युहन्‍ना 7:3 - Dhimal NT

³ ओदोङ भाअ्सिङ येसुको ओनेगेलाइ वासेहेङ दोअ्हि, “इदोइ थामे लाअ्तेङ यहुदिया जिल्ला हाने, कालाउ नाअ् दोङ पातेङ हिका कामगेलाइ नाङको चात्यागेलाइ बुङ तिनाको।

धिमाल

³ इसुको ओनेगेलाइ वासेहेङ दोअ्‌हि, “इदोइ थामे लाअ्‌तेङ यहुदियाता हाने रो नाङको पागिल्‍का कामगेलाइ इन्‍ता बुङ नाङको चात्‍यागेलाइ तिनाको।

युहन्‍ना 7:3 Iomraidhean Croise

मत्‍ति 12:46

येसु जेरगेलाइ दोफा काथा पाकाताङ पालाउ, वाको आमाइ कालाउ ओनेगेलाइ येसु दोफा काथा पालि हि, दोअ्तेङ बाहार दोङ ह्रुम्तेङ हि।

मर्कुस 3:21

जेलाउ येसुको जाहान इङको काथा हिङहि, कालाउ वासेहेङ चुम्पुलि इम्बालाइ ओल्लेहि, हाइपालिपानु वाको मन थेगानाता मान्थु दोअ्तेङ इम्बालाइ दोअ्घाखे।

मर्कुस 3:31

येसुको आमाइ कालाउ ओनेगेलाइ इन्ता लोहि। साअ्को बाहार जाअ्तेङ येसुहेङ काइगिल्हि।

लुका 8:19

येसुको आमाइ कालाउ ओनेगेलाइ वासेहेङ भेतिलि लोहि, द्‍याङगेलाइको बार्का जेर हिघाहि कालाउ गुल्सु-गुल्सुपाङ हिलाउ ओबालाइ येसुहेङ भेतिलि मादोहि।

लुका 8:20

एमि द्‍याङ येसुहेङ दोअ्हि, “गुरु ज्यु नाङको आमाइ कालाउ नाङको ओनेगेलाइ नासेहेङ खाङलि बाहार ह्रुम्तेङ हि।”

युहन्‍ना 2:2

बिहुता येसु कालाउ वाको चात्यागेलाइहेङ बुङ नेउता पिका हिघाहि।

युहन्‍ना 6:60

इदोइ काथागेलाइ हिङतेङ न्हुसो येसुको चात्यागेलाइ मध्येसो हेन्जा द्‍याङगेलाइ दोअ्हि, इदोइ सिक्स्या थाङका हि, हासु इदोइ मानिलि द्वाङ रो?

युहन्‍ना 6:66

कालाउ इङको सोमोइसो येसुको चात्यागेलाइ मध्ये हेन्जाङ वासेहेङ पिताइलि लाअ्हि।

युहन्‍ना 7:10

कालाउ येसुको ओनेगेलाइ पार्बाता हानिलि दोतेङ न्हुसो, येसु बुङ हासु बुङ थाहा मानिङपासिङ हानिहि।

युहन्‍ना 7:4

जेसापा हिदोइ बुङ द्‍याङ नावाइ ताअ्लि खाङखे पानु, वा म्होतेङ काम मापाखे। नाअ् इदोइ कामगेलाइ पालि खाङनु ताइमिहेङ सुमिङता प्रकट पातेङ तिङपा।”

युहन्‍ना 7:5

हाइपालिपानु वाको ओनेगेलाइ बुङ वा ह्रुता खाङधुरि मापाघाहि।

साल्न्हाका चात्या 2:14

कालाउ पतरुस तेए झना साल्का चात्यागेलाइ दोफा जाअ्तेङ बार्का गालाहोइ इम्बालाइहेङ दोअ्हि, ओइ यहुदिया जिल्लाको द्‍याङगेलाइ कालाउ ओइ यरुसेलेम सहरको द्‍याङगेलाइ नेलाइहेङ इदोइ काथा थाहा जेनाको, कालाउ काङको काथा हिङसु।