लुका 2:51 - Dhimal NT

⁵¹ कालाउ येसु ओबालाइ दोफाङ नासरत देराता हानिहि। वा ताइको आमाइ-आबाको दोअ्का गोताङ काथागेलाइ किहि। वाको आमाइ इङको गोताङ काथागेलाइ मनता सोचितेङ ताअ्हि।

धिमाल

⁵¹ कालाउ जामाल इसु ओबालाइदोफाङ नासरतता घुरितेङ आबा आमाइको दोअ्‌का मानेतेङ हि। कालाउ वाको आमाइ इदोइ गोताङ काथागेलाइ मानिल्‍सिङ ताइको मनताङ ताअ्‌हि।

लुका 2:51 Iomraidhean Croise

मत्‍ति 12:46

येसु जेरगेलाइ दोफा काथा पाकाताङ पालाउ, वाको आमाइ कालाउ ओनेगेलाइ येसु दोफा काथा पालि हि, दोअ्तेङ बाहार दोङ ह्रुम्तेङ हि।

मत्‍ति 3:15

कालाउ येसु वासेहेङ दोअ्हि, “एलाङ एसाङ दोङ हिलि पि हाइपालिपानु परमेस्वरको गोताङ धार्मिकता पुरा पालि गोयाङ कालाउ युहान्‍ना राजि जेङहि।”

मर्कुस 1:9

इङको बेलाता येसु गालिल जिल्लाको नासरत देरा पाहासो लोहि। कालाउ यर्दन झोराता युहान्‍ना बप्तिस्ता पिघाहि कालाउ येसु बुङ युहान्नासो बप्तिस्ता ह्रुहि।

मर्कुस 6:3

ओबालाइ इसिका दोअ्तेङ वासेहेङ माअ्साहि, “हाइ या फालाको साअ् धाम्का मिस्तिरि माको रो? इदोइ द्‍याङ उङकोङ मरियमको चान माको रो? हाइ या याकुब, योसेफ, यहुदा, सिमोनको दादा माको रो? जाइहेङ केलाइ नाल्न्हाखे हाइ वाको बेजान ओनेगेलाइ केलाइ नासरत देराता माहिखेरो?”

लुका 18:37

उङको द्‍याङगेलाइ वासेहेङ दोअ्हि, नासरत देराको येसु इदोइ दामा पातेङ लोदोङखे।

लुका 2:19

कालाउ मरियम इदोइ गोताङ काथागेलाइ ताइकोङ ह्रदयता ताअ्हि, कालाउ इङको बिसोइता सोचितेङ हि।

लुका 2:39

युसुफ कालाउ मरियम मोसाको व्यवस्था आन्सार गोताङ काम दोपाहि कालाउ इम्बालाइ गालिल जिल्लाको ताइकोङ नासरत देराता हानिहि।

लुका 4:16

येसु ताइमि हुर्किका नासरत देराता घुरिहि। कालाउ परमेस्वरको पबित्तरो दिनाता यहुदिगेलाइको चाउघारा साअ्ता हानिहि। कालाउ वा ताइको मुन्धुम आन्सार इन्ता धर्मसास्तरसो पढेलिको भाअ्सिङ जाअ्हि।

लुका 4:23

येसु ओबालाइहेङ दोअ्हि, का गिखा कि नेलाइ कासेहेङ या निङपिकासो दोअ्स्वाना, ओइ बैधे! ताइमिहेङ एल्पा। नाअ् जेदोङ कर्फनहुम सहरता पान्हा ओदोङ केलाइ हिङन्हाहि। एला नाअ् ताइको देराता बुङ एन्साङ पाअ्‌।

एफिसि 5:21

केलाइको ख्रिस्ट दोफाको भक्तिको कारनसो एमिसो भेनेङको आधिनता हिसु।

1पतरुस 2:21

परमेस्वर नेलाइहेङ काइका को कारन एनोङ कारन इदोइ हि कि नेलाइ वाको भाअ्सिङ कस्ट भोगिलि गोइस्वाना। ख्रिस्ट, जाइ नेलाइको भाअ्सिङ कस्ट भोगिहि। वा नेलाइको उधारन हि। ओदोङ भाअ्सिङ नेलाइ वाको पाका काम आनुकरन पालि गोइखे।