लुका 8:1 - Dhimal NT

¹ आले दिना न्हुसो, येसु परमेस्वरको सासनको बारेता प्राचार पाकाताङ, देरागेलाइ कालाउ सहरगेलाइ घुराइकाताङ हानिहि। तेन्हे चात्यागेलाइ बुङ वाको दोफाङ हिघाहि।

धिमाल

¹ इङकोन्‍हुअ्‌सो इसु परमेस्‍वरको सारभिको रेम्‍काबानाल हिम्‍पाकाताङ पुर पुरता रो देरा देराता हानेहि। वाको दोफा तेन्‍हे चात्‍यागेलाइबुङ हिघाखे।

लुका 8:1 Iomraidhean Croise

मत्‍ति 11:1

जेलाउ येसु ताइको तेन्हे चात्यागेलाइहेङ आदेस पिहि, येसु इन्तासो गालिल जिल्लाको देरागेलाइता द्‍याङगेलाइहेङ सिक्स्या पिलि कालाउ सुसमाचार पालि हानिहि।

मत्‍ति 13:19

जेलाउ हासु बुङ परमेस्वरको सासनको सुसमाचार हिनावा, कालाउ बुङ माबुझियावा, कालाउ साइतान लावा, कालाउ वाको मनता जेदोङ बिन्हाकासो घिङतेङ चुम्पावा। दामा भारि बिन्हाका चालाइ चाहि इङको दोङ हि।

मत्‍ति 4:23

येसु गालिल जिल्लाको गोताङ थामे भारि घुराइगिल्हि, कालाउ थामे-थामेता हिका यहुदिगेलाइको चाउघारा साअ्गेलाइता परमेस्वरको सासन लोलि तोम्होइ दोअ्तेङ सुसमाचार हिङपाहि कालाउ गोताङ खाल्को मासाधेका मिसा लोकालाइहेङ एल्पाहि।

मत्‍ति 9:35

येसु कालाउ वाको चात्यागेलाइ गालिल जिल्लाको हेन्जा जोसो सहर, देरागेलाइको कालाउ यहुदिगेलाइको चाउघारा साअ्गेलाइता सुसमाचार पाकाताङ कालाउ परमेस्वरको सासनको सिक्स्या पिकाताङ, येसु द्‍याङगेलाइको गोताङ खाल्को मासाधेका मिसा लोकालाइहेङ एल्पाहि।

मर्कुस 1:39

जेलाउ येसु कालाउ वाको चात्यागेलाइ गालिल जिल्लाको हेन्जा जोसो थामेगेलाइता, यहुदिगेलाइको चाउघारा साअ्ता सुसमाचार पाकाताङ भुत-आत्मागेलाइहेङ ओल्लेपापितेङ हिगिल्हि।

लुका 1:80

कालाउ एसाङ दोङ उङको जामाल युहान्‍ना बाराकाताङ हानिहि कालाउ आत्माता बलियाकाताङ हानिहि। जेलाउ थेकापा इस्राएल सारभिको द्‍याङगेलाइहेङ प्रचार पालि माअ्लोहि, ओदोङ बेला थेकापा युहान्‍ना चाका-मान्दा थामेता हितेङदोङ हि।

लुका 20:1

एनि मुन्दिरता येसु द्‍याङगेलाइहेङ सिक्स्या पिकाताङ हिघाहि, वा परमेस्वरको सासनको बिसोइता प्राचार पादोङघाहि। मुलि पुजारिगेलाइ कालाउ व्यवस्था धिरपाका द्‍याङगेलाइ कालाउ आरु यहुदि आगुवागेलाइ लोहि।

लुका 4:18

प्रभुको आत्मा काङको ह्रुता हि, हाइपालिपानु गरिबगेलाइहेङ प्राचार पालिको भाअ्सिङ कासेहेङ आबिसेक पाका हि। कैदिगेलाइहेङ लाअ्पालिको भाअ्सिङ, कालाउ कान्हाँगेलाइहेङ तिङपालि दोपालि, हेन्जाङ आत्याचारता परिकालाइहेङ लाअ्पालिको भाअ्सिङ,

लुका 9:6

ओदोङ भाअ्सिङ चात्यागेलाइ सुसमाचार हिङपाकाताङ कालाउ मासाधेका द्‍याङगेलाइहेङ एल्पाकाताङ देरा-देरा हानिहि।

साल्न्हाका चात्या 10:38

कि नासरत देराको येसुहेङ परमेस्वर पबित्तरो आत्मा कालाउ सरबुङ आबिसेक पाहि। कालाउ वा आसल काम पाकाताङ कालाउ भुत-आत्मा खोका द्‍याङगेलाइहेङ एल्पाकाताङ गोताङ थामेगेलाइता हानिहि, हाइपालिपानु परमेस्वर वाको दोफा हिघाहि।

साल्न्हाका चात्या 13:32

परमेस्वर पुर्खागेलाइहेङ पाका इङको बाचाको प्राचार केलाइ नेलाइकोता दोअ्लि लोका हिनाहि।

रोमि 10:15

कालाउ हासु बुङ हानितेङ इम्बालाइहेङ दोअ्लि खान्तेङ लाम्फा, उङको द्‍याङहेङ दिङगिल्लि गोइखे। जेसाङ धर्मसास्तरता लेखेका हि, “सुसमाचार प्राचार पाका द्‍याङगेलाइको खोकोइ हेथे सोबाइका हि!”