लुका 2:1 - Dhimal NT

¹ इङको दिनाता रोमि साम्रात आगसतस दोङ ताइको गोताङ रोमि राइजि भरि झाराङ द्‍याङगेलाइको जनगरना पालि हुकुम पिहि।

धिमाल

¹ नाङको पहरता रोमि माहाराजा अगस्‍टस सारभिको गोताङ द्‌याङगेलाइको मिङ लेखेतेङ दार्ता पालिगोयाङ दोअ्‌तेङ हुकुम पाहि।

लुका 2:1 Iomraidhean Croise

मत्‍ति 22:17

रोमि साम्रातहेङ पोत तिरिलि ठिक हि या ठिक मान्थु?”

मत्‍ति 24:14

सुमिङ भरि दोङ परमेस्वरको सासनको बारेता सुसमाचार हिम्पाङ, कालाउकि गोताङ सारभिको द्‍याङगेलाइ इङको सुसमाचार खाङधुरि पालि द्वाको। कालाउ सुमिङको आन्त जेनावा।

मर्कुस 14:9

जातिङ भारि का नेलाइहेङ दोअ्खा, “सुमिङको जेता-जेता काङको बारेता इदोइ रेम्का सुसमाचार थुकातावा, इन्ता इदोइ बेजान हाइ पाका हि वाको फोम लावा।”

मर्कुस 16:15

कालाउ येसु इम्बालाइहेङ दोअ्हि, “सुमिङ भरि गोताङ थामेगेलाइता हानेसु कालाउ झाराङ द्‍याङगेलाइहेङ सुसमाचार हिङपासु।

लुका 2:3

गोताङ द्‍याङगेलाइ ताइको पुर्खाको सहरगेलाइता मिङ लेखेपालि हानिहि।

लुका 2:5

योसेफ ताइको हामु तेअ्का बे मरियम दोफा मिङ दर्ता पालि हानिहि।

लुका 3:1

रोमि साम्रात तिबेरियासको सासन पाका तेनाऔङ बासारता जेलाउ पन्तियास पिलातस यहुदिया जिल्लाता बडा-हाकिम हिघाहि। जेलाउ राजा हेरोद गालिल जिल्लाको सासक हिघाहि। वाको ओने फिलिप इतुरिया कालाउ टेबेरियासको इलाकाता सासन पाघाखे, कालाउ लुसानियास दोअ्का द्‍याङ आबिलेनेको इलाकाता सासन पाघाहि।

साल्न्हाका चात्या 11:28

ओबालाइ मध्येसो आगाबास मिङ हिका एमि परमेस्वरको बक्ता जाअ्तेङ सारा सुमिङ भरि दोङ बारका आनिकाल जेङलि तोम्का हि दोअ्तेङ पबित्तरो आत्मासो आगमबानि पाहि। इङको आनिकाल रोमि साम्रात क्लौदियसको सासनकालता जेङहि।

साल्न्हाका चात्या 25:11

जेसापा का हिदोइ बुङ आपाराधको दुसिका हिघा, कालाउ का सिलि गोइका योग्यको काम पाका हिघा पानु, का सिलि बुङ इन्कार मापाङका। कालाउ जेसापा का ह्रुता लादाइका आरोपगेलाइता हिदोइ बुङ सत्ये मान्थुनु कासेहेङ यहुदि आगुवागेलाइको खुरता सुम्पिलि हासुको बुङ खाबारा मान्थु। का आनुरोध पाखा, कि काङको न्याय रोमि साम्रात दोङ पाको।”

साल्न्हाका चात्या 25:21

जेलाउ पावल आनुरोध पाहि कि, वाको न्याय रोमि साम्रात दोङ पाको, कालाउ का वासेहेङ रोमि साम्रातकोता मापिगिल्पा भरि पावलहेङ पहराता ताअ्का आदेस पिका हिघा।”

रोमि 1:8

झाराङ खान्तेङ लाम्फा का काङको परमेस्वर येसु ख्रिस्ट पाहासो दोङ नेलाइ झाराङको भाअ्सिङ धन्यबाद पिखा, हाइपालिपानु नेलाइ येसु ख्रिस्टता खाङधुरि पाका काथा गोताङ थामेता द्‍याङगेलाइ काथा पातेङ हि।

फिलिप्पि 4:22

गोताङ परमेस्वरको जनगेलाइहेङ कालाउ बिसेस पातेङ रोमि साम्रातको महलता हिका खान्धुराइगेलाइ नेलाइहेङ सेउपाखा पिगिल्का हि।