फिलिप्पि 1:11 - Dhimal NT

¹¹ कालाउ जेसाङ एनोङ सिङ फल पिखे, एन्साङ दोङ नेलाइ परमेस्वरको महिमा कालाउ बाखिनको भाअ्सिङ येसु ख्रिस्टता ठिक काम पातेङ हानेसु।

धिमाल

¹¹ कालाउ इसु ख्रिस्‍टको सरबङसो नेलाइ दिनाङ परमेस्‍वरहेङ मोन्‍दाताका काम पासु। इदोङ रेम्‍का काम तिङतेङ द्‌याङगेलाइ परमेस्‍वरहेङ मान पातेङ वासेहेङ बाखिनावा।

फिलिप्पि 1:11 Iomraidhean Croise

मत्‍ति 5:16

नेलाइको फाइसालामका द्‍याङगेलाइको आगाता एसा थाअ्साइताको, कालाउ ओबालाइ नेलाइको रेम्का काम तिनाको, कालाउ स्वर्गता हिका नेलाइको परमेस्वर आबाको महिमा जेनाको।

युहन्‍ना 15:16

कासेहेङ नेलाइ मासाल्सुना, भुरु का दोङ नेलाइहेङ साल्घा, कालाउ नियुक्त पाघा, कालाउकि नेलाइ हानिसु कालाउ आसाल काम पासु, कालाउ नेलाइको आसाल काम हितेङ ह्यावा। एसापा नेलाइ आबा दोफा जेदोङ ह्रेस्वाना वा नेलाइहेङ इङको प्यावा। हाइपालिपानु नेलाइ काङको चात्या हिसुना।

युहन्‍ना 15:2

गोताङ डालेङ जाइ काङको दोफा तेअ्का हिखे कालाउ फल मासेपाखे पानु इङकोहेङ वा पाल्पिखे। कालाउ जाइ फल पिखे इङकोहेङ वा धाइखे कालाउकि आरोङ हेन्जा फल सेपाको दोअ्तेङ।

युहन्‍ना 15:8

जेसापा नेलाइ हेन्जा आसल काम पासुना पानु इङको काथाहोइ काङको आबाहेङ महिमा पाखे कालाउ नेलाइ काङको चात्या जेङस्वाना।

रोमि 15:28

ओदोङ भाअ्सिङ लाम्फा यरुसेलेम सहर हानितेङ ओबालाइको भाअ्सिङ ल्होपाका भेति ओबालाइहेङ बुझाइ प्याङका। कालाउ न्हुसो का नेलाइहेङ रोमता भेतितेङ स्पेन सारभि हानाङका।

रोमि 6:22

कालाउ एला नेलाइ पापसो मुक्त जेङतेङ परमेस्वरको बान्धाइति जेङका हिसुन्हा। कालाउ नेलाइ इङको काथा पासुखेना जाइ पबित्तरोता थोङखे, कालाउ इङको को आन्त चाहि आनान्त जिबन दोङ हि।

1 कोरिन्थि 10:31

ओदोङ भाअ्सिङ जोबाफ चाहि इदोइ दोङ कि, नेलाइ चासु माकुनु आम्सु, कालाउ जेदोङ पासु, इदोइ गोताङ परमेस्वरको महिमाको भाअ्सिङ पासु।

2 कोरिन्थि 9:10

परमेस्वर जेलाउ बुङ किसानहेङ बिलिको भाअ्सिङ चालाइ कालाउ चालिको भाअ्सिङ उम प्याङ, इसिकाङ परमेस्वर नेलाइ दोफा जेलाउ बुङ नुगामारि ताका जुताइप्याङ, ओदोङ भाअ्सिङ नेलाइको उद्दार मनहोइ खाचोता परिकालाइहेङ हेन्जाङ खान्तेङ हेन्जाङ साघाइलि दोसु।

एफिसि 1:12

परमेस्वर एसा पाहि, कालाउकि केलाइ यहुदिगेलाइ जाइ ख्रिस्टता लाम्फासोङ आस ताअ्का हिनाहि, केलाइ परमेस्वरको बाखिन कालाउ महिमा पाइने।

