फिलिप्पि 1:3 - Dhimal NT

³ का जेलाउ बुङ नेलाइको बारेता सोचिखा कालाउ परमेस्वरहेङ धन्यबाद पिखा।

धिमाल

³ जेलाउ का नेलाइहेङ फोमपाखा कोलाउ नेलाइको भाअ्‌सिङ का काङको परमेस्‍वरहेङ च्‍याबास चार्‍हाइखा।

फिलिप्पि 1:3 Iomraidhean Croise

रोमि 6:17

नेलाइ लाम्फा पापको बान्धाइति हिघासुखेना, कालाउ एला नेलाइ निङका सिक्स्या किलि केम्का जेङका हिसुना। कालाउ का वाको भाअ्सिङ परमेस्वरहेङ ह्रदयसोङ धन्यबाद पिखा।

1 कोरिन्थि 1:4

का परमेस्वरहेङ जेलाउ बुङ धन्यबाद प्याङका हाइपालिपानु वाको नुगामारि आनुग्रह पाहासो नेलाइहेङ हेन्जा आसिस पिहि। जेलाउसो नेलाइ येसु ख्रिस्टता खाङधुरि पासुन्हा।

1 थेस्लोनिकि 3:9

कालाउ नेलाइकोङ कारनसो केलाइ केलाइको परमेस्वरको आगाता लेङचाका हिनाहि, कालाउ याको भाअ्सिङ केलाइ परमेस्वरहेङ जेथे धन्यबाद पिलाउ बुङ आतुइसा जेङखे।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

2 तिमोथि 1:3

जेलाउ बुङ का परमेस्वर दोफा प्रार्थाना पाखा दिनाङ नासेहेङ फोम पाखा, का परमेस्वरहेङ धन्यबाद चढाइखा, जाइको सेवा काङको पुर्खागेलाइ पाका भाइपाङ का बुङ सुद्द बिबेकहोइ पाखा।