लुका 3:16 - Dhimal NT

¹⁶ युहान्‍ना झाराङहेङ जोबाफ पिहि, का नेलाइहेङ चिको बप्तिस्ता पिखा, का न्हुसो जाइ एमि ल्वाङ वा दोङ का खान्तेङ हेन्जा माहान हि कालाउ का वाको जुत्ताको तुना बुङ खाइलि थेकापा सोबाइका मान्थुघा, वा दोङ नेलाइहेङ पबित्तरो आत्मा कालाउ मेको बप्तिस्ता प्यावा।

धिमाल

¹⁶ एन्‍साजेङलाउ युहन्‍ना झाराङहेङ दोअ्‌हि, “का ते नेलाइहेङ चिहोइ चिभुअ्‌लि पिखा। कालाउ का खान्‍तेङ बारा सरबङहिका एमि लोदोङखे। का ते वाको जुता होअ्‌पिलि सोबाइका मान्‍थुघा। वा नेलाइहेङ पुनित हाङसा रो मेहोइ चिभुअ्‌लि प्‍यावा

लुका 3:16 Iomraidhean Croise

मत्‍ति 3:11

नेलाइहेङ का ते दोअ्खा पाप पालि लाअ्सु कालाउ का चिको बप्तिस्ता प्याङका, का न्हुसो जाइ एमि ल्वाङ, वा का खान्तेङ हेन्जा माहान हि, कालाउ का वाको खोकोइको जुत्ता बुङ चुम्लि सोबाइका मान्थुघा। एला वा दोङ नेलाइहेङ पबित्तरो आत्मा कालाउ मेको बप्तिस्ता प्यावा।

मत्‍ति 3:12

सिसा फाचिका रा वाकोङ खुरता हि, कालाउ ताइको खाइरामहेङ रेम्फा जाहाँपा फेकाङ कालाउ ताइको से उम फासितेङ भाकारता जोम्पावा, कालाउ पिताना चाहि हेलाउ बुङ मासिका मेता दुकावा।

युहन्‍ना 1:26

युहान्‍ना इम्बालाइहेङ जोबाफ पिहि, “का ते चिको बप्तिस्ता पिखा, कालाउ केलाइको माझाता एमि जाअ्तेङ हिका हि, जाइहेङ नेलाइ मानाल्स्वाना।

युहन्‍ना 1:27

का न्हुसो लोलि गोइका वा दोङ हि, जाइको का जुत्ताको तुना बुङ खाइलि थेकापा सोबाइका मान्थुघा।”

युहन्‍ना 1:33

का ताइमि दोङ वासेहेङ ख्रिस्ट दोअ्तेङ नाल्का मान्थुघाखा, कालाउ जाइ दोङ कासेहेङ चिता बप्तिस्ता पिलि दोअ्तेङ दिङगिल्हि, वा कासेहेङ दोअ्हि, जेदोङ द्‍याङ ह्रुता नाअ् पबित्तरो आत्मा खुकाताङ पाका कालाउ न्होतेङ हिका तिनाना, वा दोङ पबित्तरो आत्माहोइ बप्तिस्ता प्यावा।

युहन्‍ना 7:38

जाइ का ह्रुता खाङधुरि पाखे, धर्मसास्तर दोअ्का आन्सार वाको ह्रदयसो चिको झोरागेलाइ, जाइ जिबन पिखे झोतेङ ह्यावा।”

साल्न्हाका चात्या 1:5

युहान्‍ना द्‍याङगेलाइहेङ चिको बप्तिस्ता पिहि, कालाउ आले दिना न्हुसो परमेस्वर पबित्तरो आत्माहेङ नेलाइ दोफा हिलि दिङगिल्लावा।

साल्न्हाका चात्या 10:44

पतरुस इदोइ काथा दोअ्काताङ पालाउ बचन हिङका झाराङ द्‍याङगेलाइ ह्रुता पबित्तरो आत्मा खुअ्हि।

साल्न्हाका चात्या 2:33

ओदोङ भाअ्सिङ वा स्वर्गता परमेस्वरको दाम्पाहा खुरता तोलिन्हाहि। कालाउ परमेस्वर वासेहेङ पबित्तरो आत्मा कालाउ आबासो जेदोङ वा प्याङका दोअ्तेङ बाचा पाका हिघाखे। कालाउ वा इङको पबित्तरो आत्मा हुपिहि, जेदोङ नेलाइ एला तिङस्वाना कालाउ हिङस्वाना।

1 कोरिन्थि 12:13

हाइपालिपानु एनोङ दोङ पबित्तरो आत्मासो केलाइ झाराङ एनोङ दोङ जिउता बप्तिस्ता निङका हिनाहि। चाहे इङको यहुदि ह्याको, चाहे गैर-यहुदि, चाहे बान्धाइति, चाहे बान्धाइति माको, केलाइ झाराङ एनोङ दोङ पबित्तरो आत्मा निङका हिन्हाहि।