लुका 4:1 - Dhimal NT

¹ येसु यर्दन झोरासो घुरिहि वा पबित्तरो आत्मासो पोङघातेङ हिघाहि, वासेहेङ चाका-मान्दा थामे भारि चुम्पुहि।

धिमाल

¹ इसु पुनित हाङसासो पोङघान्‍हातेङ यर्दन झोरासो घुरिहि। पुनित हाङसा वासेहेङ उदादाङका थामेभारि चुमपुहि।

लुका 4:1 Iomraidhean Croise

मत्‍ति 3:16

कालाउ येसु बप्तिस्ता ह्रुतेङ ओदोङ घुरि चिसो ओल्लेतेसाङ आकास फाङगिल्हि, कालाउ ताइ ह्रुता परमेस्वरको आत्माहेङ कुर्जा भाइपा खुअ्काताङ पाका तिङहि।

लुका 2:27

इङको दिना पबित्तरो आत्माको आगुवाइ निङतेङ सिमियोन मुन्दिरता हानिहि, कालाउ मोसाको व्यवस्थाको मुन्धुम आन्सार पुरा पालि मरियम कालाउ योसेफ जामाल येसुहेङ मुन्दिरता चुमाहि।

लुका 3:3

बप्तिस्ता पिका युहान्‍ना यर्दन झोराको द्‍यापाहाङको गोताङ सहर, कालाउ देरागेलाइता हानिहि, कालाउ वा दोअ्हि, “पाप पालि लाअ्सु बप्तिस्ता ह्रुसु कालाउकि परमेस्वर नाङको पाप स्यामा पाप्याको।”

लुका 3:38

केनान एनोसको चान हिघाहि, एनोस सेतको चान हिघाहि, सेत आदमको चान हिघाहि, कालाउ आदम परमेस्वरको चान हिघाहि।

लुका 4:14

येसु पबित्तरो आत्माको सरबुङता गालिल जिल्लाता घुरिहि। कालाउ वाको बारेता काथागेलाइ द्‍यापाहाङ चार-चाराइहि।

लुका 4:18

प्रभुको आत्मा काङको ह्रुता हि, हाइपालिपानु गरिबगेलाइहेङ प्राचार पालिको भाअ्सिङ कासेहेङ आबिसेक पाका हि। कैदिगेलाइहेङ लाअ्पालिको भाअ्सिङ, कालाउ कान्हाँगेलाइहेङ तिङपालि दोपालि, हेन्जाङ आत्याचारता परिकालाइहेङ लाअ्पालिको भाअ्सिङ,

युहन्‍ना 1:32

युहान्‍ना एसा दोकाताङ साक्सि पिहि, “का पबित्तरो आत्माहेङ कुर्जा भाइपा आकाससो खुतेङ वाको ह्रुता न्होका तिङघा।

युहन्‍ना 3:34

हाइपालिपानु जाइहेङ परमेस्वर दिङगिल्हि, वा दोङ परमेस्वरको काथा धुइखे, हाइपालिपानु वासेहेङ परमेस्वर पबित्तरो आत्मा भरि पुर्न पिका हि।

साल्न्हाका चात्या 1:2

येसुहेङ परमेस्वर स्वर्गता चुम्पुका खान्तेङ लाम्फा ताइमिसो छाल्न्हाका चात्यागेलाइहेङ पबित्तरो आत्माको सरबुङसो आदेस पिहि।

साल्न्हाका चात्या 10:38

कि नासरत देराको येसुहेङ परमेस्वर पबित्तरो आत्मा कालाउ सरबुङ आबिसेक पाहि। कालाउ वा आसल काम पाकाताङ कालाउ भुत-आत्मा खोका द्‍याङगेलाइहेङ एल्पाकाताङ गोताङ थामेगेलाइता हानिहि, हाइपालिपानु परमेस्वर वाको दोफा हिघाहि।

साल्न्हाका चात्या 8:39

जेलाउ ओबालाइ पोखोरिसो बाहार ओल्लेतेङ लोहि, कालाउ प्रभुको आत्मा फिलिपहेङ चुम्पुहि, कालाउ उङको नपुङसक वासेहेङ आरोङ हेलाउ बुङ मातिङहि, कालाउ वा मेनाङ लेङचाकाताङ परमेस्वर कासेहेङ बान्चिपाहि दोअ्तेङ ताइको सारभिता घुरितेङ हानिहि।