लुका 1:2 - Dhimal NT

² इम्बालाइ ओदोङ काथागेलाइ दोङ लेखेका हि: जेदोङ केलाइहेङ दोअ्का हिघाहि, उङको द्‍याङगेलाइसो जाइ दोङ येसुको सेवाकाइ लाम्फासोङ तिङका हिघाहि कालाउ न्हुसो इम्बालाइ परमेस्वरको बचनको सेवक जेङहि।

धिमाल

² इङको बारदातगेलाइचाहिँ लाम्‍फासो दोङ ताइकोङ मिसो तिङका रो याको बारेता रेम्‍काबानाल पारचार पाकालाइ दोअ्‌का हि।

लुका 1:2 Iomraidhean Croise

मर्कुस 1:1

परमेस्वरको चान येसु ख्रिस्टको बारेता एसापा सुसमाचारको सुरु जेङहि।

मर्कुस 16:20

जेलाउ चात्यागेलाइ गोताङ थामेता द्‍याङगेलाइको माझाता हानितेङ सुसमाचार पाहि। प्रभु दोङ चात्यागेलाइहेङ साघाइहि कालाउ वाको सन्‍देस सत्ये हिघाहि इङको काथा साबित पालिको भाअ्सिङ, एसापा वाको पाहासो सरबुङसाइका चिन्हागेलाइको काम पाहि। आमेन।

मर्कुस 4:14

इदोइ निङपिका को आर्था इदोइ हि कि, चालाइ बिका किसान चाहि इसिका हि जाइ परमेस्वरको बचन चारचाराइपाखे।

लुका 24:48

नेलाइ दोङ इदोइ गोताङ काथाको साक्सि जेङसु।

युहन्‍ना 16:4

कालाउ इदोइ काथागेलाइ का नेलाइहेङ एलाङ दोङ दोअ्खा, इदोइ काथागेलाइ जेलाउ सोमोइ ल्वावा, कालाउ नेलाइहेङ काङको दोअ्का काथा फोमपास्वाना। जेलाउ लाम्फा नेलाइ काङको चात्या जेङका हिघासुखेना। का नेलाइहेङ या काथा मादोअ्घा, हाइपालिपानु का नेलाइ दोफा हिघा।

साल्न्हाका चात्या 1:3

कालाउ न्हुसो येसु दुख भोगितेङ सिहि कालाउ वा न्हे कुरि दिना थेकापा इम्बालाइकोता हेन्जाङखे तिङचालाहि कालाउ खाल-खाल्को प्रामानगेलाइसो ताइमिहेङ सिन्हुका हिघा दोअ्तेङ तिङपाहि। कालाउ वा इम्बालाइ दोफा परमेस्वरको सासनको बिसोइता काथा पाहि।

साल्न्हाका चात्या 1:8

जेलाउ पबित्तरो आत्मा नाअ् ह्रुता ल्वावा कालाउ नेलाइ सरबुङ निङस्वाना, कालाउ नेलाइ यरुसेलेम सहरता, सारा यहुदिया जिल्लाता, सामारिया जिल्लाता कालाउ सुमिङको गोताङ थामेगेलाइता द्‍याङगेलाइहेङ काङको बारेता दोअ्स्वाना।”

साल्न्हाका चात्या 14:25

कालाउ इम्बालाइ प्यामफिलिया जिल्लाता जेङका पर्गा सहरता परमेस्वरको बचन प्राचार पाहि, कालाउ न्हुसो आटालिया नगरता हानिहि।

साल्न्हाका चात्या 16:6

पावल कालाउ वाको सानाइतिगेलाइ फ्रिगिया कालाउ गलातिया इलाकासो जेङतेङ हानिहि, हाइपालिपानु पबित्तरो आत्मा इम्बालाइहेङ एसिया प्रदेसता प्राचार पालि हानिलि रोकिहि।

साल्न्हाका चात्या 17:11

इताको यहुदिगेलाइ थेसलोनिकि सहरको द्‍याङगेलाइ खान्तेङ हेन्जा आसल हिघाहि। हाइपालिपानु इम्बालाइ मेनाङ चासो पातेङ पावल कालाउ सिलासको दोअ्का बचन हिङतेङ हिघाहि। कालाउ इङको काथागेलाइ ठिक हि कि मान्थु दोअ्तेङ दिनाङ-दिनाङ धर्मसास्तर पढेतेङ जाचिघाखे।

साल्न्हाका चात्या 26:16

एला ल्हो कालाउ ताइको खोकोइता जाअ्, हाइपालिपानु का नासेहेङ काङको सेवक चुनिका हिघा, नाअ् काङको बिसोइता जेदोङ तिङन्हा कालाउ न्हुसो जेदोङ काथा का नासेहेङ तिङपाङका इङको गोताङ काथागेलाइको बारेता नेलाइ साक्सि पिलि गोइस्वाना।

साल्न्हाका चात्या 4:20

हाइपालिपानु केलाइते ताइमिङ हिङका कालाउ तिङका काथा मादोअ्सिङ सिकापा हिलि माद्वाङ।”

साल्न्हाका चात्या 8:4

कालाउ आउलिगिल्तेङ हिका खान्धुराइगेलाइ द्‍यापाहाङ हानितेङ प्रभुको बचन द्‍याङगेलाइहेङ हिङपाहि।

रोमि 15:16

कि का गैर-यहुदिगेलाइको भाअ्सिङ येसु ख्रिस्टको सेवक जेङतेङ परमेस्वरसो लोका सुसमाचार प्राचार पालि पुजारि कोनिङ सेवा पाखा, कालाउकि गैर-यहुदिगेलाइहेङ पबित्तरो आत्मा पाहासो सुद्द जेङतेङ ग्रहन योग्य बलि जेङलि द्वाको।

1 कोरिन्थि 4:1

एसापा द्‍याङगेलाइ केलाइहेङ ख्रिस्टको बान्धाइति कालाउ परमेस्वरको म्होन्हाका जातिङको काथाको बाख्या पाका काम पिका हि।

हिब्रु 2:3

ओदोङ भाअ्सिङ पाक्का दोङ केलाइ बुङ साजाइ निनाङ, जेसापा इङको माहान मुक्तिहेङ वास्ता मापान्हाहि पानु। प्रभु येसु दोङ ताइमिङ लाम्फा इदोइ मुक्तिको बारेता केलाइहेङ दोअ्हि, कालाउ प्रभुहेङ हिङका चात्यागेलाइ इदोइ सत्ये हि दोअ्तेङ केलाइहेङ प्रमानित पिहि।

1पतरुस 5:1

का नाअ् इन्ताको मन्डलिको आगुवागेलाइहेङ हाइ दोङ दोअ्लि भोखा, हाइपालिपानु का बुङ नेलाइ भाइकाङ एमि आगुवा हिघा। का ताइमिङ ख्रिस्टको हेन्जाङ सोमोइ लाम्फा निङका कस्ट तिङका हिघा। जेलाउ वा आरोङ धुरितेङ ल्वाङ, का बुङ वाको महिमाता साझेदार जेनाङका। एला का नेलाइहेङ आग्राह पाङका।

२ पत्‍रुस 1:16

जेलाउ केलाइ छाल्का चात्यागेलाइ नेलाइहेङ केलाइको प्रभु येसु ख्रिस्टको सरबुङ कालाउ आगामनको बारेता दोअ्का हिघानाहि, जेलाउ चङख जेङतेङ केलाइ नेलाइहेङ बानाइका दन्त्य काथागेलाइ दोअ्का मान्थु घानाहि। भरु केलाइ ताइमिङ ख्रिस्टको बार्का महिमा तिङका हिनाहि।