एफिसि 1:14

हाइपालिपानु परमेस्वर केलाइहेङ पबित्तरो आत्मा पिलि दोका हि पानु, पाक्का दोङ वा केलाइहेङ प्रतिग्या पाका आरु रेम्का आमेनेगेलाइ बुङ प्याङ। कालाउ या जेनावा जेलाउ परमेस्वर केलाइहेङ वाकोङ द्‍याङगेलाइको रुपता पुर्न रितहोइ लाअ्पावा। कालाउकि केलाइ परमेस्वरको बाखिन कालाउ महिमा पाइने।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

एफिसि 5:9

हाइपालिपानु फाइसालामकाता जियाइका द्‍याङगेलाइ आसल, धर्मि कालाउ भोरोसा योग्य हिखे।

फिलिप्पि 4:17

का नेलाइसो भेति भोका माको, कालाउ चाहिखा कि नेलाइको पाका कामको इनाम निङलि दोसु।

कलस्सि 1:10

केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

कलस्सि 1:6

इङको सुसमाचार नेलाइकोता लोका हि कालाउ गोताङ सुमिङता फाइलाइका हि कालाउ हेन्जा द्‍याङगेलाइ खान्धुराइ जेङका हि, कालाउ इम्बालाइको जिबन बद्लिका हि। जेसाङ इदोइहोइ नेलाइको जिबन बदलिहि, जेलाउ नेलाइ लाङ पोल्ति नेलाइ सन्‍देस हिङका हिघासुन्हा। कालाउ इदोइ सत्ये बुझेका हिसुन्हा, कि परमेस्वर ताइको आनुग्रह पाहासो ख्रिस्टता खाङधुरि पाकालाइको पाप स्यामा पापिखे।

2 थेस्लोनिकि 1:12

केलाइ प्रार्थाना पानाखे, कालाउकि द्‍याङगेलाइ नेलाइको कारन केलाइको प्रभु येसुको मिङको बाखानाइ पाको कालाउ नेलाइ साम्मान निङस्वाना, हाइपालिपानु नेलाइ वाको दोङ हिसुन्हा। इसिका जेनाङ हाइपालिपानु नेलाइ आबा परमेस्वर कालाउ प्रभु येसु ख्रिस्टसो हेन्जाङ आनुग्रहकारि हि।

तितस 3:14

इङको खिनिङ माको, कालाउ खान्धुराइगेलाइहेङ रेम्का काम पातेङ हि दोअ्तेङ धिरपा, कालाउकि इम्बालाइ खाचोता परिका द्‍याङगेलाइहेङ साघाइलि द्वाको, कालाउ इदोइ कामसो खान्धुराइगेलाइ जिबनको उदेस्य हाइ दोअ्तेङ गिलि द्वाको।

हिब्रु 12:11

कालाउ केलाइहेङ आनुसासनता ताअ्का मन मापरिखे, भरु दुख पिका भाइका लागिखे, कालाउ ओदोङ कस्टगेलाइसो धिरलि दोतेङ न्हुसो इम्बालाइ सान्ति कालाउ धार्मिकता दोअ्का फल निनावा।

1पतरुस 2:12

परमेस्वरता खाङधुरि मापाका द्‍याङगेलाइ नेलाइको द्‍यापाहाङ हिखे कालाउ नेलाइ गलत पातेङ हिसुना दोअ्लि द्वावा। इसिका रेम्का जिबन बितिपासु कि इम्बालाइ नेलाइहेङ पाका आसल कामगेलाइ तिनावा कालाउ ख्रिस्ट घुरितेङ लोका दिना परमेस्वरहेङ महिमा प्यावा।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।

1पतरुस 4:14

जेसापा ख्रिस्टको मिङता नेलाइ निन्दित जेङसुन्हा पानु नेलाइ धन्यको हिसुना। हाइपालिपानु महिमित परमेस्वरको आत्मा नेलाइ दोफा बासा हिका हि।