फिलिप्पि 1:20 - Dhimal NT

²⁰ काङको एकदम इच्छा कालाउ आस इदोइ दोङ हि, कि का लेदेरलि मागोइयाङका। कालाउ का हानिका सोमोइता दोअ्का भाइपाङ ख्रिस्टको बारेता दोअ्लि साहास जेनाङ। चाहे का बान्चियाको माकुनु सियाको, का काङको गोताङ जिबनहोइ ख्रिस्टहेङ लागातार आदार पाङका।

धिमाल

²⁰ काङको बाराका लाल्‍सा रो आसचाहिँ इदोइ एइ, का परमेस्‍वरको आगाता हेअ्‌लाउ मालेदेराङका। कालाउ लाम्‍फा भाइपाङ एला बुङ का परमेस्‍वरको कथन हिङपालि हिमत निङतेङ ह्‍याङका। कालाउ का सिन्‍हुलाउ बुङ, नासालाउ बुङ काङको ज्‍यान ख्रिस्‍टको मानको भाअ्‌सिङ ज्‍यावा।

फिलिप्पि 1:20 Iomraidhean Croise

युहन्‍ना 21:19

येसु इदोइ काथा ओदोङ भाअ्सिङ दोअ्हि कि पतरुस हेसा सिलि गोयाङ कालाउ परमेस्वरको महिमा पाङ। इदोइ दोअ्लि दोअ्तेङ येसु पतरुसहेङ दोअ्हि, का दोफा लोसु कालाउ काङको चात्या जेङसु।

साल्न्हाका चात्या 20:24

कालाउ का ताइको जिबनहेङ हिदोइ बुङ मोलको कालाउ ताइको भाअ्सिङ पिलि माथानिखा, इदोइ झोको खिनिङ चाहिखा, कि परमेस्वरको आनुग्रहको सुसमाचारको साक्सि पिलि काङको धाअ्का प्रभु येसुसो मिलिका काङको सेवाकाइ का पुरा पालि द्वाको।

साल्न्हाका चात्या 21:13

कालाउ पावल दोअ्हि, “नेलाइ हाइ पालि एसापा खारतेङ काङको मनहेङ तुपापिसुखेना? हाइपालिपानु का यरुसेलेमता जिङन्हालि खिनिङ माको, कालाउ प्रभु येसुको भाअ्सिङ सिलि तियार हिघा।”

साल्न्हाका चात्या 4:31

जेलाउ इम्बालाइ प्रार्थाना पालि दोतेङ इम्बालाइ जोम्का थामेता हेङगालाइन्हाहि, कालाउ इम्बालाइ झाराङ पबित्तरो आत्मासो पोङघाहि, कालाउ इम्बालाइ साहास पातेङ परमेस्वरको बचन हिङपालि तेङहि।

रोमि 12:1

ओदोङ भाअ्सिङ खान्धुराइ ओनेगेलाइ, परमेस्वरको माहान दायाको कारन का नेलाइहेङ आनुरोध पाखा, कि ता-ताइको जिउहेङ पबित्तरो कालाउ परमेस्वरहेङ ग्रहन योग्य जेङलि ताइको जिबनहेङ सिन्हु पाङ भोगको रुपता आर्पन पाअ्सु। नेलाइ पालि गोइका सत्ये आराधाना इदोइ दोङ हि।

रोमि 5:5

आसहोइ केलाइहेङ हेलाउ बुङ निरास मापा पाखे, हाइपालिपानु परमेस्वर केलाइहेङ पिका पबित्तरो आत्मासो परमेस्वरको प्रेम केलाइको ह्रदयता भरिका हि।

रोमि 6:13

नाङको जिउको आङगगेलाइहेङ दुस्ट कामगेलाइ पालि आर्पन मापासु। भरु सिकासो जिबनता चुमाका द्‍याङगेलाइ भाइपा ताइको जिबन परमेस्वरता सुम्पिसु। कालाउ नाङको आङगगेलाइहेङ ठिक काम पालिको भाअ्सिङ परमेस्वरहेङ सुम्पिसु।

रोमि 6:19

का केलाइको दिनाङको जिबनसो नेलाइहेङ रेम्फासो बुझिपालि दोअ्तेङ उधाहरन पितेङ दोअ्दोङखा, हाइपालिपानु जेसाङ नेलाइ एखेप ताइको जिउको आङगगेलाइहेङ आसुद्द कालाउ मारेम्का काम पालिको भाअ्सिङ सुम्पिसुन्हा, एला एन्साङ दोङ ताइको जिउको आङगगेलाइहेङ पबित्तरो कालाउ धार्मिक जिबन जियाइलिको भाअ्सिङ सुम्पिसु।

रोमि 8:19

हाइपालिपानु गोताङ सिरजाइ, बार्का आसहोइ परमेस्वरको सान्तानको देखाल जेङका खाङलि ह्रुम्तेङ हि।

रोमि 9:33

जेसाङ धर्मसास्तरता लेखेका हि, “खाङसु, का यरुसेलेमता एनोङ उन्ठुइ ताअ्ताङका, जेदोङता द्‍याङगेलाइ ठुनिन्चातेङ थोबिन्हावा, कालाउ एनोङ चट्टान जाइता इम्बालाइ लोनावा, कालाउ वाकोता भोरोसा ताअ्का हासु बुङ लेदेरलि मागोइयाङ।”

1 कोरिन्थि 15:31

खान्धुराइ ओनेगेलाइ, कासेहेङ दिनाङ सेअ्ताङबे दोअ्तेङ खाताराता हिघाखा। इदोइ सत्ये हि, जेसाङ का केलाइको प्रभु येसु ख्रिस्टता नेलाइको कारन गर्ब पाखा।

