मर्कुस 7:3 - Dhimal NT

³ हाइपालिपानु गोताङ यहुदिगेलाइ मध्ये बिसेस पातेङ फारिसिगेलाइ इम्बालाइको पुर्खागेलाइको पिका मुन्धुम आन्सार खुर माझासिङ उम माचाघाहि।

धिमाल

³ हाइपानु फरिसिगेलाइ रो झाराङ यहुदिगेलाइ खालसोङ चलितेङलोका चलन मानितेङ एम्‍बालाइ खुर माझासिङ उम माचाखे।

मर्कुस 7:3 Iomraidhean Croise

मर्कुस 7:13

कालाउ नेलाइ परमेस्वरको व्यवस्था उलङगन पासुखेना जेदोङ परमेस्वरको बचन नेलाइहेङ पिका हि, कालाउकि नाअ् मुन्धुमगेलाइ केम्लि दोअ्सु जेदोङ नेलाइको हारागुटियागेलाइ नेलाइहेङ सुम्पिका हि। कालाउ इसिकाङ मारेम्का कामगेलाइ पासुखेना।

मर्कुस 7:5

ओदोङ भाअ्सिङ फारिसिगेलाइ कालाउ व्यवस्था धिरपाका द्‍याङगेलाइ येसुहेङ हिअ्हि, “नाङको चात्यागेलाइ पुर्खासो लोका मुन्धुम हाइ पालि माकेम्खे! इम्बालाइ उचित तरिकासो ताइको खुर माझासिङ तोले चाखे!”

लुका 11:38

कालाउ उम चाअ्लि खान्तेङ लाम्फा येसु खुर माझाहि कालाउ इङको तिङतेङ फारिसिगेलाइ भारभुसाइहि।

युहन्‍ना 2:6

कालाउ यहुदि द्‍याङगेलाइको धार्मिक मुन्धुम आन्सार खुर झाका चलन हिघाहि। एन्सा पालिको भाअ्सिङ इन्ता एसाइ लिटर चि सुका उन्ठुइको घ्याम्पागेलाइ तुलोङ ताअ्का हिघाहि।

गलाति 1:14

का यहुदि धर्मता खाङधुरि पाका काङको उमेरको हेन्जा यहुदिगेलाइ मध्येसो हेन्जा काम पाका हिघाखा। कालाउ का केलाइको पुर्खागेलाइको सिक्स्या धिरलि कालाउ पालि केम्लि इम्बालाइ खान्तेङ आगाल धाअ्का हिघाखा।

कलस्सि 2:8

नेलाइ चङको जेङतेङ हिसु, माकुनुते द्‍याङगेलाइको ब्यर्थको ग्यान कालाउ बिबेकहोइ नेलाइहेङ माधाताइयाको, इन्सिका बिचारगेलाइ द्‍याङको मुन्धुम कालाउ सुमिङको सिद्धान्‍तगेलाइसो लोखे कालाउ ख्रिस्टसो माको।

1पतरुस 1:18

नेलाइहेङ थाहा दोङ हि हानिका दिनागेलाइता नेलाइ ब्यर्थ तरिकाहोइ ताइको पुर्खागेलाइ कोनिङ जिबन बितिपातेङ हिघासुखेना, जेदोङ तरिकाहोइ नेलाइको पुर्खागेलाइ जिबन जियाइ घाखे। कालाउ नेलाइ इन्सिका बेक्कारको जिबनसो बान्चिपाका हिसुना। नेलाइ सोना माकुनु चान्दि भाइपा नासाका आमेनेसो चोल्न्हाका माको।