लुका 9:1 - Dhimal NT

¹ कालाउ येसु वाको तेन्हे झना चात्यागेलाइहेङ ए दोफाङ काइहि, वा मासाधेकालाइहेङ एल्पालि कालाउ गोताङ भुत-आत्मा धेल्काहेङ लाअ्पालि सरबुङ कालाउ खाबारा इम्बालाइहेङ पिहि।

धिमाल

¹ इसु तेन्‍हे चात्‍यागेलाइहेङ काइहि। एम्‍बालाइहेङ मासान ओल्‍हेपालि रो रोगाइकालाइहेङ एल्‍पाका सरबङ रो खाबरा पिहि।

लुका 9:1 Iomraidhean Croise

मत्‍ति 16:19

का परमेस्वरको सासनको ताल्चा नेलाइहेङ प्याङका जेलाउ नेलाइ इदोइ प्रिथिबिता न्यायको भाअ्सिङ जिङस्वाना कालाउ इङको न्याय स्वर्गता परमेस्वरको न्याय जेनावा। जेलाउ नाअ् इङको प्रिथिबिता हासुहेङ बुङ माफ प्याना कालाउ इङको माफ परमेस्वरको माफ जेनावा।

मत्‍ति 4:24

कालाउ सिरिया प्रदेसको गालिल जिल्लाको माहे भारि हिघाहि, जेता येसुको बारेता चार-चाराइहि। कालाउ द्‍याङगेलाइ गोताङ खाल्को मिसा लोकालाइहेङ कालाउ दुखता परिकालाइहेङ वाकोता चुमाहि। इम्बालाइ मध्ये आधिमिहेङ भुत-आत्मा धेल्का हिघाहि, आधिमि झाका लोङका बेथा खोअ्का हिघाहि कालाउ आधिमि चाहि गाइल्हि खोअ्का हिघाहि। कालाउ येसु दोङ झाराङहेङ एल्पाहि।

मत्‍ति 8:9

इदोइ का गिखा, कि हाइपालिपानु का बुङ बारका आधिकारिगेलाइको खाबाराता हिघा। कालाउ काङको खाबाराता सेना हि। का एमिहेङ हाने दोअ्खा कालाउ वा हानिखे, कालाउ भेनेङहेङ लौउ दोनु कालाउ वा लोखे। काङको चाकारियाहेङ एसा पाअ्‌ दोअ्खा कालाउ वा पाखे।

लुका 10:1

कालाउ न्हुसो प्रभु येसु सुम कुरि ते झना आरु चात्यागेलाइहेङ छाल्हि, कालाउ वा इम्बालाइहेङ न्हेमि न्हेमिपा पातेङ ताइमि जेदोङ सहर कालाउ देरा भारि हानिलि खाङघाखे इन्ताङ दिङगिल्हि।

लुका 10:19

खाङसु, का नेलाइहेङ पुय्याँगेलाइ कालाउ चिम्ताङगेलाइ याङलि खाबारा पिका हिघा। का नेलाइहेङ सतुरुगेलाइको (साइतान) गोताङ सरबुङ ह्रुता खाबारा पिका हिघा, कालाउ हासु बुङ नेलाइहेङ हान्ति पालि माद्वावा।

युहन्‍ना 14:12

जातिङ भारि का नेलाइहेङ दोअ्खा, जाइ कासेहेङ खाङधुरि पाखे, वा काङको पाका काम बुङ पावा, कालाउ इङको खान्तेङ बार्का काम पावा, हाइपालिपानु का आबाकोता हानितेङ हिघा।

साल्न्हाका चात्या 1:8

जेलाउ पबित्तरो आत्मा नाअ् ह्रुता ल्वावा कालाउ नेलाइ सरबुङ निङस्वाना, कालाउ नेलाइ यरुसेलेम सहरता, सारा यहुदिया जिल्लाता, सामारिया जिल्लाता कालाउ सुमिङको गोताङ थामेगेलाइता द्‍याङगेलाइहेङ काङको बारेता दोअ्स्वाना।”

साल्न्हाका चात्या 3:16

इदोइ द्‍याङ जाइहेङ नेलाइ नाल्सुखेना, कालाउ एला नेलाइ तिङसुखेना, वा येसु ख्रिस्टको मिङता खाङधुरि पाकानाङ बल्लियाका जेङका हि कालाउ येसुको मिङता एल्का हि, कालाउ जाइहेङ नेलाइ ताइमिङ तिङसुखेना।

साल्न्हाका चात्या 4:30

कालाउ एल्पालि नाङको ताइको खुर फेन्हापा, कालाउ ताइको परमेस्वरको सेवक येसुको मिङ पाहा चिन्ह कालाउ भारभुसाइका कामगेलाइ जेनाको।”

साल्न्हाका चात्या 9:34

पतरुस वासेहेङ दोअ्हि, “ओइ एनियास, येसु ख्रिस्ट नासेहेङ एल्पालि द्वाङ, ल्हो कालाउ नाङको सिधाउ तोअ्।” कालाउ एनियास एन्सालाउ दोङ हाका-धुकु ल्होहि।