ।

फिलिप्पि 2:4

नेलाइ झाराङ ताइको भाअ्सिङ खिनिङ भलाइ माभोसु, भरु भेनेङगेलाइको भाअ्सिङ बुङ भलाइ सोचेसु।

2 तिमोथि 1:15

नासेहेङ थाहा हि, कि एसिया प्रदेसता हिका हेन्जा जोसो खान्धुराइगेलाइ कासेहेङ लाअ्का हि, कालाउ इङको मध्ये फुगेलस कालाउ हर्मोगेनस हि।

2 तिमोथि 3:2

हाइपालिपानु द्‍याङगेलाइ ताइमिहेङ खिनिङ माया पाका, धनको लोभ पाका, आहाङकारि, घमन्डि, ताइमिहेङ बार्का फोम पाका, आरु द्‍याङगेलाइहेङ निन्दा पाका, ताइको आमाइ-आबाको आग्या माकेम्का, आरुको गुन मातिङका कालाउ आपबित्तरो हिखे।

2 तिमोथि 4:10

हाइपालिपानु डेमास इदोइ सुमिङको काथागेलाइहेङ मन्दा ताअ्खे कालाउ वा कासेहेङ लाअ्तेङ थेसलोनिकि सहरता हानेका हि। कालाउ खान्धुराइ ओने क्रेसेनस चाहि गलातिया इलाका हानिका हि, कालाउ तितस चाहि दालमितिया प्रदेसता हानिका हि।

2 तिमोथि 4:16

लाङ पोल्ति आदालतता काङको मुद्दा चलिलाउ हासु बुङ काङको पक्स्यता माधुइहि, कालाउ झाराङ कासेहेङ लाअ्तेङ हानिहि। परमेस्वर इङको काथाको दुसिका इम्बालाइहेङ मालाग्याको, भरु का प्रार्थाना पाङका कि इम्बालाइ कासेहेङ लाअ्काता परमेस्वर इम्बालाइहेङ स्यामा प्याको।