1 कोरिन्थि 6:20

हाइपालिपानु नेलाइहेङ परमेस्वर दाम तिरितेङ चोल्का हि। ओदोङ भाअ्सिङ नेलाइ ताइको जिउसो परमेस्वरको महिमा पासु।

1 कोरिन्थि 7:34

इसिका द्‍याङ न्हेनोङ काथाको बिसोइता सोचिखे, कि हेसा परमेस्वरको सेवा पालि कालाउ हेसा बे हेङ खुसि बानाइलि। बिहु माजेङका बेजान जिउ कालाउ आत्माता हेसा प्रभुहेङ सुम्पियाङ कालाउ हेसा प्रभुको सेवा पालि दोअ्का बिसोइता सोचिखे। कालाउ बिहु जेङका बेजान हेसा ताइको के हेङ खुसि ताअ्लि दोअ्तेङ सुमिङको काथाता ध्यान पिखे।

2 कोरिन्थि 10:8

हाइपालिपानु केलाइहेङ प्रभुको पिका खाबाराको बिसोइता का हेन्जाङ घमन्ड पालाउ बुङ का लेदेरलि मागोयाङका, हाइपालिपानु इदोइ खाबारा नेलाइको खाङधुरिहेङ नासा पालि माको, भरु नेलाइको खाङधुरि बाढेपालि साघाइलिको भाअ्सिङ दोङ हि।

2 कोरिन्थि 3:12

ओदोङ भाअ्सिङ केलाइको इसिका आस हिनाङ केलाइ एकदम साहासि जेङका हिनाहि।

2 कोरिन्थि 4:10

केलाइ जेलाउ बुङ येसुको भाइपा सिकाको लागातार खाताराता बान्चितेङ हिनाहि, कालाउकि द्‍याङगेलाइ येसुको जिबनहेङ केलाइको पाका कामता तिङलि द्वाको।

2 कोरिन्थि 5:15

ख्रिस्ट झाराङको भाअ्सिङ सिहि, कालाउकि बान्चिका द्‍याङगेलाइ एला उसो ताइमिहेङ खुसि पालिको भाअ्सिङ बान्चिलि माको। भरु इम्बालाइ वाको भाअ्सिङ बान्चिलि गोइखे। वा इम्बालाइको भाअ्सिङ सिहि, कालाउ आरोङ परमेस्वर वासेहेङ सिन्हु पातेङ ल्होपाहि।

2 कोरिन्थि 7:14

हाइपालिपानु तितसको आगाता नेलाइको बारेता का हाइ दोङ घमन्ड पाका हिघाखा पानु, नेलाइ कासेहेङ निरास पाका मान्थु सुन्हा, भरु जेसाङ केलाइ नेलाइहेङ दोअ्का गोताङ सत्ये हिघाहि, एन्साङ दोङ तितसको आगाता केलाइको पाका घमन्ड सत्ये थोहोरिका हि।

2 कोरिन्थि 7:4

नेलाइता काङको बार्का भरोसा हि, नेलाइ ह्रुता का हेन्जा गर्ब पाखा। का नेलाइको सान्तावानाहोइ पोङघातेङ हिघा, कालाउ केलाइको गोताङ कस्टता का ओसारापाङ आनान्द हिघा।

फिलिप्पि 1:14

हेन्जा जोसो खान्धुराइ ओनेगेलाइ, का एला झ्याल्खानाता परेकाता प्रभुता साहासि जेङका हि, कालाउ परमेस्वरको बचन साहास सो प्राचार पाका जेङका हि।

फिलिप्पि 2:17

जेलाउ का नेलाइहेङ सुसमाचार प्राचार पाघा, नेलाइ प्रभु येसुता खाङधुरि पासुन्हा कालाउ ताइको जिबन वाको बलिदानको रुपता वाको सेवाता पिसुन्हा, ओदोङ भाअ्सिङ इङको कासेहेङ सुसमाचार प्राचार पाकानाङ इम्बालाइ कासेहेङ सेअ्न्हालाउ बुङ का नेलाइ झाराङ दोफा खुसि कालाउ आनान्दित जेनाङका।

कलस्सि 1:24

हाइपालिपानु का नेलाइहेङ सुसामाचारगेलाइ प्राचार पाकानाङ, एला का नेलाइको भाअ्सिङ कस्ट भोगिदोङखा, कालाउ ख्रिस्टको तर्फसो का ताइकोङ खुसिहोइ इदोइ कस्टगेलाइ भोगिदोङखा, कालाउकि वाको द्‍याङगेलाइहेङ साघाइलि द्वाको जेदोङ वाको जिउ मन्डलि दोङ हि।

1 थेस्लोनिकि 5:23

परमेस्वर जाइ सान्ति पिखे ताइमिङ दोङ नेलाइहेङ गोताङ खाल्होइ पबित्तरो बानाइयाको, कालाउ नेलाइको गोताङ आत्मा, प्रान कालाउ जिउ केलाइको प्रभु येसु ख्रिस्ट आरोङ मालोपा धाउ पुरा रुपसो दुसिका माह्यावा।

1पतरुस 4:16

कालाउ हासु बुङ ख्रिस्टतियन जेङका को कारन दुख भोगिखे पानुते वा मालेदेराको, भरु ख्रिस्टियान जेङका कारन वा परमेस्वरहेङ धन्यबाद प्याको।

१ युहन्‍ना 2:28

नेलाइ जाइ काङको आनाउ जामाललाइ भाइकाङ हिसुना, लागातार ख्रिस्टता हितेङ हिसु, कालाउकि ख्रिस्ट आरोङ लोलाउ केलाइता हिम्मत ह्याको, कालाउ वाको आगमनता वाको आगाता केलाइ लेदेरलि मागोइयाको।