लुका 8:10 - Dhimal NT

¹⁰ येसु इम्बालाइहेङ दोअ्हि, परमेस्वरको सासनको रहस्य इम्बालाइहेङ पिका हि, जाइ परमेस्वरको सासनको बाहार हिकालाइहेङ निङपिका पाहासो गोताङ काथा दोअ्खा, कालाउकि इम्बालाइ खाङनुते खानाको कालाउ मातिनाको, कालाउ हिङनुते हिनाको कालाउ बुङ माबुझियाको।

धिमाल

¹⁰ इसु एम्‍बालाइहेङ दोअ्‌हि, “नेलाइहेङ सादेलको सारभिको लिअ्‌ताको काथा गेलि पिकाहि। कालाउ बो द्‍याङगेलाइ दोफा का काथागेलाइता खिनिङ दोअ्‌खा। एम्‍बालाइ खाङनुते खाङखे कालाउ मातिङखे। हिङनुते हिङखे कालाउ मागेखे।”

लुका 8:10 Iomraidhean Croise

मत्‍ति 11:25

एन्सालाउ दोङ येसु दोअ्हि, हे परमेस्वर आबा स्वर्ग कालाउ प्रिथिबिको प्रभु, का नासेहेङ धन्यबाद पिखा, हाइपालिपानु बुद्दिमान कालाउ बाठा द्‍याङगेलाइसो म्होनातेङ ताअ्का काथा साधारन द्‍याङगेलाइहेङ बुझाइ पिका हिना।

मत्‍ति 16:17

येसु दोअ्हि नाअ् धन्यको हिना, ओइ योनाको चान सिमोन। हिदोइ बुङ द्‍याङ नासेहेङ इदोइ धिरपाका माको। स्वर्गता हिका काङको परमेस्वर आबा नासेहेङ तिङपा पिका हि।

मर्कुस 4:11

येसु इम्बालाइहेङ दोअ्हि, “नासेहेङ परमेस्वरको सासनको रहस्य पिका हि, जाइ परमेस्वरको सासनको बाहार हिकालाइहेङ निङपिका पाहासो गोताङ काथा दोअ्पिहि।”

मर्कुस 4:12

जेसाङ परमेस्वरको धर्मसास्तरता लेखेका हि, “जेदोङ का पाखा इम्बालाइ खाङनुते खाङखे मातिङखे, जेदोङ का दोअ्खा हिङनुते हिङसुखेना कालाउ मागिसुखेना। माकुनुते इम्बालाइ पाप पालि लाअ्धावा, कालाउ परमेस्वर इम्बालाइको पाप स्यामा पापिधावा।”

युहन्‍ना 12:40

परमेस्वर ओबालाइको मिसियाँ कान्हाँ बानाइपापिका हि कि, कालाउकि ओबालाइ तिङलि माद्वाको, कालाउ ओबालाइको मन राङका पापिका हि, कालाउकि माबुझ्याको, माकुनुते ओबालाइ काङकोता घुरिधावा कालाउ का ओबालाइहेङ एल्पाधाङका।

रोमि 16:25

एला वासेहेङ, जाइ नेलाइहेङ का हिङपाका सुसमाचार येसु ख्रिस्टको बिसोइता नेलाइहेङ खाङधुरिता बल्लियाका बानाइखे, इङको रहस्यको थाअ्साइका जेदोङ जुगौजुगसोङ म्होनाका हिघाहि।

1 कोरिन्थि 12:11

कालाउ इदोइ गोताङ बरदानगेलाइ एमि पबित्तरो आत्माको कामगेलाइ दोङ हि। वा झाराङहेङ वाको इच्छा आन्सारको बरदानगेलाइ पिखे।

कलस्सि 2:2

का थाङका परिस्रोम पाखा हाइपालिपानु का इम्बालाइहेङ खाङधुरिता बल्लियाका बानाइलि भोखा, कालाउ इम्बालाइ ता-ताइमिको प्रेमहोइ इम्बालाइता एकता ता चुमावा। का चाहिखा कि इम्बालाइता पुर्न समझ ह्याको कालाउ परमेस्वरको रहस्यमय योजानाको पुरा जानकारि ह्याको, जाइ ख्रिस्ट ताइमिङ दोङ हि।

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।