लुका 17:3 - Dhimal NT

³ ओदोङ भाअ्सिङ चङख हिसु, कि नाअ् हाइ पाखेना “हिदोइ बुङ द्‍याङ पाप पाहे पानु वासेहेङ चेर, कालाउ जेसापा वा पाप पालि लाअ्हे पानु नाअ् वासेहेङ स्यामा पि।

धिमाल

³ एन्‍साङ होस पातेङ हिसु, नाङको ओने कुकरम पानु वासेहेङ गावाइ। वा ताइको कुकरम मानितेङ परमेस्‍वरपाहा घुरिनु ते वासेहेङ माफ पि।

लुका 17:3 Iomraidhean Croise

मत्‍ति 18:21

कालाउ पतरुस येसुकोता लोतेङ हिअ्हि, “हे प्रभु, काङको खान्धुराइ सानाइति हेखेप काङको बिरोधता आपाराध पाहे पानु का वासेहेङ हे पोन्ति स्यामा पिलि? हाइ का न्हिखे थेकापा वासेहेङ स्यामा पिलि?”

लुका 21:34

चङख हिसु, नाङको सोमोइ भोग-बिलासता, नासातावा कालाउ इदोइ सुमिङको चिन्तागेलाइता खेर माथाइगिल। हाइपालिपानु का इङको दिनाता नेलाइ माचिताइका बेलाता ल्वाङका।

एफिसि 5:15

ओदोङ भाअ्सिङ नेलाइ हेसा जियाइस्वाना इङको बारेता हेन्जाङ ख्याल पासु। मुर्खगेलाइ भाइपा माको भरु बुद्दिमानि भाइपा जिबन जियाइसु।

हिब्रु 12:15

चङख हिसु, कि हिदोइ बुङ द्‍याङ परमेस्वरको आनुग्रह निङलिसो आसफल माजेनाको, “कालाउ हासु बुङ नेलाइको माझाता समस्या माचुमाको, इन्सिका खाल्को द्‍याङ नेलाइ हेन्जाङहेङ झुकिपावा।”

याकुब 5:19

काङको खान्धुराइ ओनेगेलाइ, जेसापा नेलाइ मध्येसो एमि खान्धुराइ सत्येसो आवाइतुकाताङ हानिलाउ हासु बुङ वासेहेङ घुरिपातेङ चुमाहे पानु,

२ युहन्‍ना 1:8

ओदोङ भाअ्सिङ चङख हिसु, कि इसिका द्‍याङगेलाइ नेलाइहेङ धोका माप्याको, कालाउकि परमेस्वरको सेवा पाका नाङको कोसिस व्‍यर्थ माजेनाको। कालाउ परमेस्वर नाङको पाका सेवाको भाअ्सिङ नासेहेङ पुराङ इनाम प्याङ।