फिलिप्पि 2:12 - Dhimal NT

¹² काङको आनाउ खान्धुराइ ओनेगेलाइ, का नेलाइ दोफा हिलाउ जेलाउ बुङ आग्या केम्का हिघा सुखेना। एला का नेलाइसो दुरे हिघा, ओदोङ भाअ्सिङ का नेलाइ दोफा माहिलाउ बुङ झन हेन्जा आग्याकारि हिलि गोइस्वाना। नेलाइ झाराङ थितेङ कालाउ फिरतेङ इङको काम पालि गोइखे, जेदोङ उङको द्‍याङगेलाइको भाअ्सिङ उचित हि, जाइहेङ परमेस्वर मुक्ति पिका हि।

धिमाल

¹² इदोइखातिर काङको मोन्‍दाताका दादाओने बाइओनेगेलाइ का नेलाइदोफा हिलाउ नेलाइ दिनाङ काङको काथागेलाइ साअ्‌सुन्‍हा। झन का नेलाइसो दुरे हिलाउ बुङ नेलाइ काङको काथागेलाइ आरोङ हेन्‍जाङ साअ्‌लि गोइस्‍वाना। कालाउ नेलाइको निङका छुटकाराको काथा तिङपालि हेन्‍जा भेम्‍ति ह्‍याअ्‌पासु रो परमेस्‍वरहेङ मान पातेङ वाको थिकाता एसा पासु।

फिलिप्पि 2:12 Iomraidhean Croise

मत्‍ति 11:12

कालाउ बप्तिस्ता पिका युहान्‍ना सुसमाचार पाका सोमोइसोङ एला थेकापा परमेस्वरको सासन दिनाङ-दिनाङ जोडहोइ बाढेका हि, कालाउ बिरोध पाकालाइ चाहि हान्ति पालि भोखे।

मत्‍ति 11:29

काङको जुवा फाअ्सु कालाउ काङकोसो धिरसु, हाइपालिपानु का दायालु कालाउ मोनोइ हिघा, कालाउ नेलाइ ताइको प्रानता माइसा निङस्वाना।

साल्न्हाका चात्या 16:29

इदोइ काथा हिङतेङ झ्यालखानाको हाकिम गेसा ह्रेतेङ धाअ्तेङ लिता लोहि, कालाउ थिकासो फिरकाताङ पावल कालाउ सिलासको आगाता तुघुरहि।

साल्न्हाका चात्या 9:6

ल्हो कालाउ सहर भारि हाने, इन्ता हासु बुङ नासेहेङ हाइ पालि गोइका हि दोअ्पियावा।”

रोमि 2:7

परमेस्वर इम्बालाइहेङ आनान्त जिबन प्याङ जाइ धर्य दोफाङ रेम्का काम पाखे, कालाउकि वा महिमा, इज्‍जत कालाउ आनान्त जिबन निनाको।

1 कोरिन्थि 15:58

ओदोङ भाअ्सिङ काङको आनाउ खान्धुराइ ओनेगेलाइ, ताइको खाङधुरिता बल्लियाका जेङसु कालाउ धाताइका सिक्स्यागेलाइता मालाइसु। कालाउ प्रभुको कामता जेलाउ बुङ लागितेङ हिसु। हाइपालिपानु नेलाइ गिसुखेना कि प्रभुता नेलाइको परिस्रोम ब्यर्थ माजेनाङ।

1 कोरिन्थि 2:3

जेलाउ का नेलाइकोता लोघा, का मुइमुइतेङ कालाउ थितेङ फिरतेङ हिघाखा।

1 कोरिन्थि 4:14

नेलाइहेङ लेदेरपालिको भाअ्सिङ का या काथा लेखेका माको, कालाउ नेलाइहेङ आर्ति पिलि खाङखा, हाइपालिपानु नेलाइ काङको मायारु जामाललाइ कोनिङ हिसुन्हा।

2 कोरिन्थि 7:15

कालाउ जेलाउ तितस नेलाइ आग्याकारि जेङका काथाको बारेता आरोङ सोचिखे, कि नेलाइ हेसा वासेहेङ आधिनता कालाउ बारका साम्मान दोफा स्‍वागत पाका हिघाहि, कालाउ वा नेलाइहेङ झन हेन्जा मायारु पाखे।

एफिसि 6:5

ओइ बान्धाइतिगेलाइ, थितेङ कालाउ इमान्दारहोइ ख्रिस्टको सेवा पाका भाइपा नेलाइको सुमिङको ग्रिहिको आग्या बुङ केम्सु।

