लुका 8:8 - Dhimal NT

⁸ कालाउ आधे चालाइगेलाइ रेम्का भोनोइता बिन्हाहि, इङको चालाइगेलाइ लादाइलादाइपा योलि तेङहि, कालाउ आधे चालाइ साइ गुना, आधे चालाइ तुते गुना, आधे चालाइ सुम्ते गुना सेहि वा निङपिलि दोअ्तेङ वा बार्का गालाहोइ दोअ्हि, “जाइ काङको या काथा हिङदोङखे, वा इङको काथाहेङ ध्यान पितेङ हिनाको।”

धिमाल

⁸ आधे चालाइ रेम्‍का भोनोता परितेङ लादालादापा जेङतेङ बाराहि कालाउ एलोङ एलोङ चालाइसो साइ साइ गुना जेङतेङ सेहि।” इङको दोअ्‌लि दोअ्‌तेङ इसु एम्‍बालाइहेङ दोअ्‌हि, “जाइको हिङका न्‍हातोङ हि, वा रेम्‍फा हिनाको!”

लुका 8:8 Iomraidhean Croise

मत्‍ति 11:15

जाइ काङको या काथा हिङदोङखे, वा इङको काथाहेङ ध्यान पितेङ हिनाको।

मत्‍ति 13:23

कालाउ आधिमि द्‍याङगेलाइ रेम्का मिलिङ भाइका हि, जेता चालाइ बिन्हाका हि। वा परमेस्वरको बचन हिङतेङ ग्रहन पाखे। कालाउ आधिमि द्‍याङगेलाइ साइ गुना, आधिमि द्‍याङगेलाइ तुते गुना कालाउ आधिमि द्‍याङगेलाइ सुमते गुना पातेङ सेपाखे।

मर्कुस 4:20

आधिमि द्‍याङगेलाइ रेम्का मिलिङ भाइका हि, जेता चालाइ बिन्हाका हि, जाइ इसिका द्‍याङ हि ओबालाइ परमेस्वरको बचन हिङतेङ ग्रहन पाखे कालाउ इन्सिका द्‍याङ परमेस्वरको बचनता आगा बारालि दोखे। आधिमि द्‍याङगेलाइ साइ गुना, आधिमि द्‍याङगेलाइ तुते गुना, कालाउ आधिमि द्‍याङगेलाइ सुम्ते गुना फल सेपाखे।

मर्कुस 4:23

“जाइ काङको या काथा हिङदोङखे, वा इङको काथाहेङ ध्यान पितेङ हिनाको।”

मर्कुस 4:8

कालाउ आतुइसा चालाइ रेम्का भोनोइता बिन्हाहि, कालाउ इङको योकाताङ बाराकाताङ झाङगिहि, आधे चालाइ साइ गुना, आधे चालाइ तुते गुना कालाउ आधे चालाइ सुम्ते गुना सेहि।

मर्कुस 7:16

जाइ काङको या काथा हिङदोङखे, वा इङको काथाहेङ ध्यान पितेङ हिनाको।”

लुका 14:35

इङको ना ते मिलिङहेङ मलको भाअ्सिङ काम लागिखे। द्‍याङगेलाइ इङकोहेङ एन्साङ बाहार थाइगिल्खे। जाइ काङको या काथा हिङदोङखे, वा इङको काथाहेङ ध्यान पितेङ हिनाको।

लुका 8:15

कालाउ आधिमि द्‍याङगेलाइ रेम्का मिलिङ भाइका हि, जाइ परमेस्वरको बचन रेम्फा कालाउ मन लागाइतेङ हिङखे। कालाउ इम्बालाइ परमेस्वरको बचन पालाना पाखे। कालाउ ह्रुम्तेङ सोमोइताङ रेम्का फल सेपाखे।

लुका 8:7

आधे चालाइ चुइगेलाइको भारि थालन्हाहि, चुइगेलाइ बारानाङ इङको आतुइका चालाइगेलाइहेङ बारालि मापिहि, कालाउ इङको चालाइ एरिन्हाहि, कालाउ मुहि।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

कलस्सि 1:10

केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

प्रकास 13:9

जाइ काङको या काथा हिङदोङखे, वा इङको काथाहेङ ध्यान पितेङ हिनाको।

प्रकास 2:11

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। जाइ दुस्टको सरबुङहेङ हारिपाखे, वा दन्ड मानिनाङ, जेदोङ चाहि न्हेतेङ सिका हि।

प्रकास 2:7

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। दुस्टको सरबुङहेङ हारिपाका द्‍याङगेलाइहेङ का इङको सिङसो फल चाअ्का आनुमति प्याङका, जेदोङ सिङ जिबन पिखे, जेदोङ परमेस्वरको स्वर्गको बागाइचाता हि।

प्रकास 3:13

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे।

प्रकास 3:6

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे।