लुका 5:1 - Dhimal NT

¹ येसु एनि गेनेसरेत समुन्द्रको (या गालिल समुन्द्र भेनेङ मिङ) काम्भेता जाअ्तेङ हिघाहि, वाको द्‍यापाहाङ द्‍याङगेलाइ चेसुमेसुपा जोमदोङघाखे, इम्बालाइ परमेस्वरको बचन हिङलि खाङघाखे।

धिमाल

¹ एनि इसु गनेसरेत दोअ्‌का चावान्‍दिको काम्‍बेता जाअ्‌तेङ हिघाहि। हेङसाङ द्‌याङगेलाइ परमेस्‍वरको कथन हिङलि गुल्‍सुमुल्‍सुपा लोहि।

लुका 5:1 Iomraidhean Croise

मत्‍ति 11:12

कालाउ बप्तिस्ता पिका युहान्‍ना सुसमाचार पाका सोमोइसोङ एला थेकापा परमेस्वरको सासन दिनाङ-दिनाङ जोडहोइ बाढेका हि, कालाउ बिरोध पाकालाइ चाहि हान्ति पालि भोखे।

मत्‍ति 14:34

कालाउ ओबालाइ काम्भेता पारालि दोअ्तेङ गनेसरेतको मुलुकता थुकाहि।

मर्कुस 3:9

येसु ताइको चात्यागेलाइहेङ दोअ्हि, “कासेहेङ योम्लिको भाअ्सिङ एनोङ नाउ चुमातेङ लौउ कालाउकि द्‍याङगेलाइको जेर कासेहेङ मायानाको।”

मर्कुस 4:1

येसु आरोङ गालिल समुन्द्रको काम्भेता सुसमाचार पालि तेङहि। इन्ता वथे बारका जेर जोम्का हिघाहि, येसु इन्ता हिका नाउता धोल्हि, कालाउ जेरगेलाइ समुन्द्रको काम्भेता योम्हि।

मर्कुस 5:24

कालाउ येसु याइरस दोफा हानिहि। एनोङ बार्का जेर वाको न्हु-न्हु लोहि, कालाउ द्‍याङगेलाइ वाको कोर्पाहाङसो चेसुमेसुपा जाअ्तेङ हिघाहि।

मर्कुस 6:53

जेलाउ येसु कालाउ वाको चात्यागेलाइ एनोङ नाउ पाहासो गालिल समुन्द्रको आगा हानिहि, कालाउ इम्बालाइ गनेसरेतको मुलुकता थुकाहि। कालाउ इम्बालाइ नाउ काम्भेता ताअ्हि।

लुका 12:1

हाजार दोङ हाजार द्‍याङगेलाइ ए दोफाङ जोम्घाहि, इम्बालाइ ओसारा हेन्जा हिघाहि कि इम्बालाइ एमिसो भेनेङहेङ याङघाखे। द्‍याङगेलाइहेङ सेउपालि खान्तेङ लाम्फा येसु वाको चात्यागेलाइहेङ दोअ्हि, नेलाइ फारिसिगेलाइको साउरिसो थिसु। काङको दोअ्लि खाङका माने इम्बालाइको कपटिसो चङख जेङजेङ हिसु।

लुका 5:2

येसु समुन्द्रको काम्भे भेरपा न्हेनोङ नाउ तिङहि हाया माङकालाइ नाउसो ओल्लेतेङ इम्बालाइको हाया माङका जालेगेलाइ झाघाखे।

लुका 8:22

एनि येसु वाको चात्यागेलाइहेङ दोअ्हि, “लोसु का दोफा गालिल समुन्द्रको ओदोइ पार हानाइने। कालाउ इम्बालाइ नाउता धोल्तेङ हानिलि तेङहि।

लुका 8:23

जेलाउ इम्बालाइ नाउता हानिकाताङ पालाउ येसु जिम्हि, समुन्द्रता बार्का दुर भेर्मा लोहि कालाउ इम्बालाइको नाउ चिहोइ पोङघालि तेङहि, कालाउ इम्बालाइ दुबिलि तोम्हि।”

लुका 8:33

कालाउ भुत-आत्मागेलाइ उङको द्‍याङसो ओल्लेतेङ पायागेलाइकोता दुल्हि, कालाउ पायागेलाइ तिकार कालाउ समुन्द्रको काम्भे भारिसो धाअ्सितेङ समुन्द्रता वाङतेङ सिहि।

लुका 8:45

कालाउ येसु दोअ्हि, कासेहेङ हासु साइहि? झाराङ दोअ्हि कि इम्बालाइ हासु बुङ नासेहेङ साइका मान्थु, पतरुस दोअ्हि, गुरु ज्यु, द्‍याङगेलाइ कोरपाङ हि, कालाउ इम्बालाइ नासेहेङ धाकालाइतेङ हि।

युहन्‍ना 1:40

युहान्नाको दोअ्का काथा हिङतेङ, कालाउ येसुहेङ पिताइका उङको न्हेमिता एमि सिमोन पतरुसको ओने आन्द्रियास हिघाहि।

युहन्‍ना 6:1

इदोइ काथा न्हुसो येसु गालिल समुन्द्रको ओदोइ पार हानिहि, जाइहेङ तिबेरियासको समुन्द्र बुङ दोअ्खे।

हिब्रु 13:7

ताइको आगुवागेलाइको फोम ताअ्सु, जाइ परमेस्वरको बचन नेलाइहेङ हिङपाहि, हेसा इम्बालाइ ताइको जिबन जियाइहि कालाउ सिका थेकापाङ खाङधुरि योग्य हितेङ हि, एन्साङ दोङ केलाइ बुङ इम्बालाइ भाइपाङ परमेस्वरता खाङधुरि पाइने।