लुका 3:11 - Dhimal NT

¹¹ युहान्‍ना इम्बालाइहेङ जोबाफ पिहि, जेसापा नेलाइ दोफा न्हेनोङ लोखन हिनु भेनेङ माहिकाहेङ एनोङ पिसु, चाका-आम्का हिनु बुङ मान्थुकालाइहेङ बाखाराइपिसु।

धिमाल

¹¹ वा एम्‍बालाइहेङ दोअ्‌हि, “न्‍हेलोङ लोखोन हिकालाइ लोखोन मान्‍थुकालाइहेङ प्‍याको। एन्‍साङ पातेङ चाका हिकालाइ मान्‍थुकालाइहेङ प्‍याको।”

लुका 3:11 Iomraidhean Croise

मत्‍ति 25:40

कालाउ का राजा इम्बालाइहेङ जोबाफ प्याङका, का नेलाइहेङ जातिङको दोअ्खा, इता नेलाइ काङको उङको खान्धुराइ सानाइतिगेलाइ मध्ये झाराङ खान्तेङ म्हुइकाहेङ जेदोङ पासुन्हा इङको कासेहेङ दोङ पाका दोङ।

लुका 11:41

ओदोङ भाअ्सिङ जेदोङ हि उङको गरिब द्‍याङगेलाइहेङ पिसु कालाउ न्हुसो नाअ् बुङ जोल्न्हातेङ जाहाँका जेनाना।

लुका 18:22

इङको काथा येसु हिङलि दोअ्तेङ वासेहेङ दोअ्हि आरोङ एनोङ काम पालि गोइका हि। नाअ् दोफा जेथे हि इङको गोताङ पितेङ गरिबगेलाइहेङ बाखाराइपि, कालाउ स्वर्गता धन निनाना कालाउ का दोफा लोसु कालाउ काङको चात्या जेङसु।

लुका 19:8

चालि योमलाउ जक्कै प्रभु येसुहेङ जाअ्तेङ दोअ्हि, का गरिबगेलाइहेङ काङको आधा सम्पति प्याङका, जेसापा का हासुहेङ बुङ ठगेका हिघा पानु ओबालाइहेङ द्‍यागुना घुरि पाप्याङका।

युहन्‍ना 13:29

हाइपालिपानु यहुदा दोफा ताकाको तोपाला हिघाहि, सोचिहि कि, ओदोङ भाअ्सिङ आधिमि सोचिहि कि, येसु वासेहेङ दोअ्हि कि जेदोङ बुङ केलाइहेङ पार्बाको भाअ्सिङ गोइका आनेमाने चोल, माकुनु गरिबगेलाइहेङ हाइ दोङ पि।

साल्न्हाका चात्या 10:2

वा परमेस्वरको आराधाना पाघाखे, कालाउ वा वाको ताइको झाराङ जाहान परमेस्वरहेङ थिघाखे। कालाउ वा गरिब यहुदि द्‍याङगेलाइहेङ उद्दार मनहोइ साघाइघाखे कालाउ दिनाङ परमेस्वर दोफा प्रार्थाना पाघाखे।

साल्न्हाका चात्या 10:31

कालाउ वा दोअ्हि, “कर्निलियस, परमेस्वर नाङको प्रार्थाना पाका हिङपिका हि, कालाउ नाअ् गरिब दुखियागेलाइहेङ साघाइका कामहेङ परमेस्वर फोम पाका हि।

साल्न्हाका चात्या 10:4

कर्निलियस स्वर्गदुतहेङ थिचोङतेङ खाङहि कालाउ दोअ्हि, “प्रभु, दोअ्” कालाउ स्वर्गदुत वासेहेङ दोअ्हि, “परमेस्वर नाङको प्रार्थाना हिङपिका हि कालाउ गरिब दुखिगेलाइहेङ पाका नाङको दायाको कामगेलाइ सम्झानाको रुपता परमेस्वरको आगाता थुकाका हि।

एफिसि 4:28

खुकालाइ एला उसो माखुवाको। भरु वा ताइको खुरहोइ इमानदारसो परिस्रोम पाको, कालाउकि गरिब द्‍याङ दोफा बाखाराइलिको भाअ्सिङ वाको दोफा हाइ दोङ ह्याको।

1तिमोथि 6:17

इदोइ सुमिङको धनिगेलाइहेङ घमन्ड माजेङलि आदेस पिसु, कालाउ इम्बालाइ ताइको आसथाइ सम्पतिता भोरोसा माताताको, कालाउ केलाइको सुखको भाअ्सिङ गेनेगेल्पा पिका परमेस्वर ह्रुता इम्बालाइ आस पाको, कालाउकि केलाइ आनान्द पालि द्वाको

1तिमोथि 6:18

कालाउ इम्बालाइहेङ आसल काम पासु दोअ्सु, कालाउ हेन्जा रेम्का कामगेलाइ पाको, कालाउ आवस्यक परिकालाइहेङ खुल्ला मनहोइ साघाइलि तियार जेङसु दोसु।

हिब्रु 6:10

जेसाङ नेलाइ आसल कामगेलाइ पाका हिसुना कालाउ एला परमेस्वरको मिङता परमेस्वरको द्‍याङगेलाइको भाअ्सिङ प्रेम दोफाङ सेवाको काम पाकाताङ हिसुना, परमेस्वर नेलाइहेङ मानिल्याङ। हाइपालिपानु वा धर्मि हि।

याकुब 1:27

आबा परमेस्वरको आगाता सुद्द कालाउ पबित्तरो धर्म इदोइ दोङ हि: माउरिया कालाउ के सिकालाइहेङ इम्बालाइको दुखता खाङलि गोइखे कालाउ ताइमिहेङ सुमिङको मारेम्का काथागेलाइसो फारापा हिलि गोइखे।

याकुब 2:14

काङको खान्धुराइ ओनेगेलाइ, जेसापा इदोइ बुङ द्‍याङ का येसु ख्रिस्टता खाङधुरि पाङका दोअ्खे, कालाउ आसल काम चाहि मापाखे पानु, उङकोसो हाइ फाइदा? हाइ वाको खाङधुरिहोइ उङकोहेङ बान्चिपालि द्वावा रो?

१ युहन्‍ना 3:17

हासु बुङ दोफा सुमिङको धन सम्पति हि, कालाउ बुङ आरु खान्धुराइगेलाइहेङ खाचोता हिका तिङलाउ बुङ ओबालाइहेङ मासाघाइस्वाना पानु, परमेस्वरको प्रेम हेसा वाकोता ह्यावा रो?

१ युहन्‍ना 4:20

जेसापा हासु बुङ का परमेस्वरहेङ प्रेम पाखा दोअ्खे, कालाउ ताइको खान्धुराइ ओनेहेङ मन्दा माताखे पानु उङको धातुवा हि, हाइपालिपानु ताइमिङ तिङका खान्धुराइ ओनेहेङते प्रेम मापाखे पानु मातिङका परमेस्वरहेङ प्रेम पालि माद्वावा।