फिलिप्पि 1:25 - Dhimal NT

²⁵ इदोइ काथाता का निस्चित हिघा कालाउ का गिखा, कि का सिन्हुतेङ ह्याङका कालाउ नेलाइ झाराङ दोफा ह्याङका, कालाउ खाङधुरिता बल्लियाका बानाइलि कालाउ आनान्दको भाअ्सिङ का नेलाइहेङ साघाइयाङका।

धिमाल

²⁵ इदोइ काथा का जातिङको खान्‍धुर पाखा। इदोइखातिर नेलाइहेङ खान्‍धुरता बोल्‍याका बान्‍हाइलि रो नेलाइको सुकाका बार्‍हेपालि का सिन्‍हुतेङ हितेङ नेलाइदोफाङ ह्‍याङका दोअ्‌तेङ का गेखा।

फिलिप्पि 1:25 Iomraidhean Croise

लुका 22:32

कालाउ का प्रार्थाना पाका हिघा कि, नाङको खाङधुरि का ह्रुता नेलाइको खाङधुरि मागुमाइयाको दोअ्तेङ पाप पालि लाअ्सु कालाउ का दोफा घुरितेङ लोलाउ नाअ् इम्बालाइको का ह्रुता खाङधुरि पालि दादा-ओनेगेलाइहेङ बल्लियाका बानाइ।

साल्न्हाका चात्या 11:23

बार्नाबास इन्ता लोतेङ परमेस्वरको आनुग्रह तिङतेङ मेनाङ लेङचाहि, कालाउ इम्बालाइ झाराङहेङ गोताङ ह्रदयहोइ प्रभु दोफा खान्धुराइ जेङतेङ हिलि हाउसाइ पिहि।

साल्न्हाका चात्या 14:22

कालाउ गोताङ नगरता जेङका चात्यागेलाइको आत्माहेङ बल्लियाका बानाइकाताङ ओबालाइहेङ खाङधुरिता हितेङ हिलि आर्ति पिहि, कालाउ हेन्जा कस्ट सहितेङ केलाइ परमेस्वरको सासनता दुल्लि गोयाङ दोअ्तेङ ओबालाइहेङ दोअ्हि।

साल्न्हाका चात्या 20:25

कालाउ एला का गिखा, कि नेलाइ झाराङको माझाता का परमेस्वरको सासनको प्राचार पाकाताङ लोका हिघा, एला नेलाइ कासेहेङ आरोङ हेलाउ बुङ मातिङस्वाना।

रोमि 15:13

का प्रार्थाना पाखा कि आसको मुल परमेस्वर नेलाइको खाङधुरि पाहासो गोताङ आनान्द कालाउ सान्तिहोइ पोङघा पाप्यावाको, कालाउकि पबित्तरो आत्माको सरबुङहोइ नेलाइको आस झन हेन्जा बाढेयाको।

रोमि 15:18

हाइपालिपानु, बचन कालाउ कामहोइ गैर-यहुदिगेलाइ परमेस्वरको आग्या किका बानाइलि ख्रिस्ट काङकोसो जेदोङ पाका हि, ओदोङ काथाको बिसोइता खिनिङ का धुइलि आट पाङका।

रोमि 15:29

कालाउ का गिखा कि, जेलाउ का नेलाइकोता ल्वाङका, ख्रिस्टको प्रसस्त आसिस नेलाइ दोफा बाखाराइ याङका।

रोमि 5:2

केलाइको खाङधुरिको कारनहोइ येसु ख्रिस्ट केलाइहेङ इदोइ आनुग्रहता चुमाका हि, जेता केलाइ एला जाअ्का हिनाहि, कालाउ परमेस्वरको महिमाता सहभागि जेङका आसता लेङचान्हाखे।

2 कोरिन्थि 1:24

नेलाइको खाङधुरि ह्रुता केलाइ खाबारा जामाइलि माचाहिनाखे, भरु नेलाइको आनान्दको भाअ्सिङ नेलाइ दोफा मिलितेङ काम पाङ। हाइपालिपानु नेलाइ ताइको खाङधुरिता सिकापा हिसुखेना।

फिलिप्पि 1:24

कालाउ का जिउता हितेङ हिलि नेलाइको साघाइको भाअ्सिङ झन आवस्यक हि।

फिलिप्पि 2:24

कालाउ का बुङ धेमाङ ल्वाङका दोअ्तेङ प्रभुता भोरोसा ताअ्का हिघा।

फिलेमोन 1:22

या दोफाङ नाङको साअ्ता काङको भाअ्सिङ एनोङ कोठाको ब्यबस्था पापि। हाइपालिपानु का आस पाखा कि परमेस्वर नाङको प्रार्थानाको उत्तारा पियाङ कालाउ का इन्ता ल्वाङका कालाउ नासेहेङ भेत्याङका।

1पतरुस 1:8

नेलाइ येसुहेङ हेलाउ बुङ तिङका मान्थु सुन्हा, कालाउ बुङ नेलाइ वासेहेङ प्रेम पासुखेना, नेलाइ वासेहेङ एला मातिङसुखेना, कालाउ नेलाइ वाकोता खाङधुरि पासुखेना। ओदोङ भाअ्सिङ नेलाइ हेन्जा लेङचा सुखेना। नेलाइ हेथे लेङचा सुखेना दोअ्तेङ ब्याख्या पालि सब्दगेलाइ दोङ मान्थु।