लुका 16:1 - Dhimal NT

¹ येसु ताइको चात्यागेलाइहेङ आरोङ एखे निङपिकासो दोअ्हि, एमि धनि द्‍याङको एमि काम पाका खारान्जिया हिघाहि। उङको खारान्चिया ताइको गिह्रिको धन सम्पति उडाइपातेङ हि दोअ्का वाको बिरोधता द्‍याङगेलाइहेङ जेङका हिघाहि।

धिमाल

¹ इसु ताइको चात्‍यागेलाइहेङ दोअ्‌हि, “एमि हेन्‍जा टाका काउरि हिका द्‌याङको साअ्‌द्वार खाङका एमि खाजान्‍चि हिघाहि। एनि आधेमि द्‍याङगेलाइ इङको हिका चाका द्‍याङकोता लोतेङ ‘इङको खाजान्‍चि नाङको टाका काउरि दोपापिलि तोमदोङखे’ दोअ्‌तेङ हिङपाहि।

लुका 16:1 Iomraidhean Croise

मत्‍ति 20:8

जेलाउ बेल्लाका पहर जेङहि, आङगुरको बारिको गिह्रि ताइको काम पाकालाइको नाइकेगेलाइहेङ दोअ्हि, खेतालागेलाइहेङ काइतेङ ओबालाइको काम पाका ज्याला पिसु। ज्याला झाराङ खाङतेङ न्हुसो लोकालाइसो सुरु पातेङ आम्तिमता लोकालाइसो लाम्फा लोकालाइहेङ बुङ इम्बालाइको ज्याला पि।

लुका 12:42

कालाउ प्रभु दोअ्हि, एनोङ इमान्दार कालाउ बुद्दिमान चाकारिया इसिका हिखे: जाइहेङ साअ्को गिह्रि आरु चाकारियागेलाइहेङ खाङलि नियुक्त पाखे। गिह्रि वासेहेङ दोअ्खे ओबालाइहेङ ठिक-ठिक सोमोइता चालि-आम्लि प्यावाको। कालाउ न्हुसो ह्रिङका दामा चाहि।

लुका 15:13

आले दिना न्हुसो कान्सा चान ताइको गोताङ सम्पति जोम्पाहि कालाउ वा दुरेको सारभिता हानिहि, इन्ता वा कु-कामता ताइको गोताङ ताका दोपाहि।

लुका 15:30

उङको नाङको चान ताइको गोताङ धन-सम्पति कासिबिरिगेलाइको सङगतता लागितेङ गोताङ होइपाहि, कालाउ वा साअ् घुरितेङ लोलाउ चाहि तोइका गुपुस सेअ्तेङ भोज लागाइन्हा।

लुका 16:19

येसु आरोङ एनोङ निङपिकासो दोअ्हि, एमि धनि द्‍याङ हिघाहि, वा हेन्जाङ जाङका धाबागेलाइ लागाइघाखे। वा दिनाङ-दिनाङ झाराङ खान्तेङ रेम-रेम्का चाघाखे।

लुका 16:2

कालाउ धनि द्‍याङ खारान्जियाहेङ काइतेङ दोअ्हि, नाङको बिसोइता का हाइ हिङदोङखा? नाअ् काङको धन हाइ पान्हा इङको को गोताङ हिसाब किताप कासेहेङ बुझाइ, एलासो नाअ् काङको खारान्जिया मान्थुन्हा।

लुका 19:20

कालाउ न्हुसो भेनेङ चाकारिया लोतेङ गिह्रिहेङ दोअ्हि, खाङ नाङको पिका एनोङ सोनाको थुरि इता हि, का थुरिहेङ धाबाहोइ लुम्तेङ म्होतेङ ताअ्का हिघा।

लुका 8:3

कालाउ राजा हेरोदहेङ साघाइका खुजासकि को बे योआन्ना दोफाङ सुसन्ना कालाउ आरु हेन्जाङ बेबालाइ हिघाहि। जाइ दोङ येसु कालाउ वाको चात्यागेलाइहेङ ताइको ताका पितेङ साघाइघाखे।

तितस 1:7

हाइपालिपानु मन्डलिको आगुवा परमेस्वरको कामको जिम्मा ह्रुका हिखे, ओदोङ भाअ्सिङ वाकोता हिदोइ बुङ दुसिका हिलि माएल। वा ताइकोङ काथाता जिद्दि पाका, धेमाङ चेर ताम्पाका, गोरा चि आमका, बल दिका कालाउ ताकाको लोभ मापाका द्‍याङ हिलि गोइखे।

याकुब 4:3

नेलाइ ह्रेसुखेना कालाउ मानिङसुखेना, हाइपालिपानु ताइको लान्सा पुरा पालिको भाअ्सिङ मारेम्का इच्छाहोइ ह्रेसुखेना।

1पतरुस 4:10

झाराङ द्‍याङ परमेस्वरसो बरदान निङका हि कालाउ इम्बालाइ इङको बरदान आरुगेलाइहेङ साघाइलि प्रयोग पालि गोइखे। इम्बालाइ ताइको बरदानगेलाइ परमेस्वरको रेम्का बान्धाइतिगेलाइ जेसाङ रेम्फासो प्रयोग पालि गोइखे।