लुका 4:4 - Dhimal NT

⁴ येसु साइतानहेङ जोबाफ पिहि, धर्मसास्तरता इसिका लेखेका हि, तोले चाअ्तेङ खिनिङ द्‍याङ सिन्हुतेङ माहिखे।

धिमाल

⁴ इसु वासेहेङ दोअ्‌हि, “परमेस्‍वरको कथनता इसिका लेखेका हि, द्‍याङ चाकाआनेमानेसो खिनिङ माबान्‍चिखे।”

लुका 4:4 Iomraidhean Croise

मत्‍ति 4:4

कालाउ येसु साइतानहेङ जोबाफ पिहि, “धर्मसास्तरता एसा बुङ लेखेका हि, ‘द्‍याङ तोलेहोइ खिनिङ माको, भरु परमेस्वर दोङ दोअ्का गोताङ बचन केम्तेङ सिन्हुतेङ हिलि द्वाङ।’”

मत्‍ति 6:31

ओदोङ भाअ्सिङ नेलाइ हाइ चालि, हाइ आम्लि, हाइ होङलि दोअ्तेङ पिर मापासु।

लुका 22:35

कालाउ येसु, चात्यागेलाइहेङ दोअ्हि, जेलाउ का नेलाइ द्‍याङगेलाइहेङ सुसमाचार हिङपालि, सिपि माकोसिङ, झोला कालाउ जुत्ता माकोसिङ दिङगिल्घा, हाइ नेलाइहेङ हाइको कमि जेङहि? चात्यागेलाइ जोबाफ पिहि केलाइ दोफा हाइ दोङ कमि माजेङहि।

लुका 4:10

हाइपालिपानु धर्मसास्तरता इसिका लेखेका हि, वा दोङ ताइको स्वर्गदुतगेलाइको जिम्माता नासेहेङ प्यावा,

लुका 4:3

साइतान वासेहेङ दोअ्हि, नाअ् परमेस्वरको चान हिना पानु इदोइ उन्ठुइगेलाइहेङ तोले जेनाको दोअ्तेङ आग्या पितेङ प्रामानित पाअ्‌ कालाउ नाअ् इङको तोले चालि द्वाना।

लुका 4:8

येसु जोबाफ पिहि, धर्मसास्तरता इसिका लेखेका हि: नाअ् परमप्रभु नाङको परमेस्वरहेङ खिनिङ सेउपालि कालाउ बाखिन पालि गोइखे, कालाउ वाको खिनिङ सेवा पालि गोइखे!

एफिसि 6:17

जेसाङ धुमता सिपाइ ताइको पुरिङ बान्चिपालि तोप तुखे, एन्साङ दोङ परमेस्वर नेलाइहेङ साइतानसो बान्चि पावा। कालाउ सिपाइ ताइमिहेङ बान्चिपालिको भाअ्सिङ तरवार चुम्का भाइपा ताइमिहेङ बान्चिपालि परमेस्वरको बचन प्रयोग पासु। जाइ पबित्तरो आत्मा पिखे।