लुका 19:3 - Dhimal NT

³ वा येसुहेङ खाङलि भोअ्घाखे, जक्कै एकदम पतोका हिनाङ वा द्‍याङगेलाइको जेरसो येसुहेङ खाङलि मादोअ्घाखे।

धिमाल

³ वा इसुहेङ खाङलि भोदोङघाखे। कालाउ वा पोतोका हिनासिङ द्‌याङगेलाइको चेअ्‌सुमेअ्‌सुकासो इसुहेङ तिङलि मादोहि।

लुका 19:3 Iomraidhean Croise

मर्कुस 15:40

आधे बेबालाइ बुङ दुरेसोङ जाअ्तेङ खाङतेङ हिघाहि। इम्बालाइ मध्येसो मग्दल देराको मरियम हिघाहि, म्हुइका याकुब कालाउ योसेफको आमाइ कालाउ मरियम कालाउ सलोमि हिघाहि।

लुका 12:25

नेलाइ मध्येसो हासु बुङ चिन्ता पातेङ ताइको आयु आतुइसा बुङ थोअ्पिलि माद्वावा, कि वा हेलाउ थेकापा बान्चिलि द्वावा।

लुका 19:2

उङको सहरता एमि जक्कै मिङ पाका द्‍याङ हिघाहि, वा पोत ल्होपाकाको हाकिम हिघाहि कालाउ धनि हिघाहि।

लुका 19:4

वा येसुहेङ खाङलि आगा-आगा धाअ्तेसाङ हानितेङ एनोङ आन्जिरको सिङ ह्रुता ताङहि। येसु ओदोङ दामा पातेङ लोघाखे।

लुका 23:8

जेलाउ राजा हेरोद येसुहेङ तिङहि, वा मेनाङ लेङचाहि। राजा हेरोद येसुको बिसोइता गोताङ काथागेलाइ हिङका हिघाहि। ओदोङ भाअ्सिङ वा येसुहेङ हेन्जा सोमोइसो भेतिलि मन हिघाहि, येसु भारबुसाइका काम तिङपावा कि दोअ्तेङ राजा हेरोद आस पाका हिघाहि।

युहन्‍ना 12:21

इम्बालाइ गालिल जिल्लाको बेथसेदा देराको द्‍याङ फिलिपकोता लोतेङ बिन्ति पातेङ दोअ्हि, “नेउ, केलाइ येसुहेङ भेतिलि खाङनाखे।”