मर्कुस 3:3 - Dhimal NT

³ येसु खुर सेङका द्‍याङहेङ दोअ्हि, “झाराङको आगाता जाअ्।”

धिमाल

³ इसु खुर सेङका द्‍याङहेङ दोअ्‌हि, “इता लोउ रो झाराङको आगाता जाअ्।”

मर्कुस 3:3 Iomraidhean Croise

मत्‍ति 12:10

इन्ता एमि खुर सेङका द्‍याङ हिघाखे। इम्बालाइ येसुहेङ दुसिलि दाउ भोघाहि, ओदोङ भाअ्सिङ वासेहेङ हिअ्हि, “हाइ परमेस्वरको पबित्तरो दिनाता हासुहेङ बुङ एल्पालि ठिक हि?”

मर्कुस 3:2

परमेस्वरको पबित्तरो दिनाता उङको द्‍याङहेङ एल्पाङबे दोअ्तेङ वासेहेङ दुसिलिको भाअ्सिङ द्‍याङगेलाइ दाउ भोतेङ हिघाहि।

मर्कुस 3:4

जेलाउ येसु दोङ इम्बालाइहेङ दोअ्हि, हिदोइ चाहि हि, परमेस्वरको पबित्तरो दिनाता रेम्फा पालि रेम्का नाअ् मारेम्का हि? हासुको बुङ प्रान बान्चिपालि, कि नाअ् सेअ्लि, हिदोइ चाहि रेम्का हि? कालाउ इम्बालाइ नुइ माधुइसिङ सिकापा हि।

लुका 6:8

येसु इम्बालाइ हाइ बिचार पाखे दोअ्तेङ बुझिहि कालाउ वा उङको सेङका खुर हिका द्‍याङहेङ दोअ्हि, ल्हो, कालाउ इदोइ द्‍याङगेलाइको आगाता जाअ्। ओदोङ भाअ्सिङ उङको द्‍याङ हाकाधुकु ल्होहि कालाउ इन्ता जाअ्हि।

युहन्‍ना 9:4

जाइ कासेहेङ दिङगिल्हि, वाको कामगेलाइ केलाइ धेमाङ दोङ पालि गोइखे। इङको बेला लोलि तोम्का हि इङको बेलाकाता हासु बुङ काम पालि मादोअ्खे।

1 कोरिन्थि 15:58

ओदोङ भाअ्सिङ काङको आनाउ खान्धुराइ ओनेगेलाइ, ताइको खाङधुरिता बल्लियाका जेङसु कालाउ धाताइका सिक्स्यागेलाइता मालाइसु। कालाउ प्रभुको कामता जेलाउ बुङ लागितेङ हिसु। हाइपालिपानु नेलाइ गिसुखेना कि प्रभुता नेलाइको परिस्रोम ब्यर्थ माजेनाङ।

गलाति 6:9

केलाइ रेम्का काम पालि निरास माजेनाइने, हाइपालिपानु जेसापा केलाइ हिम्मत माहारेहे पानु, परमेस्वरको ताइको सोमोइता केलाइ इनाम निनाङ।

फिलिप्पि 1:14

हेन्जा जोसो खान्धुराइ ओनेगेलाइ, का एला झ्याल्खानाता परेकाता प्रभुता साहासि जेङका हि, कालाउ परमेस्वरको बचन साहास सो प्राचार पाका जेङका हि।

1पतरुस 4:1

ओदोङ भाअ्सिङ ख्रिस्ट इदोइ प्रिथिबिता हिलाउ दुख भोगिहि, कालाउ नेलाइ बुङ वा भाइपा बिचार ताअ्तेङ दुख भोगिलि तियार हिलि गोइखे। हाइपालिपानु जेसापा नेलाइ ख्रिस्टको भाअ्सिङ दुख भोगिलि इच्छा पासुखेना पानु, नेलाइ पाप पालि लाअ्लि निर्नय पाका हिसुना।