लुका 1:51 - Dhimal NT

⁵¹ वा ताइको माहान सरबुङको प्रयोग माहान काम पालिको भाअ्सिङ पाखे। वा घमन्डिगेलाइहेङ कालाउ इम्बालाइको बिचारगेलाइहेङ हारिपाप्यावा।

धिमाल

⁵¹ वा ताइको सरबङहिका खुरहोइ तुजुकगेलाइको ठहरहेङ चारामचुरुम पापिका हि।

लुका 1:51 Iomraidhean Croise

रोमि 1:21

हाइपालिपानु इम्बालाइ परमेस्वरहेङ नाल्तेङ बुङ परमेस्वरहेङ पालि गोइका आदार मापाहि, ना ते इम्बालाइ वासेहेङ धन्यबाद दोङ पिहि, कालाउ इम्बालाइको मुर्ख बिचारगेलाइ गोताङ गलत जेङहि, कालाउ इम्बालाइको मनता रेम्का बिचार मालोहि।

2 कोरिन्थि 10:5

परमेस्वरको ग्यानको बिरोधता जाअ्का गालाबाजिगेलाइ कालाउ गोताङ आहाङकारि पुर्न बाधा केलाइ नासा पाङ, कालाउ केलाइ गोताङ बिचारहेङ ख्रिस्टको आग्या केम्लि बसता पानाखे।

1पतरुस 5:5

एन्साङ पातेङ धानागेलाइ, कालाउ वाराङ द्‍याङगेलाइको आधिनता हिसु। नेलाइ झाराङ मोमोइसोङ एमिसो भेनेङहेङ साघाइलि गोइखे। हाइपालिपानु धर्मसास्तरता लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”

प्रकास 18:8

वाको गर्वको कारान, आचानाक वाको ह्रुता बिपति ल्वाङ। ए दिनाता मिसा, बेदाना, कालाउ आकाल ए दोफाङ वाकोता ल्वाङ। कालाउ वासेहेङ मेता ओपाङ हाइपालिपानु परमप्रभु परमेस्वर सरबुङसाइका हि, कालाउ वासेहेङ दन्ड प्याङ।”