लुका 10:10 - Dhimal NT

¹⁰ जेलाउ हिदोइ बुङ सहरता, हानिलाउ कालाउ द्‍याङगेलाइ नेलाइहेङ स्‍वागत मापाहेपानु, सहरको कुन्हाँ-कुन्हाँता हानेसु कालाउ दोअ्सु।

धिमाल

¹⁰ कालाउ जेदोङ पुरता नेलाइ हानेस्‍वाना इन्‍ताको द्‌याङगेलाइ नेलाइहेङ स्‍वागत मापानु इङको दामागेलाइता ओल्‍हेतेङ

लुका 10:10 Iomraidhean Croise

मत्‍ति 10:14

जेसापा हिदोइ बुङ थामेता थुकालाउ द्‍याङगेलाइ नेलाइहेङ स्‍वागत मापानु, कालाउ नेलाइको काथा माहिङपिनु चेताउनि पिकाताङ इङको साअ् कालाउ इङको सहरसो बाहार ओल्लेलाउ ताइको खोकोइको बाला ह्रिसु। कालाउ इङको देरा लाअ्सु। उङको द्‍याङगेलाइहेङ परमेस्वर दोङ पालि गोइका न्याय पावा।

लुका 10:11

केलाइ नेलाइको सहरको धुलासुधाङ नेलाइको बिरोधता केलाइको खोकोइको धुला ह्रिकाङ, कालाउ थाहा गिसु कि परमेस्वरको सासन चेम्ताङ लोका हि।

लुका 10:9

इन्ताको थामेगेलाइको मासाधेकालाइहेङ एल्पासु, कालाउ इम्बालाइहेङ दोअ्सु, परमेस्वरको सासन चेम्ताङ लोका हि।

लुका 9:5

जेसापा हिदोइ बुङ थामेको द्‍याङगेलाइ नेलाइहेङ स्‍वागत मापानु कालाउ नेलाइको काथा माहिङपिनु चेतान पिकाताङ कालाउ खोकोइको धुला ह्रितेङ इङको देरा लाअ्सु।” उङको द्‍याङगेलाइहेङ परमेस्वर दोङ पालि गोइका न्याय पावा।

साल्न्हाका चात्या 13:51

जेलाउ पावल कालाउ बार्नाबास ताइको खोकोइको धुला या तिङपालिको भाअ्सिङ ह्रिहि कि परमेस्वर इम्बालाइहेङ इन्कार पाका हि कालाउ इम्बालाइहेङ दन्ड पिका हि, कालाउ न्हुसो इम्बालाइ आइकोनियम सहर भारि हानिहि।

साल्न्हाका चात्या 18:6

कालाउ जेलाउ यहुदिगेलाइ पावलको बिरोध पातेङ वाको निन्दा पालि तेङहि, कालाउ पावल ताइको लोखोन धाबागेलाइसो धुला ह्रितेङ इम्बालाइहेङ दोअ्हि, “नेलाइ ताइमिङ परमेस्वरको बचन सुइकार मापाकाता परमेस्वरसो लोका दन्डको जिम्मेबार जेङस्वाना, का निरदुसि हिघा। एलासो का गैर-यहुदिगेलाइकोता हानाङका कालाउ परमेस्वरको बचन प्राचार पाङका।”