लुका 1:6 - Dhimal NT

⁶ उधिन्हेमि परमेस्वरको आगाता धर्मि जिबन बितिपाघाखे। इम्बालाइ परमप्रभुको गोताङ आग्या कालाउ मुन्धुमगेलाइ माबिराइसिङ मानिघाहि।

धिमाल

⁶ इङको न्‍हेमि परमेस्‍वरको आगाता धरम हिघाखे। एम्‍बालाइ परमेस्‍वरको गोताङ हुकुम रो नियमगेलाइ माबिराइसिङ मानिघाखे।

लुका 1:6 Iomraidhean Croise

लुका 1:7

कालाउ जकरिया कालाउ एलिसिबाको हिदोइ बुङ सान्तान मान्थुघाहि, हाइपालिपानु एलिसिबा गान्घि तेअ्लि मादोहि, उधिन्हेमि वाराङ बेराङ जेङलि दोअ्का हिघाहि।

लुका 16:15

येसु फारिसिगेलाइहेङ दोअ्हि, नेलाइ द्‍याङगेलाइको आगाता भालादमिको धर्मि तिङपालि खाङसुखेना। नेलाइको ह्रदयता हाइ हि परमेस्वर गिखे जेदोङ काथा द्‍याङको भाअ्सिङ महत्व पुर्न हि, कालाउ परमेस्वरको भाअ्सिङ एकदम सिकाका जेनावा।

लुका 2:25

इङको सोमोइता सिमियोन मिङ पाका एमि द्‍याङ यरुसेलेम मुन्दिरता हिघाहि, वा भक्त कालाउ धर्मि द्‍याङ हिघाहि। वा इस्राएल सारभिको द्‍याङगेलाइहेङ बान्चिपाका ख्रिस्ट ल्वाङ दोअ्का आस पातेङ ह्रुम्तेङ हिघाहि, जाइहेङ परमेस्वर दिङगिल्लि बाचा पाका हिघाहि कालाउ पबित्तरो आत्मा वाको दोफा हिघाखे।

साल्न्हाका चात्या 2:25

हाइपालिपानु राजा दाउद येसुको बिसोइता इसिका दोअ्का हिघाखे: दिनाङ का प्रभुहेङ ताइको आगाता तिङघाखा, हाइपालिपानु वा का दोफा हि, ओदोङ भाअ्सिङ कासेहेङ चोट पापाका द्‍याङगेलाइ दोफा का माथियाङका।

साल्न्हाका चात्या 23:1

पावल माहासभाता हिका द्‍याङगेलाइ भारि खाङहि, कालाउ दोअ्हि, “काङको ओनेगेलाइ, नानिको दिना थेकापा परमेस्वरको नजरता काङको जिबन सुद्द बिबेकहोइ बितिपातेङ हिघा।”

साल्न्हाका चात्या 24:16

ओदोङ भाअ्सिङ का जेलाउ बुङ परमेस्वरको कालाउ द्‍याङगेलाइको आगाता का काङको बिचारहेङ सुद्द पालि कोसिस पाङका।

साल्न्हाका चात्या 8:21

कालाउ नाङको इदोइता ना ते भाग हि, ना ते इदोइ सेवा पालि खाबारा हि, हाइपालिपानु नाङको मन परमेस्वरको आगाता रेम्का मान्थु।

रोमि 8:4

वा इसिका पाहि, कालाउकि व्यवस्थाता गोइका उचित काथा पुरा ज्याको, केलाइ जाइ केलाइको पाप स्वभाव आन्सार माको, भरु पबित्तरो आत्मा आन्सार काम पानाखे।

1 कोरिन्थि 11:2

का नेलाइको बाखिन पाखा, हाइपालिपानु नेलाइ जेलाउ बुङ गोताङ कासेहेङ फोम पासुखेना, कालाउ काङको पिका सिक्स्यागेलाइ नेलाइ ठिकसो केम्सुखेना।

2 कोरिन्थि 1:12

हाइपालिपानु केलाइ गर्ब पानाखे कि केलाइको बिबेक झालाफालापा हि, सुमिङता कालाउ बिसेस पातेङ नेलाइ दोफाको केलाइको सम्बन्ध नेलाइ दोफा कालाउ सुमिङको द्‍याङगेलाइ दोफा पबित्तरो कालाउ सत्ये हि, जेदोङ चाहि परमेस्वरसो लोखे, इदोइ चाहि मानिमुइ बुद्दिहोइ माको, भरु परमेस्वरको आनुग्रह पाहासो हि।

फिलिप्पि 2:15

कालाउकि दुस्ट कालाउ भ्रस्ट द्‍याङगेलाइ भरिका सुमिङता परमेस्वरको सुद्द जामाललाइ भाइका सुद्द कालाउ मादुसिका जिबन जियाइसु। इदोइ सुमिङता मारेम्का काम पाका द्‍याङगेलाइको माझाता नेलाइ आकासको फुरुगेलाइ भाइपाङ चिल्कालि गोइखे।

कलस्सि 1:22

कालाउ ताइकोङ आगाता नेलाइहेङ पबित्तरो, खात्ति, कालाउ निरदुसि तिङपालि ख्रिस्ट परमेस्वरको चान द्‍याङ जेङहि कालाउ क्रुस्टता सिहि। वाको सिकासो परमेस्वर नेलाइहेङ एला मिलिसुका चुमाका हि।

1 थेस्लोनिकि 3:13

केलाइ प्रार्थाना पानाखे कि प्रभु येसु नेलाइको ह्रदयहेङ इस्थिर बानाइयाको, कालाउकि जेलाउ येसु आरोङ गोताङ परमेस्वरको जनगेलाइ दोफा लोलाउ नेलाइ केलाइको आबा परमेस्वरको आगाता पबित्तरो कालाउ दाग मालागिका जेङलि दोसु।

२ पत्‍रुस 3:14

ओदोङ भाअ्सिङ आनाउगेलाइ, नेलाइ इदोङ काथागेलाइ जेङका आस पाकाताङ पाका कारन परमेस्वरहेङ लेङचापालि, पबित्तरो कालाउ मादुसिका जिबन जियाइसु कालाउ एमिसो-भेनेङ दोफा सान्तिसो हिसु।

१ युहन्‍ना 2:29

ख्रिस्ट परमेस्वरको आगाता जेदोङ आसल हि ओदोङ काम पाखे दोअ्का काथा जेसापा नेलाइ गिस्वाना पानु या काथाता नेलाइता निस्चित ज्याको, कि आसल काम पाका हासुलाउ बुङ परमेस्वरको सान्तानगेलाइ दोङ।

१ युहन्‍ना 2:3

जेसापा केलाइ परमेस्वरको आग्यागेलाइ केम्न्हाहि पानु एसा पासोङ केलाइ थाहा गिलि द्वाङ, कि केलाइ वासेहेङ नाल्नाखे।

१ युहन्‍ना 3:7

नेलाइ जाइ काङको आनाउ जामाललाइ भाइकाङ हिसुना, हिदोइ बुङ द्‍याङ नेलाइहेङ धाताइलि मानिनाको। जाइ परमेस्वरको आगाता ठिक काम पाखे उङको द्‍याङ रेम्का हि, जेसाङ ख्रिस्ट हिका हि।