फिलिप्पि 1:27

कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

फिलिप्पि 1:29

हाइपालिपानु परमेस्वर नेलाइहेङ ख्रिस्टता खाङधुरि पालि खिनिङ माको, कालाउ वाको ह्रुता खाङधुरि पाकानाङ दुख भोगिलि बुङ आबसर पिका हि।

फिलिप्पि 1:5

हाइपालिपानु नेलाइ सुसमाचारता खाङधुरि पाका दिनासोङ एला थेकापा येसु ख्रिस्टको बारेता सुसमाचार प्राचार पालि कासेहेङ साघाइकानाङ का धन्यबाद पिखा।

फिलिप्पि 1:6

का इदोइ काथाता पुरा खाङधुरि पाखा, कि परमेस्वर नेलाइकोता जेदोङ आसल काम सुरु पाहि, इङको वासेहेङ दोङ जेलाउ येसु ख्रिस्ट आरोङ ल्वाङ कालाउ पुरा पावा।

फिलिप्पि 2:19

तिमोथिहेङ नेलाइकोता धेमाङ दिङगिल्लाङका दोअ्तेङ का प्रभु येसुता आस पाखा। कालाउकि नेलाइको बारेता हिङतेङ का हाउसाइ याङका।

फिलिप्पि 4:1

ओदोङ भाअ्सिङ काङको खान्धुराइ ओनेगेलाइ, का नेलाइहेङ हेन्जा मायारु पाङका कालाउ नेलाइहेङ भेतिलि चाहिखा। नेलाइ काङको आनन्द कालाउ हाउसा दोङ, काङको आनाउगेलाइ, काङको दोअ्का आन्सार लागातार प्रभुता भरोसा ताअ्काताङ वाको आग्या केम्सु।

फिलिप्पि 4:15

नाअ् फिलिप्पिको द्‍याङगेलाइ ताइमिङ गिसुखेना, कि नेलाइहेङ सुसमाचार प्राचार पाका दिनासो जेलाउ का नेलाइको थामेसो म्यासिडोनिया प्रदेसता हानिघा, कासेहेङ नेलाइ बाहेक आरु हिदोइ बुङ मन्डलि ताका पितेङ मासाघाइहि।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

2 तिमोथि 2:10

ओदोङ भाअ्सिङ परमेस्वर चुनिका इङको झाराङ द्‍याङगेलाइको भालाइको भाअ्सिङ का एसापा गोताङ दुख सहियाङका, कालाउकि इम्बालाइ येसु ख्रिस्टता खाङधुरि पातेङ मुक्ति कालाउ आनान्त आदार निनाको।

हिब्रु 12:1

केलाइको कोरपाहाङ इदोइ द्‍याङगेलाइको खाङधुरिको साक्सि नुगामारि हि, ओदोङ भाअ्सिङ लोसु, केलाइको दामाता आइ परिका बाधागेलाइ कालाउ केलाइहेङ रिम्तेङ ताअ्का पापगेलाइहेङ केलाइ पान्छाइने कालाउ केलाइको आगाता हिका धाअ्का काम धैर्य सोङ ह्रुम्तेङ धाअ्ताइने।

हिब्रु 4:1

हाइपालिपानु केलाइहेङ परमेस्वर माइसाका थामेता हानाना दोअ्तेङ पाका प्रतिग्या एला बुङ हि। ओदोङ भाअ्सिङ चङख हिसु, कालाउकि माइसाका थामेता नेलाइ मध्ये दुल्लि मानिङका हासु बुङ माह्याको।

हिब्रु 4:11

ओदोङ भाअ्सिङ केलाइ झाराङ इङको माइसा चाका थामेता दुल्लि कोसिस पाइने, कालाउ हासु बुङ परमेस्वरको आग्या केम्लि इन्कार पाका द्‍याङगेलाइहेङ नामुना मा-मान्याको। कालाउ खिनिङ केलाइ इङको माइसा चाका थामेता दुल्लि द्वाङ।

हिब्रु 5:9

परमेस्वर येसुहेङ मल्किसेदेक प्राधान पुजारिको लाहारिपा साम्मान पिहि। कालाउ जेलाउ येसु पुराङ सिद्द जेङहि वाको आग्या किका झाराङको भाअ्सिङ वा आनान्तको मुक्तिको मुलि जेङहि।

1पतरुस 2:11

आनाउ सानाइतिगेलाइ, नेलाइ इदोइ सुमिङता बिदेसिगेलाइ कालाउ प्रबासिगेलाइ भाइपाङ हिसुना। का नेलाइहेङ बिन्ति पाखा कि इङको गोताङ दुस्ट जिउको इच्छागेलाइसो दुरे हिसु, हाइपालिपानु इसिका लान्सागेलाइ जेलाउ बुङ नेलाइको आत्मा दोफा जुधेखे।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।