फिलिप्पि 2:17 - Dhimal NT

¹⁷ जेलाउ का नेलाइहेङ सुसमाचार प्राचार पाघा, नेलाइ प्रभु येसुता खाङधुरि पासुन्हा कालाउ ताइको जिबन वाको बलिदानको रुपता वाको सेवाता पिसुन्हा, ओदोङ भाअ्सिङ इङको कासेहेङ सुसमाचार प्राचार पाकानाङ इम्बालाइ कासेहेङ सेअ्न्हालाउ बुङ का नेलाइ झाराङ दोफा खुसि कालाउ आनान्दित जेनाङका।

धिमाल

¹⁷ नेलाइको प्रभु इसुता पाका खान्‍धुर परमेस्‍वरहेङ चार्‍हाइका भोक भाइकाङ एइ। इङको भोकता काङको हिति होलाउ बुङ का लेङचाका हिघा। कालाउ का नेलाइ दोफादोफाङ लेङचाङका।

फिलिप्पि 2:17 Iomraidhean Croise

साल्न्हाका चात्या 20:24

कालाउ का ताइको जिबनहेङ हिदोइ बुङ मोलको कालाउ ताइको भाअ्सिङ पिलि माथानिखा, इदोइ झोको खिनिङ चाहिखा, कि परमेस्वरको आनुग्रहको सुसमाचारको साक्सि पिलि काङको धाअ्का प्रभु येसुसो मिलिका काङको सेवाकाइ का पुरा पालि द्वाको।

साल्न्हाका चात्या 21:13

कालाउ पावल दोअ्हि, “नेलाइ हाइ पालि एसापा खारतेङ काङको मनहेङ तुपापिसुखेना? हाइपालिपानु का यरुसेलेमता जिङन्हालि खिनिङ माको, कालाउ प्रभु येसुको भाअ्सिङ सिलि तियार हिघा।”

रोमि 12:1

ओदोङ भाअ्सिङ खान्धुराइ ओनेगेलाइ, परमेस्वरको माहान दायाको कारन का नेलाइहेङ आनुरोध पाखा, कि ता-ताइको जिउहेङ पबित्तरो कालाउ परमेस्वरहेङ ग्रहन योग्य जेङलि ताइको जिबनहेङ सिन्हु पाङ भोगको रुपता आर्पन पाअ्सु। नेलाइ पालि गोइका सत्ये आराधाना इदोइ दोङ हि।

रोमि 15:16

कि का गैर-यहुदिगेलाइको भाअ्सिङ येसु ख्रिस्टको सेवक जेङतेङ परमेस्वरसो लोका सुसमाचार प्राचार पालि पुजारि कोनिङ सेवा पाखा, कालाउकि गैर-यहुदिगेलाइहेङ पबित्तरो आत्मा पाहासो सुद्द जेङतेङ ग्रहन योग्य बलि जेङलि द्वाको।

2 कोरिन्थि 12:15

का नेलाइहेङ खुसिसोङ काङको दोफा जेदोङ हि कालाउ ताइको जिबन बुङ पिलि तियार हिघा, कालाउकि नेलाइहेङ परमेस्वरको आनुसरन पालि साघाइयाङका, का नेलाइहेङ हेन्जाङ प्रेम पाङका, भरु इन्सिका लागिखे नेलाइ कासेहेङ आतुइसा प्रेम पासुखेना!

2 कोरिन्थि 4:12

ओदोङ भाअ्सिङ केलाइ सिकाको खाताराता बान्चितेङ हिनाहि, कालाउ इदोइहोइ नेलाइको भाअ्सिङ आनान्त जिबन चुमाका हि।

2 कोरिन्थि 6:10

केलाइ हेन्जा दुख हिलाउ बुङ दिनाङ लेङचाका हिनाहि, कालाउ केलाइ गरिब हिलाउ बुङ हेन्जाङहेङ आत्मिक धनि बानाइयाङ, हाइ दोङ मान्थुका भाइपा हिलाउ बुङ गोताङ आनेमाने हि।

2 कोरिन्थि 7:4

नेलाइता काङको बार्का भरोसा हि, नेलाइ ह्रुता का हेन्जा गर्ब पाखा। का नेलाइको सान्तावानाहोइ पोङघातेङ हिघा, कालाउ केलाइको गोताङ कस्टता का ओसारापाङ आनान्द हिघा।

फिलिप्पि 1:20

काङको एकदम इच्छा कालाउ आस इदोइ दोङ हि, कि का लेदेरलि मागोइयाङका। कालाउ का हानिका सोमोइता दोअ्का भाइपाङ ख्रिस्टको बारेता दोअ्लि साहास जेनाङ। चाहे का बान्चियाको माकुनु सियाको, का काङको गोताङ जिबनहोइ ख्रिस्टहेङ लागातार आदार पाङका।

फिलिप्पि 2:18

एसा पासोङ नेलाइ बुङ का दोफा खुसि कालाउ आनान्दित जेङलि गोइस्वाना।

फिलिप्पि 2:30

हाइपालिपानु वा ख्रिस्टको कामको भाअ्सिङ झान्डाइ सिहि। कालाउ नेलाइ काङको भाअ्सिङ पुरा पालि माअ्दोका सेवा वा पुरा पाहि।

फिलिप्पि 4:18

का निङलि गोइका खान्तेङ हेन्जाङ निङका हिघा। इपाफ्रोडाइट्सो नेलाइहेङ पिगिल्का काङको भाअ्सिङ नेलाइको उपाहार परमेस्वरहेङ चढाइका ताअ्का बासाना लोका भेति कालाउ भोग भाइका हि। जाइ परमेस्वरहेङ हेन्जा मान्दा ताअ्खे कालाउ ग्रहन योग्य हि।

कलस्सि 1:24

हाइपालिपानु का नेलाइहेङ सुसामाचारगेलाइ प्राचार पाकानाङ, एला का नेलाइको भाअ्सिङ कस्ट भोगिदोङखा, कालाउ ख्रिस्टको तर्फसो का ताइकोङ खुसिहोइ इदोइ कस्टगेलाइ भोगिदोङखा, कालाउकि वाको द्‍याङगेलाइहेङ साघाइलि द्वाको जेदोङ वाको जिउ मन्डलि दोङ हि।

1 थेस्लोनिकि 2:8

केलाइ नेलाइहेङ हेन्जाङ मायारु पान्हाखे, ओदोङ भाअ्सिङ नेलाइ परमेस्वरको सुसमाचार खिनिङ माको। भरु केलाइ ताइको प्रानबुङ नेलाइहेङ पिलि भोघान्हाखे, हाइपालिपानु नेलाइ केलाइको आनाउ जेङका हिघासुखेना।

2 तिमोथि 4:6

का नासेहेङ या आदेस पिदोङखा, हाइपालिपानु का ते भोगको रुपता आर्पन जेङलि लागिका हिघा कालाउ काङको जिबन कालाउ परमेस्वरको भाअ्सिङ काङको काम दोलि तोम्का हि, हाइपालिपानु का गिखा कि का धेमाङ सियाङका वाला।

१ युहन्‍ना 3:16

एसा पासोङ प्रेम हाइ वाला केलाइ थाहा गिनाखे, कि येसु ख्रिस्ट दोङ केलाइको भाअ्सिङ सिपिहि। ओदोङ भाअ्सिङ केलाइ बुङ आरु खान्धुराइगेलाइको भाअ्सिङ सिलि गोइलाउ बुङ तियार हिलि गोइखे।