लुका 16:3 - Dhimal NT

³ जेलाउ खारान्जिया ताइमिङ मन मनता बिचार पाहि, एला का हाइ पालि? हाइपालिपानु काङको गिह्रि कासेहेङ जागिरसो ओल्लेपालि तोम्का हि। मिलिङता चोइतेङ चालि काङको तागत मान्थु, ह्रेतेङ चालि का लेदेरखा।

धिमाल

³ एन्‍सा जेङलाउ इङको खाजान्‍चि मन मनताङ दोअ्‌हि, ‘काङको मालिक कासेहेङ खाजान्‍चिको कामसो ओल्‍हेपालि तोम्‍का हि; एला का हाइपालि? का तोलिचोइलि बुङ माद्‌वाङका रो र्‍हेतेङ चालिबुङ लेदेरखा।

लुका 16:3 Iomraidhean Croise

मत्‍ति 20:8

जेलाउ बेल्लाका पहर जेङहि, आङगुरको बारिको गिह्रि ताइको काम पाकालाइको नाइकेगेलाइहेङ दोअ्हि, खेतालागेलाइहेङ काइतेङ ओबालाइको काम पाका ज्याला पिसु। ज्याला झाराङ खाङतेङ न्हुसो लोकालाइसो सुरु पातेङ आम्तिमता लोकालाइसो लाम्फा लोकालाइहेङ बुङ इम्बालाइको ज्याला पि।

मर्कुस 10:46

यरुसेलेम सहरसो हानिकाताङ पालाउ येसु कालाउ वाको चात्यागेलाइ यरिहो सहरता थुकालि लोहि। जेलाउ येसु कालाउ वाको चात्यागेलाइ आरोङ हेन्जाङ द्‍याङगेलाइको जेर इङको सहरहेङ लाअ्तेङ हानिघाहि, दामाको काम्भेता बारतिमोइ दोअ्का एमि कान्हाँ भिखारि योम्तेङ हिघाहि। उङको तिमोइको चान हिघाहि।

लुका 12:17

उङको द्‍याङ ताइमिङ सोचिघाखे कि, कासेहेङ थाहा मान्थु का हाइ पालि? काङको दोफा हिका वथे हेन्जा से उम ताअ्का थामे बुङ मान्थु।

लुका 16:2

कालाउ धनि द्‍याङ खारान्जियाहेङ काइतेङ दोअ्हि, नाङको बिसोइता का हाइ हिङदोङखा? नाअ् काङको धन हाइ पान्हा इङको को गोताङ हिसाब किताप कासेहेङ बुझाइ, एलासो नाअ् काङको खारान्जिया मान्थुन्हा।

लुका 16:20

कालाउ इन्ता लाजरस मिङ पाका गरिब द्‍याङ हिघाहि। वासेहेङ द्‍याङगेलाइ चुमातेङ, एमि धनि द्‍याङको फिनुको भेरपा ताअ्पिघाखे। वाको जिउभरि पेचारा-पेचाराहोइ भरिका हिघाहि।

लुका 16:22

आले सोमोइ न्हुसो लाजरस सिहि, कालाउ स्वर्गदुतगेलाइ वासेहेङ चुम्पुतेङ केलाइको पुर्खा आब्राहामको भेरपा हिलिको भाअ्सिङ ताअ्पिहि। कालाउ उङको धनि द्‍याङ बुङ सिहि कालाउ वासेहेङ बुङ लिहि।

लुका 16:4

एला का गिखा का हाइ पालि गोइका, जेलाउ काङको जागिर गुमाइलाउ बुङ द्‍याङगेलाइ कासेहेङ साअ्ता कायावा कालाउ कासेहेङ साघाइयाङ।

लुका 18:4

हेन्जा दिनासोङ न्यायधिस उङको के सिका बेबालको काथा माहिङपिहि, कालाउ न्हुसो वा ताइको मनता दोअ्हि, का परमेस्वर दोफा माअ्थिखा द्‍याङको बुङ वास्ता मापाखा।

युहन्‍ना 9:8

कालाउ वाको देरागेलाइ कालाउ आरु द्‍याङगेलाइ जाइ लाम्फा उङको द्‍याङहेङ भिख ह्रेगिल्का तिङकालाइ ता-ताइता दोअ्हि, इदोइ उङको द्‍याङ माको रो? जाइ जेलाउ बुङ योम्तेङ भिख ह्रेघाहि?”

साल्न्हाका चात्या 3:2

कालाउ द्‍याङगेलाइ जोलोम सोङ लेङग्रा द्‍याङहेङ फुतेङ दिनाङ मुन्दिरको सुन्दर मिङको फिनुता ताअ्पिघाखे। कि वा मुन्दिरता लोका द्‍याङगेलाइ दोफा भिख ह्रेलि द्वाको।

साल्न्हाका चात्या 9:6

ल्हो कालाउ सहर भारि हाने, इन्ता हासु बुङ नासेहेङ हाइ पालि गोइका हि दोअ्पियावा।”

2 थेस्लोनिकि 3:11

हाइपालिपानु केलाइ हिङनाखे, कि नेलाइ मध्येता हेथेते कुरिया जिबन बितिपातेङ हिसुना। नेलाइ ताइमि चाहि हाइ दोङ काम मापा सुखेना कालाउ बोमिको कामता बेकारता दक्खल पासुखेना।