लुका 2:10 - Dhimal NT

¹⁰ कालाउ उङको स्वर्गदुत ओबालाइहेङ दोअ्हि, माअ्थिसु! हाइपालिपानु का गोताङ द्‍याङगेलाइको भाअ्सिङ आनान्द पिका प्राचार चुमातेङ नेलाइकोता लोका हिघा।

धिमाल

¹⁰ कुलाउ सादेलचर एम्‍बालाइहेङ दोअ्‌हि, “माथिसु, हाइदोनु का गोताङ द्‌याङगेलाइहेङ बेराजा पिका रेम्‍काबानाल चुमतेङ नेलाइको आगाता लोका हिघा।

लुका 2:10 Iomraidhean Croise

मत्‍ति 14:27

कालाउ येसु ओदोङ घुरि इम्बालाइहेङ दोअ्हि, धारस पासु, इङको का येसु दोङ हिघा! थिलि मागोइस्वाना।

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

मत्‍ति 28:5

कालाउ स्वर्गदुत उङको बेबालाइहेङ दोअ्हि, नेलाइ माअ्थिसु, हाइपालिपानु कासेहेङ थाहा हि, नेलाइ क्रुस्टा तोइन्हाका येसुहेङ भोसुखेना,

मर्कुस 1:15

येसु दोअ्हि, “ठिक बेला लोका हि, परमेस्वरको सासन चेम्ताङ हि। पाप पालि लाअ्सु परमेस्वर भारि घुरिसु कालाउ सुसमाचारता खाङधुरि पासु।”

मर्कुस 16:15

कालाउ येसु इम्बालाइहेङ दोअ्हि, “सुमिङ भरि गोताङ थामेगेलाइता हानेसु कालाउ झाराङ द्‍याङगेलाइहेङ सुसमाचार हिङपासु।

लुका 1:13

कालाउ इङको स्वर्गदुत जकरियाहेङ दोअ्हि, जकरिया माअ्थि, नाङको प्रार्थाना परमेस्वर हिङपिका हि, नाङको बे एलिसिबा एनोङ चानको जोलोम प्यावा। वाको मिङ नाअ् युहान्‍ना ताअ्पि।

लुका 1:19

स्वर्गदुत उत्तारा पिहि, का गाब्रिएल परमेस्वरको आगाता जाअ्ताङका, वा दोङ कासेहेङ नाङको दोफा खुसिको काथा पालि कालाउ प्राचार पालि दिङगिल्का हि।

लुका 1:30

कालाउ उङको स्वर्गदुत दोअ्हि, थिलि मागोइयाङ मरियम, हाइपालिपानु परमेस्वरको दाया नाअ् दोफा हि।

लुका 2:11

हाइपालिपानु नानि दोङ राजा दाउदको सहर बेथेलेहेमता नेलाइको भाअ्सिङ एमि मुक्ति दाताको जोलोम जेङका हि, वा दोङ ख्रिस्ट प्रभु हि।

लुका 24:47

कालाउ यरुसेलेम सहरसो सुरु पातेङ द्‍यापाहाङ गोताङ जातिगेलाइ वासेहेङ खाङधुरि पातेङ पाप पालि लाअ्नु पाप स्यामा जेनावा दोअ्तेङ सुसमाचार पालि गोइस्वाना।

लुका 8:1

आले दिना न्हुसो, येसु परमेस्वरको सासनको बारेता प्राचार पाकाताङ, देरागेलाइ कालाउ सहरगेलाइ घुराइकाताङ हानिहि। तेन्हे चात्यागेलाइ बुङ वाको दोफाङ हिघाहि।

साल्न्हाका चात्या 13:32

परमेस्वर पुर्खागेलाइहेङ पाका इङको बाचाको प्राचार केलाइ नेलाइकोता दोअ्लि लोका हिनाहि।

रोमि 10:15

कालाउ हासु बुङ हानितेङ इम्बालाइहेङ दोअ्लि खान्तेङ लाम्फा, उङको द्‍याङहेङ दिङगिल्लि गोइखे। जेसाङ धर्मसास्तरता लेखेका हि, “सुसमाचार प्राचार पाका द्‍याङगेलाइको खोकोइ हेथे सोबाइका हि!”

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

कलस्सि 1:23

जेसापा नेलाइ ताइको खाङधुरिता दिगो कालाउ बल्लियाका जेङतेङ कालाउ नेलाइ हिङका सुसमाचारको आस माअ्लासुन्हा पानु, इदोइ दोङ इङको सुसमाचार हि, जाइ सुमिङता गोताङ द्‍याङगेलाइहेङ प्राचार पाका हि। कालाउ जाइको का पावल सुसमाचार प्राचार पालि सेवक जेङघा।