फिलिप्पि 2:13 - Dhimal NT

¹³ हाइपालिपानु परमेस्वर नेलाइकोता काम पादोङखे, जेदोङ कामहोइ वासेहेङ लेङचापाखे इङको काम पाका इच्छा कालाउ सरबुङ नेलाइहेङ वा दोङ पिखे।

धिमाल

¹³ हाइदोनु परमेस्‍वर नेलाइता दिनाङ काम पावा। कालाउ वा दोङ वाको काम पातेङ दोपाका मन रो सरबङ प्‍यावा।

फिलिप्पि 2:13 Iomraidhean Croise

लुका 12:32

नेलाइ म्हुइका भेडाको हुलगेलाइ भाइका जेङ, माअ्थिसु, हाइपालिपानु नेलाइको भाअ्सिङ आबा परमेस्वर नेलाइहेङ सासन पिलि लेङचाखे।

लुका 2:14

सर्बच्चा स्वर्गिय परमेस्वरहेङ महिमा, कालाउ प्रिथिबिता जेदोङ द्‍याङगेलाइ दोफा परमेस्वर खुसि हि, नेलाइहेङ सान्ति ज्याको।

युहन्‍ना 3:27

युहान्‍ना जोबाफ पिहि, हिदोइ बुङ द्‍याङगेलाइ स्वर्गसो मापिपा धाउ वा दोङ हाइ दोङ निङलि माद्वावा।

युहन्‍ना 6:45

कालाउ इम्बालाइ झाराङहेङ परमेस्वर पाहासो धिरपावा दोअ्तेङ परमेस्वरको बक्तागेलाइको धर्मसास्तरता लेखेका हि। कालाउ झाराङ जाइ आबा परमेस्वरसो हिङखे कालाउ धिरखे उङको काङकोता लोखे।

युहन्‍ना 6:65

कालाउ येसु दोअ्हि, “ओदोङ भाअ्सिङ का नेलाइहेङ दोअ्का हिघा, जेसापा कासेहेङ दिङगिल्का आबा परमेस्वरसो का दोफा लोका मन मापिनु हासु बुङ द्‍याङ काङकोता लोलि माद्वाङ।”

साल्न्हाका चात्या 11:21

प्रभुको सरबुङ ओबालाइ दोफा हिघाहि, कालाउ हेन्जा गैर-यहुदिगेलाइ ओबालाइको सन्देसता खाङधुरि पातेङ प्रभु येसुता खाङधुरि पालि तेङहि।

रोमि 12:3

परमेस्वर कासेहेङ पिका आनुग्रह पाहासो नेलाइ मध्ये झाराङहेङ का आग्राह पाखा, कि ताइमि जिसिका हिनाहि इङको खान्तेङ हेन्जा ताइमिहेङ मासम्झ्याको। कालाउ परमेस्वर झाराङहेङ पिका खाङधुरिको जोखेकाहोइ ताइमि जिसिका हि, इन्सिकाङ थानियाको।

रोमि 9:11

कालाउ जाउथ्या जामाललाइ जोलोमलि खान्तेङ लाम्फासोङ, इम्बालाइ हिदोइ बुङ रेम्का कालाउ मारेम्का काम पालि खान्तेङ लाम्फा दोङ, परमेस्वर जाउथ्यागेलाइ मध्ये एमिहेङ चुनितेङ रेबिकाहेङ दोअ्हि, “जेठा चाहि कान्छाको सेवा पावा।” एसापा परमेस्वरको चुनिका काम द्‍याङगेलाइको काम खाङतेङ माको, भरु वाको ताइकोङ इच्छा आन्सार जेनाङ वा पाक्का पाहि।

रोमि 9:16

ओदोङ भाअ्सिङ द्‍याङको इच्छा माकुनु कोसिसहोइ माको, कालाउ जाइहेङ परमेस्वर क्रिपा पालि भोखे कालाउ वासेहेङ चुनिखे।

1 कोरिन्थि 12:6

कालाउ सेवाको भाअ्सिङ परिपरिको योग्यतागेलाइ हि, कालाउ ओदोङ परमेस्वर इम्बालाइ झाराङहेङ सेवाको भाअ्सिङ योग्यता पिखे।

1 कोरिन्थि 15:10

कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।

2 कोरिन्थि 3:5

हिदोइ बुङ काम पालि दोका खुबि केलाइता हि पानु केलाइ मादोअ्न्हाखे, कालाउ परमेस्वर केलाइहेङ या खुबि पिखे।

एफिसि 1:11

हाइपालिपानु गोताङ काथा परमेस्वरको योजाना कालाउ निर्नय आन्सार जेङका हि। परमेस्वर केलाइ यहुदिगेलाइहेङ बुङ ताइकोङ इच्छा आन्सार केलाइको ख्रिस्ट दोफाको सम्बनधको कारन इदोइ चाहि परमेस्वर लाम्फासोङ पाका निर्नय आन्सार पाका हि।

एफिसि 1:5

परमेस्वर केलाइहेङ प्रेम पाकानाङ येसु ख्रिस्ट पाहासो केलाइहेङ ताइको सान्तान जेङलि लाम्फोरतिसोङ निर्नय पाका हिघाहि। कालाउ परमेस्वर इदोइ ताइकोङ खुसि कालाउ इच्छा आन्सार पाका हिघाहि।

एफिसि 1:9

परमेस्वर ताइको योजाना आन्सार पाहि, कालाउ केलाइहेङ म्होन्हाका योजाना तिङपाहि, जेदोङ वा लाम्फाङ ख्रिस्ट पाहासो पुरा पालि योजाना पाका हिघाहि।

एफिसि 2:8

हाइपालिपानु जेलाउ नेलाइ खाङधुरि पासुन्हा कालाउ परमेस्वर ताइको आनुग्रह पाहासो नेलाइको मुक्ति पाका हि, नेलाइ ताइमिङ दोङ उद्दार निङका माको, भरु इङकोते परमेस्वरको दान हि।

2 थेस्लोनिकि 1:11

ओदोङ भाअ्सिङ एसाङ दोङ केलाइ नेलाइ झाराङको भाअ्सिङ जेलाउलाउ बुङ प्रार्थाना पातेङ ह्याङ, कालाउकि केलाइको परमेस्वर नेलाइहेङ काइतेङ ताइको योग्यको बानाइयाको, जाइको भाअ्सिङ नेलाइहेङ काइका हि, कालाउ वाको सरबुङसो गोताङ रेम्का काम पाका इच्छा कालाउ खाङधुरि योग्य कामगेलाइ पालि साघाइयाको।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।