लुका 24:1 - Dhimal NT

¹ आइताबारको दिना एह्रिमाङ येसुको सिका जिउ ताअ्का तोमता बेबालाइ लोहि। ओबालाइ तियार पाका मालामालाका चुइति कालाउ आत्तर चुमाहि।

धिमाल

¹ देउबारको दिना ए र्‍हिमाङ इङको बेबालाइ ताइमिको त्‍यार पाका आतर रो मलम चुमतेङ इसुको तोमता हानिहि।

लुका 24:1 Iomraidhean Croise

मर्कुस 15:40

आधे बेबालाइ बुङ दुरेसोङ जाअ्तेङ खाङतेङ हिघाहि। इम्बालाइ मध्येसो मग्दल देराको मरियम हिघाहि, म्हुइका याकुब कालाउ योसेफको आमाइ कालाउ मरियम कालाउ सलोमि हिघाहि।

लुका 24:10

उङको बेबालाइ मग्दल देराको मरियम, योआन्ना कालाउ याकुबको आमाइ मरियम हिघाहि। इम्बालाइ उङको येसुको काम पालि साल्न्हाका चात्यागेलाइहेङ जेङका गोताङ घाटानागेलाइ हिङपाहि।

लुका 24:2

तोमको घारा ठुम्लि एनोङ बार्का उन्ठुइ ताअ्का हिघाहि। कालाउ ओबालाइ इङको उन्ठुइ तोमसो भेनेङ थामे भारि सारिका तिङहि।

लुका 24:22

कालाउ एला केलाइको समुहको आधिमि बेबालाइ केलाइहेङ आचाम्माको काथागेलाइ दोअ्हि। जाइगेलाइ नानि एह्रिमाङ येसुको तोमता हानिहि जेता वाको जिउ ताअ्का हिघाहि।